Yeremia 23:36 - An Bibel Kernewek 20234 (Kernewek Kemmyn)

³⁶ Mes ny venegowgh ‘Begh an Arloedh’ namoy; rag ger pub den a vydh y vegh y honan; rag hwi re gammdreylyas geryow an Duw bew, Arloedh an luyow, agan Duw.

Yeremia 23:36 ပူးပေါင်းရင်းမြစ်များ

2 Myghternedh 19:4

Martesen an Arloedh dha Dhuw a glew oll geryow an Rabshake, a wrug y vester, myghtern Assyria dannvon dhe wul ges a'n Duw bew, hag ev a geredh drefenn an geryow re glewas an Arloedh dha Dhuw. Rakhenna drehav pysadow rag an remenant yw gesys.’

Salmow 12:3

An Arloedh a dregh oll gweusyow fekyl, an taves hag a lever bostow bras,

Salmow 120:3

Pandr'a vydh res dhis? Ha pandr'a vydh gwrys dhis, ty fals taves?

Salmow 149:9

dhe gollenwel breus warnedha dell yw skrifys. An enor ma yw gober oll y syns. Gormelewgh an Arloedh.

Salmow 64:8

Ytho ev a's diswra drefenn aga thavosow aga honan; seul a's gwel a shak an penn.

Lavarow Koth 17:20

Ny sewen den a golonn gamm, ha den ha dhodho taves treus a goedh yn anfeus.

Ysay 28:22

Lemmyn ytho na wrewgh ges, ma na vo agas kadonyow krevhes; rag my a glewas kollva dhe vos ervirys dhiworth an Arloedh, Duw an luyow, war oll an tir.

Ysay 3:8

Rag Yerusalem re drebuchyas ha Yuda re goedhas, drefenn bos aga thaves ha'ga gwriansow erbynn an Arloedh, ow rebellya erbynn golok y wolewder.

Yeremia 10:10

Mes an Arloedh yw gwir Dhuw, ev yw an Duw bew, ha myghtern heb diwedh: orth y sorr an norvys a gren, ha ny yll an kenedhlow perthi y sorrvann.

Yeremia 23:37

Yndellma ty a lever dhe'n profoes, ‘Pandr'a worthybis an Arloedh dhis?’ ha ‘Pandr'a leveris an Arloedh?’

Kynvannow 2:14

Dha brofoesi re welas ragos falsuri ha toell; ny dhiskudhsons dha dhrogobereth rag treylya dha gethneth, mes ragos i re welas gwelesigethow fals ha frowsus.

Matthew 12:36

Hag yn-medhav dhywgh, pub lavar dibreder a gews tus, i a attal akont anodho dydh breus,

Luk 19:22

Yn-medh ev dhodho, “Dhiworth dha anow dha honan my a'th vreus, ty gethwas drog! Ty a wodhves ow bos den kales, ow kemmeres yn-bann an pyth na wrugavy y worra yn-nans, hag ow mysi an pyth na wrugavy y hasa.

Oberow 14:15

‘A wer, prag y hwrewgh hwi an taklow ma? Ni ynwedh yw gwer, a'n keth gnas avelowgh, ha ni a bregoth rag agas treylya dhiworth an taklow koeg ma dhe Dhuw bew, neb a wrug an nev ha'n nor ha'n mor ha pup-tra eus ynna.

Galatianys 6:5

rag pubonan a dheg y vegh y honan.

Dewteronomi 5:26

Rag piw eus a bub kig neb a glewas lev an Duw bew ow kewsel yn-mes a gres an tan avelon, ha bewa?

1 Thessalonianys 1:9

An dus na, aga honan, a wra vri a-dro dhyn py par wolkomm a gemmersyn genowgh, ha fatell dreylsowgh dhe Dhuw dhiworth idolys dhe wonis an Duw bew ha gwir,

2 Peder 3:16

kepar dell skrif ynwedh yn oll y lytherow, ow kewsel ynna a-dro dhe'n taklow ma. Ynna yma taklow yw kales dhe gonvedhes, may ma an re dhidhysk ha'n re heb faster orth aga stumma, ha'n skryptors erell ynwedh, dh'aga diswrians aga honan.

1 Samuel 17:26

Davydh a leveris dhe'n wer esa sevys rybdho, ‘Pandr'a vydh gwrys rag an gour neb a ladh an Filistyas ma, ha kemmeres dhe-ves an meth dhiworth Ysrael? Rag piw yw an Filistyas antrodreghys ma may hyll ev defia luyow an Duw bew?’

1 Samuel 17:36

Dha was re ladhas lewyon hag orses; ha'n Filistyas antrodreghys ma a vydh kepar hag onan anedha, a-ban wrug ev defia luyow an Duw bew.’