Yeremia 23:9 - An Bibel Kernewek 20234 (Kernewek Kemmyn)

⁹ A-dro dhe'n brofoesi: Ow holonn ynnov yw terrys, ow eskern oll a gren; avel gour medhow ov, hag avel gour fethys gans gwin, drefenn an Arloedh, ha drefenn geryow y sansoleth.

Yeremia 23:9 ပူးပေါင်းရင်းမြစ်များ

Salmow 60:3

Ty re dhiskwedhas dhe'th pobel taklow kales; ty re wrug dhyn ni eva gwin a benn-dro.

Salmow 69:20

Mewl re dorras ow holonn, ha paynys bras a'm beus. My a hwilas neb a gemmerra truedh ahanav, mes nyns esa; ha konforters, mes ny's kevis.

Ysay 28:1

Go-hi gurun woethus pennow-medhow Efraym, ha bleujenn gwedhrys y dekter splann, usi war benn nans fethus an re medhwys gans gwin!

Ysay 29:9

Bedhewgh dyegrys ha penndegys, omdhallhewgh ha bedhewgh dall; bedhewgh medhow, mes a-der gans gwin, trebuchyewgh, mes a-der gans korev.

Ysay 51:21

Ytho klew hemma, ty druan, neb yw medhow, mes a-der gans gwin.

Ysay 6:5

Ena my a leveris, ‘Go-vy! diswrys ov vy, rag gour avlan y dhiwweus ov vy, ha trigys esov yn mysk pobel avlan hy diwweus; rag ow dewlagas re welas an Myghtern, Arloedh an luyow.’

Yeremia 20:9

Ena my a leveris, ‘Ny'n kampoellav, na kewsel namoy yn y hanow.’ Mes ynnov yma neppyth haval dhe dan ow leski deges y'm eskern, ha skwith ov owth omfronna, ha ny allav y berthi.

Yeremia 36:16

Pan glewsons oll an geryow, i a dreylyas an eyl dh'y gila yn own, ha leverel dhe Baruk, ‘Yn sur ni a dheriv an geryow ma dhe'n myghtern.’

Yeremia 5:31

An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?

Yeremia 8:18

Nyns eus eli rag ow anken; ow holonn yw klav.

Yeremia 9:1

Unnweyth a pe ow fenn dowrow, ha'm dewlagas fenten a dhagrow, mayth oellen dydh ha nos rag an re ledhys a vyrgh ow fobel!

Kynvannow 3:15

Ev re'm lenwis a erbys hwerow, ha'm medhwi a fuelenn.

Ezekiel 13:3

Yndellma y lever an Arloedh Duw: Go-i an brofoesi foll usi ow kerdhes war-lergh aga spyrys aga honan, ha ny welsons travyth!

Ezekiel 9:4

ha'n Arloedh a leveris dhodho, ‘Tremen der an sita, dre Yerusalem, ha gwra merk war dal an wer usi owth hanasa ha kyni war oll an taklow kasadow gwrys a-berth ynni.’

Ezekiel 9:6

Ledhewgh henavek, den yowynk, ha gwyrghes, ha flogh, ha benynes; mes pub gour may ma an merk warnodho na dhewgh nes dhodho. Dallethewgh dhiworth ow sentri.’ Ytho i a dhallathas gans an henavogyon esa a-rag an chi.

Daniel 8:27

Ha my, Daniel, a glamderas, hag o klav dre nebes dydhyow; ena my a sevis ha gul negys an myghtern. Mes skruth a'm kemmeras drefenn an welesigeth, o dres konvedhes.

Habakkuk 3:16

My a woslowas ha'm torr a grenas; orth an son ow diwweus a dremblas, podredhes a dheu y'm eskern ha'm diwarr a dhegren yn-dannov. Yn kosel my a worta dydh an ahwer dhe dhos war bobel a omsett er agan pynn.

Romanyon 7:9

Ow pewa yth esen a-der an lagha, mes pan dheuth an gorhemmynn, dasserghi a wrug pegh,