Yeremia 25:18 - An Bibel Kernewek 20234 (Kernewek Kemmyn)

¹⁸ Yerusalem ha sitys Yuda ha'ga myghternedh ha'ga fennsevigyon, dh'aga gul magor, ynyalder, hwibana ha molleth, dell yns hedhyw;

Yeremia 25:18 ပူးပေါင်းရင်းမြစ်များ

1 Myghternedh 8:24

Ty re withas an pyth a leversys dhe'th was Davydh ow thas; ty a ambosas gans dha anow ha'y gollenwel hedhyw gans dha leuv.

2 Myghternedh 22:19

drefenn bos dha golonn medhel, ha ty dhe vos uvel a-dherag an Arloedh, pan glewsys an pyth a leveris vy erbynn an tyller ma, hag erbynn y annedhysi, mayth ellens ha bos euth ha molleth, ha skwardya dha dhillas, hag oela a-dheragov, my ynwedh re glewas, a lever an Arloedh.

2 Kroniklys 29:8

Yndella konnar an Arloedh a dheuth war Yuda ha war Yerusalem, hag ev a's gwrug tra a euth, a skruth, hag a hwiban, dell welowgh gans agas dewlagas agas honan.

Ezra 9:7

A-dhia dhydhyow agan tasow bys an jydh hedhyw agan kammweyth re beu meur; hag a-barth agan drogoberow re beu ni ha'gan myghternedh ha'gan oferysi delivrys yn leuv myghternedh an powyow, dhe'n kledha, dhe gethneth, ha dhe breydh, ha dhe uvelheans, dell yw y'n jydh hedhyw.

Nehemia 9:36

Otta, hedhyw kethyon on ni! Y'n tir a resys dh'agan tasow dhe dhybri y froeth ha'y daklow da, otta, kethyon on ni ynno!

Salmow 60:3

Ty re dhiskwedhas dhe'th pobel taklow kales; ty re wrug dhyn ni eva gwin a benn-dro.

Ysay 40:23

Ev a dhre pennternedh dhe vos mann; ha gul breusysi an bys gwakter.

Ysay 65:15

Hwi a as agas hanow avel molleth dhe'm re dhewisys; ha'n Arloedh Duw a'th ladh; mes ev a elow y servysi gans ken hanow.

Yeremia 1:10

Mir, my re'th apoyntyas hedhyw war an kenedhlow ha war an gwlaskordhow, dhe dhiwreydhya, ha dhe derri dhe'n dor, dhe dhistrui, ha dhe dhiswul; dhe dhrehevel ha dhe blansa.’

Yeremia 13:3

Ha ger an Arloedh a dheuth dhymm an eyl prys, ow leverel,

Yeremia 13:9

Yndellma y lever an Arloedh: War-lergh an vaner ma my a dhiswra goeth Yuda, ha goeth meur Yerusalem.

Yeremia 24:9

My a wra dhedha bos euth, pyth drog, yn oll gwlaskordhow an nor, dhe vos keredh ha droglavar, tont ha molleth yn oll an tylleryow ma's fesyav.

Yeremia 25:11

An tir oll ma a vydh ynyal ha gwast, ha'n kenedhlow ma a serv myghtern Babylon deg blydhen ha tri-ugens.

Yeremia 25:9

otta, my a dhannvon ha kemmeres oll teyluyow an gogledh, yn-medh an Arloedh, ha Nebukadnessar myghtern Babylon, ow gwas, ha my a's dre erbynn an tir ma hag erbynn y annedhysi, hag erbynn oll an kenedhlow ma usi a-derdro, ha my a wra aga sakra dhe dhistruyans, ha gul dhedha bos euth, ha hwibana, ha magoryow bys vykken.

Yeremia 26:6

ena my a wra an chi avel Shilo ha gul an sita ma bos molleth dhe oll genedhlow an nor.

Yeremia 44:22

Ny ylli an Arloedh perthi na fella agas drog wriansow, ha'n taklow kasadow a wrussowgh; yndella agas tir a dheuth ha bos ynyal ha gwast ha molleth, heb annedhyas, kepar hag y'n jydh hedhyw.

Ezekiel 30:7

I a vydh dibobel yn mysk powyow ynyal ha'y sitys a vydh yn mysk sitys gwastys.

Daniel 9:12

Ev re gollenwis y eryow kewsys er agan pynn, hag erbynn agan breusysi neb a'gan breusis, ow tri warnan droglamm bras, rag yn-dann oll an nevow ny veu gwrys kepar dell veu gwrys yn Yerusalem.

Amos 2:5

Ytho my a dhannvon tan war Yuda, dhe dhevorya palesyow Yerusalem.

Amos 3:2

Hwi unnsel a aswonnis vy yn-mes a oll teyluyow an nor; rakhenna my a wra agas kessydhya rag agas drogoberow oll.

Mika 6:16

Ordenansow Omri yw gwithys, hag oberow oll chi Ahab, ha hwi a gerdh herwydh aga husul. Rakhenna my a'th wra avel euth, ha'y thrigoryon a vydh hwibana, ha hwi a berth mewl ow fobel!

Yoshua 6:18

Mes hwi, omwithewgh dhiworth an taklow sakrys dhe dhistruyans, ma na wrewgh aga hwansa ha kemmeres neppyth sakrys, ha gul kamp Ysrael y honan sakrys, ha dri terroesa warnodho.

1 Peder 4:17

Rag devedhys yw an termyn dhe dhalleth an vreus orth teylu Duw, ha mar talleth orthyn ni, pandr'a vydh gorfenn an re nag yw gostydh dhe aweyl Duw?