Yeremia 23:39 - An Bibel Kernewek 20234 (Kernewek Kemmyn)

³⁹ rakhenna otta, my a'gas ankev yn tien, ha'gas tewlel dhe-ves dhiworth ow fas, hwi ha'n sita a res dhywgh ha dh'agas tasow.

Yeremia 23:39 ပူးပေါင်းရင်းမြစ်များ

Jenesis 4:16

Ha Kayn eth yn-mes dhiworth golok an Arloedh ha triga yn pow Nod, est dhe Eden.

Jenesis 6:17

Hag awotta, yth esov vy ow honan ow tri liv dowrow war an nor dhe dhistrui pub kig hag ynno anall bewnans yn-dann nev. Pup-tra eus war an nor a wra merwel.

2 Myghternedh 23:27

An Arloedh a leveris, ‘My a gemmer Yuda ynwedh yn-mes a'm golok, kepar dell gemmeris Ysrael yn-mes; ha my a skon an sita ma a dhewisis, Yerusalem, ha'n chi a leveris vy anodho, ow hanow a vydh ena.’

Salmow 51:11

Na dowl vy dhe-ves a'th fas ha na gemmer a-dhiworthiv dha Spyrys sans.

Lavarow Koth 13:13

Neb a skorn an ger a dheg diswrians warnodho y honan, mes neb a berth own a'n gorhemmynn a'n jevydh gober.

Ysay 48:15

My, my ow honan re gewsis ha'y elwel, my re'n dros, hag ev a wra seweni yn y fordh.

Ysay 51:12

My, my yw neb a'gas konfort. Ytho piw osta jy may perthydh own a dhen hag a verow, hag a vab-den neb a wedher avel gwels?

Yeremia 12:7

My re asas ow chi, my re skonyas ow ertach; my re ros karadow ow enev yn leuv hy eskerens.

Yeremia 23:33

Ha pan wovynn orthis an bobel ma, po an profoes, po oferyas, ‘Pyth yw begh an Arloedh?’ ty a lever dhedha, ‘Hwi yw an begh, ha my a wra agas forsakya, yn-medh an Arloedh.’

Yeremia 23:38

Mes mar leverowgh ‘Begh an Arloedh’, yndellma y lever an Arloedh: Drefenn hwi dhe leverel an ger ma, ‘Begh an Arloedh’, pan dhannvenis dhywgh, ow leverel, Ny leverowgh, ‘Begh an Arloedh’,

Yeremia 35:17

Ytho, yndellma y lever an Arloedh, Duw an luyow, Duw Ysrael: My a dhre war Yuda ha war oll annedhysi Yerusalem pub terroes re leveris er aga fynn; rag my re gewsis dhedha ha ny woslowsons, my re elwis dhedha mes ny worthybsons.’

Yeremia 36:31

My a'n kessydh ha'y has ha'y servysi rag aga anewnder; my a dhre warnedha, ha war annedhysi Yerusalem, ha war bobel Yuda, oll an drog re leveris er aga fynn, mes ny woslowsons.

Yeremia 52:3

Yn hwir, mar vras o sorr an Arloedh erbynn Yerusalem ha Yuda ma's tewlis mes a'y lok. Sedekia a rebellyas erbynn myghtern Babylon.

Yeremia 7:14

ytho my a wra dhe'n chi ma, may feu ow hanow gelwys warnodho, ynno may fydhyowgh, ha dhe'n tyller a res dhywgh ha dh'agas tasow, par dell wrug vy dhe Shilo.

Yeremia 7:15

Ha my a wra agas tewlel yn-mes a'm golok, dell dewlis yn-mes oll agas breder, has kowal Efraym.

Kynvannow 5:20

Prag y hwre'ta agan ankevi bys vykken, agan forsakya pub dydh oll?

Ezekiel 34:11

Rag yndellma y lever an Arloedh Duw: Ottavy, my ow honan, ow hwilas ow deves ha'ga hwithra.

Ezekiel 34:20

Rakhenna yndella y lever dhedha an Arloedh Duw: Ottavy, my ow honan, ow preusi ynter an deves tew ha'n deves tanow.

Ezekiel 5:8

rakhenna yndellma y lever an Arloedh Duw: Mir, my ow honan, yth esov er dha bynn, ha my a wra breusow a-berth ynnos a-wel dhe'n kenedhlow.

Ezekiel 6:3

ha lavar, Menydhyow Ysrael, goslowewgh ger an Arloedh Duw. Yndellma y lever an Arloedh Duw dhe'n menydhyow ha dhe'n brennow, dhe'n goverow ha dhe'n nansow, Awottavy ow tri warnowgh kledha, ha my a dhistru agas tylleryow ughel.

Ezekiel 8:18

Ytho my a ober yn sorr; ny gemmer ow lagas truedh na ny's sparyav. Kyn krions y'm diwskovarn gans lev ughel ny woslowav orta.’

Ezekiel 9:6

Ledhewgh henavek, den yowynk, ha gwyrghes, ha flogh, ha benynes; mes pub gour may ma an merk warnodho na dhewgh nes dhodho. Dallethewgh dhiworth ow sentri.’ Ytho i a dhallathas gans an henavogyon esa a-rag an chi.

Hosea 4:6

Ow fobel yw kisys drefenn fowt a skians. Drefenn ty dhe nagha skians, my a wra dha nagha ma na vi oferyas ragov; drefenn ty dhe ankevi lagha dha Dhuw, my ynwedh a wra ankevi dha vebyon.

Hosea 5:14

My a vydh avel lew dhe Efraym, hag avel lew yowynk dhe ji Yuda. My, my a wra skwardya ha mones; my a wra kemmeres, ha nagonan ny dhelirv.

Levitikus 26:28

ena my ynwedh a gerdh kontrari dhywgh hwi, ha my ynwedh a wra agas kessydhya seythgweyth rag agas peghosow.

Matthew 25:41

‘Ena y hwra ev leverel ynwedh dhe'n re a'n barth kledh, “Kewgh a-dhiworthiv, hwi dus villiges, dhe'n tan heb diwedh yw darbarys dhe'n jowl ha'y eledh.

Dewteronomi 32:39

Gwelewgh lemmyn, my, my yw ev, ha nyns eus duw marnas vy. My a ladh, ha my a vewha; my a vrew ha my a yaghha, ha nyns eus nagonan a yll delivra dhiworth ow leuv.

2 Thessalonianys 1:9

I a wra godhevel kessydhyans diswrians heb worfenn dhiworth fas an Arloedh ha dhiworth splannder y nerth,