Yeremia 24:3 - An Bibel Kernewek 20234 (Kernewek Kemmyn)

³ Ena an Arloedh a leveris dhymm, ‘Pandr'a welydh, Yeremia?’ Ha my a leveris, ‘Figys; an figys da, pur dha; ha'n re drog, pur dhrog, mar dhrog ma na yllens bos dybrys.’

Yeremia 24:3 ပူးပေါင်းရင်းမြစ်များ

Yeremia 24:4

Ena ger an Arloedh a dheuth dhymm, ow leverel:

Yeremia 29:17

Yndellma y lever Arloedh an luyow: Otta, my a dhannvon warnedha an kledha, an divoetter, ha'n pla, ha'ga gul avel fygys pedrys na yll bos dybrys drefenn aga bos mar dhrog.

Amos 7:8

Ha'n Arloedh a leveris dhymm, ‘Pandr'a welydh, Amos?’ Hag yn-medhav, ‘Plemmik.’ Ena an Arloedh a leveris, ‘Ottavy ow settya plemmik yn mysk ow fobel Ysrael; ny wrav aga sparya namoy.’

Amos 8:2

Hag ev a leveris, ‘Pandr'a welydh, Amos?’ Hag yn-medhav, ‘Kanstellas a frut an hav.’ Ena an Arloedh a leveris dhymm: Devedhys yw gorfenn ow fobel Ysrael; ny wrav aga sparya namoy.

Zekaria 4:2

Ev a leveris dhymm, ‘Pandr'a welydh?’ My a worthybis, ‘My a viras, hag otta kantoler gwrys oll yn tien a owr, ha bolla war y benn ha seyth lugarn warnodho, ha seyth pibenn dhe'n lugern usi war y benn.

Zekaria 5:2

Ev a leveris dhymm, ‘Pandr'a welydh?’ My a worthybis, ‘My a wel rol-skrifa ow nija, ugens kevelin hy hys ha deg kevelin hy les.’

1 Samuel 9:9

(Seulabrys yn Ysrael, pan eth gour dhe wovynn orth Duw, ev a leveri, ‘Dewgh, ha deun dhe'n gwelesydh’; rag an gour neb yw gelwys profoes y'n dydhyow ma o seulabrys gelwys gwelesydh.)