Yeremia 25:15 - An Bibel Kernewek 20234 (Kernewek Kemmyn)

¹⁵ Rag yndellma y lever an Arloedh, Duw Ysrael dhymm: Kemmer hanaf gwin an sorr ma a'm leuv, ha gwra dhe bub kenedhel, ma'th tannvonav, y eva.

Yeremia 25:15 ပူးပေါင်းရင်းမြစ်များ

Job 21:20

Re wello aga dewlagas aga distruyans, ha re effons sorr an Ollgalloesek.

Salmow 11:6

Ev a wra dhe golennow tan ha loskven koedha war an debeles avel glaw; gwyns gwyls a vydh kevrenn aga hanaf.

Salmow 60:3

Ty re dhiskwedhas dhe'th pobel taklow kales; ty re wrug dhyn ni eva gwin a benn-dro.

Salmow 75:8

Rag yn leuv an Arloedh yma hanaf, hag ewynek yw an gwin, kemmyskys yn leun, hag ev a dhinwa anodho. Mes an godhes anodho, oll tebeles an nor a'n lenk ha'y eva.

Salmow 75:9

Mes my a'n deriv bynitha, ha kana gormola dhe Dhuw Yakob.

Ysay 14:26

Hemm yw an towl ervirys rag oll an norvys; ha homm yw an leuv ystynnys war oll an kenedhlow.

Ysay 34:2

Rag yma sorrvann dhe'n Arloedh erbynn oll an kenedhlow, ha konnar erbynn oll aga luyow. Ev re's distruis ha'ga ri dhe ladhva.

Ysay 51:17

Difun, difun! Sav yn-bann, A Yerusalem, ty neb re evas orth dorn an Arloedh hanaf y sorr, neb re evas bys y'n godhes an bolla a vedhwenep.

Ysay 51:22

Yndellma y lever dha Arloedh, an Arloedh, dha Dhuw neb a bled ken y bobel: Otta, my re gemmeras dhiworth dha dhorn an hanaf a vedhwenep. Ny evydh nevra na fella a volla ow honnar.

Ysay 51:23

Ha my a'n gorr yn dorn dha dormentorys, neb a leveris dhis, ‘Pleg dhe'n dor rag may kerthyn warnas’; ha ty re wrug dha geyn avel an dor, hag avel an stret rag tus dhe dremena warnodho.

Yeremia 1:5

‘Kyns my dhe'th formya y'n dorr my a'th aswonnis; ha kyns ty dhe dhos yn-mes a'n brys my a'th sakras, ha'th worra dhe vos profoes dhe'n kenedhlow.’

Yeremia 36:2

Kemmer rol-skrifa ha skrifa warnedhi oll an geryow re gewsis dhis erbynn Ysrael, hag erbynn Yuda, hag erbynn oll an kenedhlow, a-dhia'n jydh may kewsis dhis, a-dhia dhydhyow Yosia bys hedhyw.

Yeremia 43:11

Ev a dheu ha gweskel pow Ejyp, ow ri dhe'n mernans an re yw destnys rag mernans, ha dhe gethneth an re yw destnys rag kethneth, ha dhe'n kledha an re yw destnys rag an kledha.

Yeremia 45:5

Ha ty, a hwilydh traow meur dhe'th honan? Na's hwila; rag my a dhre anfeusi war oll kneus, yn-medh an Arloedh; mes my a re dhis dha vewnans avel preydh yn pub tyller mayth ylli.’

Yeremia 46:1

Ger an Arloedh hag a dheuth dhe Yeremia an profoes a-dro dhe'n kenedhlow.

Yeremia 48:26

Gwrewgh dhodho bos medhow, drefenn ev dhe omvoghhe erbynn an Arloedh; gesewgh Moab dhe omlagenna yn y hwyj y honan; hag ev ynwedh a vydh ges.

Yeremia 49:12

Rag yndellma y lever an Arloedh: Otta, seul na veu breusys dhe eva an hanaf a dal hwath y eva, ytho a vydhydh ty heb kessydhyans vyth? Ny vydhydh heb kessydhyans; res yw dhis y eva.

Yeremia 51:7

Babylon o hanaf owr yn leuv an Arloedh, ow kul medhow oll an nor; an kenedhlow a evas a'y gwin; rakhenna an kenedhlow eth yn fuskok.

Ezekiel 23:32

Yndellma y lever an Arloedh Duw: Ty a yv hanaf dha hwoer, down ha ledan; y fydh dhis rag hwarth ha ges: yma lies synsys ynno.

Ezekiel 23:33

Ty a vydh leun a vedhwenep ha moredh, hanaf a euth ha terroes, hanaf dha hwoer Samaria.

Ezekiel 29:12

My a wra pow Ejyp ynyalder yn mysk powyow ynyal, ha'y sitys a vydh difeyth dewgens blydhen yn mysk sitys difeyth; ha my a skatter Ejyp y'n kenedhlow, ha'ga lesa y'n powyow.

Ezekiel 36:5

rakhenna yndellma y lever an Arloedh Duw: Sur yn tan ow avi my re gewsis erbynn remenant an kenedhlow, hag erbynn oll Edom a gemmeras ow thir dhedha aga honan rag eretons gans joy yn aga holonn ha despit yn aga brys, rag may fe hy feurva preydh.

Obadia 1:16

Rag kepar dell wrussowgh eva war ow menydh sans, yn kettella y hwra an kenedhlow oll eva heb hedhi. Eva a wrons, ha lenki, hag y fydhons kepar ha pan nag esens bythkweth yn few.

Habakkuk 2:16

Lenwys os gans meth yn le golewder: yv ty ynwedh ha diskwa dha gudhgenn. An hanaf yn leuv dhyghow an Arloedh a dheu dhis ha disenor a vydh war dha wolewder.

Diskwedhyans 14:10

ev ynwedh a wra eva a'n gwin a'n sorr a Dhuw, dinewys heb gwannhe y'n hanaf a'y sorr, hag ev a vydh tormentys gans tan ha loskven a-dherag an eledh sans hag a-dherag an Oen.

Diskwedhyans 14:19

Ha'n el a swaysyas y gromman dhe'n dor, ha kuntell trevas gwinwydhenn an dor ha'y thewlel y'n winwask vras a'n sorr a Dhuw.