Yeremia 23:4 - An Bibel Kernewek 20234 (Kernewek Kemmyn)

⁴ Ha my a worr bugeledh warnedha dh'aga bugelya; ha ny berthons own namoy na bos dyegrys, na fyllel, yn-medh an Arloedh.

Yeremia 23:4 ပူးပေါင်းရင်းမြစ်များ

Ysay 11:11

Y'n jydh na an Arloedh a ystynn y leuv an nessa gweyth dhe dhaskavoes remenant y bobel yw gesys, dhiworth Assyria, dhiworth Ejyp, dhiworth Pathros, dhiworth Ethiopia, dhiworth Elam, dhiworth Shinar, dhiworth Hamath, ha dhiworth ynysow an mor.

Yeremia 30:10

Ytho na borth own, ow gwas Yakob, yn-medh an Arloedh, na na vydh digolonnek, A Ysrael; rag otta, my a'th selow a bellder, ha'th has a-dhiworth tir aga hethneth; ha Yakob a dhehwel ha powes ha bos kosel, ha ny wra nagonan gorra own ynno.

Yeremia 31:10

Klewewgh ger an Arloedh, hwi genedhlow, ha'y dhisklerya dhe'n ynysow pell; leverewgh, ‘Ev neb a skattras Ysrael a wra y guntell, ha'y witha par dell wra an bugel y flokk.’

Yeremia 33:26

ena my a dhenaghsa has Yakob, ha Davydh ow gwas, ma na dhewisav nagonan a'y has avel rewloryon war has Abraham, Ysak ha Yakob. Rag my a dreyl aga hethneth, ha kemmeres truedh anedha.

Ezekiel 36:11

My a ynkress warnowgh den ha best, hag i a balsha ha doen froeth; my a'gas gwra dhe vos annedhys kepar hag y'n termynyow koth, ha gul dhywgh seweni moy es kyns. Ena hwi a woer my dhe vos an Arloedh.

Levitikus 26:9

My a dreyl dhywgh, ha'gas gul feyth, ha'gas ynkressya, ha fastya ow kevambos genowgh.

Mika 4:4

Pub den a esedh yn-dann y winbrenn hag yn-dann y figbrenn y honan, ha denvyth ny wra dhodho perthi own; rag ganow Arloedh an luyow re gewsis.

Mika 5:2

Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Mika 7:14

Bugel dha bobel gans dha vagel, para dha eretons, hag a drig y honan yn koeswik y'n kres a dir feyth; peurens yn Bashan ha Gilead kepar hag y'n dydhyow koth.

Sefania 3:13

Ny wra remenant Ysrael sherewneth, na leverel gowyow; na ny vydh taves fekyl kevys yn aga ganow; rag i a beur ha growedha, ha denvyth ny wra dhedha perthi own.

Niverow 31:49

ha leverel dhe Moyses, ‘Dha servysi re niveras an wer a vresel usi yn-dann agan galloes, ha ny fyll gour vyth a-dhiworthyn.

Yowann 17:12

Pan esen gansa, my a's synsis y'th hanow jy hag a resys dhymm, ha my a's gwithas, ha ny veu denvyth anedha kellys, marnas an mab a dhiswrians, may fe kollenwys an skryptor.

Yowann 18:9

may fe kollenwys an lavar a leveris ev, ‘A'n re a resys dhymm, ny gellis vy nagonan.’

1 Peder 1:5

neb yw gwithys dre alloes Duw dre fydh dhe selwyans parys dhe vos diskwedhys y'n termyn diwettha.