Yeremia 24:5 - An Bibel Kernewek 20234 (Kernewek Kemmyn)

⁵ Yndellma y lever an Arloedh, Duw Ysrael: Avel an figys da ma, yndella my a aswonn an dhivresow a Yuda, hag a dhannvenis yn-mes a'n tyller ma dhe bow an Kaldeanys rag aga les.

Yeremia 24:5 ပူးပေါင်းရင်းမြစ်များ

Salmow 119:67

Kyns my dhe vos yn anken, my a gammdremenas, mes lemmyn my a syns dha lavar.

Salmow 119:71

Da yw ow bos yn anken, rag may tyskiv dha ordenansow.

Yeremia 24:4

Ena ger an Arloedh a dheuth dhymm, ow leverel:

Yeremia 29:11

Rag my a woer an tybyansow a dybav ragowgh, yn-medh an Arloedh, tybyansow kres, a-der drogedh, dhe ri dhywgh diwedh gans govenek.

Yeremia 29:20

Klewewgh ytho ger an Arloedh, oll hwi an dhivresow, a dhannvenis a Yerusalem dhe Babylon:

Yeremia 29:4

Yndellma y lever Arloedh an luyow, Duw Ysrael, dhe oll an re a wrug vy aga doen dhe-ves yn divroedh a-dhiworth Yerusalem dhe Babylon:

Ezekiel 11:17

Rakhenna lavar, Yndellma y lever an Arloedh Duw: My a'gas kuntell dhiworth an poblow, ha'gas kuntell dhiworth an gwlasow may fewgh skattrys ynna, ha my a re dhywgh pow Ysrael.

Ezekiel 11:20

rag may kerthons y'm ordenansow ha gwitha ow breusow ha'ga gul. Ena i a vydh ow fobel, ha my a vydh aga Duw.

Levitikus 26:44

Mes yn despit dhe henna oll, pan vons yn tir aga eskerens, ny wrav aga skonya, na'ga aborrya, dh'aga diswul yn tien ha terri ow hevambos gansa; rag an Arloedh aga Duw ov vy.

Nahum 1:7

Da yw an Arloedh, dinas yn dydh anken; hag ev a aswonn an re a drest ynno ev.

Zekaria 13:9

My a dhre an tressa rann dre'n tan, ha'ga furhe dell yw purhes an arghans, a'ga frevi dell yw prevys an owr. Ev a wra gelwel war ow hanow, ha my a worthyp dhodho; my a lever, ‘Ev yw ow fobel’, hag ev a lever, ‘An Arloedh yw ow Duw.’

Matthew 25:12

Mes ev a worthybis ha leverel, “Yn hwir y lavarav dhywgh, ny wrav vy agas aswonn.”

Yowann 10:27

Ow deves a glew ow lev, ha my a's aswonn, hag i a'm siw.

Romanyon 8:28

Ni a woer pup-tra dhe oberi war-barth rag dader rag an re a gar Duw, an re yw gelwys herwydh y borpos.

1 Korinthianys 8:3

mes nebonan mar kar Duw, aswonnys ganso yth ywa.

Galatianys 4:9

mes y'n eur ma owth aswonn Duw, mes moy yn tevri aswonnys gans Duw, fatell esowgh ow treylya arta war-tu ha'n elvennow gwann hag ydhil, may fynnowgh bos arta kethyon dhedha avel kyns?

Dewteronomi 8:16

neb a ros dhis manna dhe dhybri y'n gwylvos na aswonnis dha dasow, rag dha uvelhe, ha rag ma'th proffa, dhe wruthyl dader dhis wortiwedh.

2 Timothi 2:19

Byttegyns selven fyrv Duw a sev, ha warnodho an skrif ma: ‘An Arloedh a aswonn an re usi dhodho’, ha, ‘Pubonan a henow hanow an Arloedh, treylys ev dhiworth kammhynseth.’

Diskwedhyans 3:19

Myns a garav, a geredhav ha keski. Bydh diwysyk, ytho, ha kemmer edrek.