Yeremia 23:32 - An Bibel Kernewek 20234 (Kernewek Kemmyn)

³² Otta, yth esov erbynn an re a brofoes fals hunrosow, yn-medh an Arloedh, hag a wra aga derivas, ha gul dhe'm pobel mos yn stray der aga gowyow ha'ga bostya; mes ny's dannvenis, na gorhemmynna dhedha; ytho ny vydhons dhe les rag an bobel ma, yn-medh an Arloedh.

Yeremia 23:32 ပူးပေါင်းရင်းမြစ်များ

Job 13:4

Saw byttegyns hwi a'm gwynngalgh gans gowyow, koeg vedhogyon owgh hwi oll.

Ysay 3:12

Ow fobel, hy rewloryon a's arwask, ha benynes a's rewl. Ow fobel, dha ledyoryon a wra dhedha gwandra, ha distrui fordh dha hynsyow.

Ysay 9:15

An henavek ha'n den ughel, ev yw an penn, ha'n profoes ow tyski gow, ev yw an lost.

Yeremia 23:13

Yn profoesi Samaria my re welas tra dhivlas: i a brofoesas re Baal, ha gul dhe'm pobel mos yn stray.

Yeremia 23:16

Yndellma y lever Arloedh an luyow: Na woslowewgh orth geryow an brofoesi a brofoes dhywgh; i a'gas gwra koeg: i a gews gwelesigeth aga holonn aga honan, a-der a-dhiworth ganow an Arloedh.

Yeremia 23:25

My re glewas an pyth a lever an brofoesi usi ow profoesa gowyow y'm hanow, ow leverel, ‘My re hunrosas, my re hunrosas!’

Yeremia 23:31

Otta, yth esov erbynn an brofoesi, yn-medh an Arloedh, rag i a wra devnydh a'ga thaves aga honan ha leverel, ‘Y lever an Arloedh.’

Yeremia 29:31

Dannvon dhe oll an dhivresow, ow leverel, Yndellma y lever an Arloedh a-dro dhe Shemaia an Nehelamyas: Drefenn Shemaia dhe brofoesa dhywgh, kyn na'n dannvenis, ha gul dhywgh fydhya yn gow,

Yeremia 7:8

Otta, hwi a fydh yn geryow gow, nag yns dhe les.

Kynvannow 2:14

Dha brofoesi re welas ragos falsuri ha toell; ny dhiskudhsons dha dhrogobereth rag treylya dha gethneth, mes ragos i re welas gwelesigethow fals ha frowsus.

Kynvannow 3:37

Piw a yll gorhemmynn hag y fydh gwrys, mar ny'n ordenas an Arloedh?

Sefania 3:4

Direwl yw hy frofoesi, falswesyon; hy oferysi re dhefolas an sentri, i re shyndyas an lagha.

Zekaria 10:2

An imajys re gewsis flows, ha'n goelyogyon re welas gwelesigethow gowek; i a dheriv fals hunrosow, i a re konfort euver. Ytho an dus a wander avel deves, yn ahwer, rag nyns eus bugel.

Matthew 15:14

Gesewgh i dhe vos; hembrenkysi dhall yns i a dus dhall. Mar kwra den dall hembronk den dall, i aga dew a goedh yn kleudh.’

2 Korinthianys 1:17

Rakhenna, pan vynnis gul hemma, en vy hedro? Pan ervirav traow, a oberav vy war-lergh an kig, may leverriv yn kettermyn ‘Ya, ya’ ha ‘Na, na’?

Dewteronomi 18:20

Byttegyns an profoes neb a lavas kewsel geryow y'm hanow na worhemmynnis dhodho aga hewsel, po neb a gews yn hanow duwow erell, an profoes na a verow.’

Diskwedhyans 19:20

Ha'n best a veu kemmerys, ha ganso an fals profoes a wrug sinys a-dheragdho, may toellas neb re dhegemmersa merk an best ha neb a wordhya y imaj. An dhew ma a veu tewlys, bew, yn lynn tan ow leski gans loskven.