Yeremia 23:31 - An Bibel Kernewek 20234 (Kernewek Kemmyn)

³¹ Otta, yth esov erbynn an brofoesi, yn-medh an Arloedh, rag i a wra devnydh a'ga thaves aga honan ha leverel, ‘Y lever an Arloedh.’

Yeremia 23:31 ပူးပေါင်းရင်းမြစ်များ

1 Myghternedh 22:11

Sedekia mab Kenaana a wrug dh'y honan kern a horn, hag ev a leveris, ‘Yndellma y lever an Arloedh: Gans an re ma ty a gorn Aram bys pan vydhons distruys.’

2 Kroniklys 18:5

Ena myghtern Ysrael a guntellas an brofoesi war-barth, peswar kans anedha hag a leveris dhedha, ‘A wren ni mos dhe vatalyas orth Ramoth-gilead, po a skonyav a wul yndella?’ I a worthybis, ‘Ke yn-bann; rag Duw a's re yn leuv an myghtern.’

Ysay 30:10

neb a lever dhe'n welesydhyon, ‘Na welewgh’, ha dhe'n brofoesi, ‘Na brofoesewgh dhyn an gwir, kewsewgh orthyn taklow fekyl, profoesewgh husow;

Yeremia 23:17

I a lever dhe'n re a dhispres ger an Arloedh, ‘Hwi a'gas bydh kres’, ha dhe bubonan a siw gorthter y golonn, ‘Ny dheu terroes warnowgh.’

Yeremia 23:30

Otta ytho, yth esov erbynn an brofoesi, yn-medh an Arloedh, a lader ow geryow an eyl a'y gila.

Yeremia 23:32

Otta, yth esov erbynn an re a brofoes fals hunrosow, yn-medh an Arloedh, hag a wra aga derivas, ha gul dhe'm pobel mos yn stray der aga gowyow ha'ga bostya; mes ny's dannvenis, na gorhemmynna dhedha; ytho ny vydhons dhe les rag an bobel ma, yn-medh an Arloedh.

Yeremia 28:15

Ena an profoes Yeremia an profoes a leveris dhe Hanania an profoes, Goslow, Hanania, ny'th tannvonas an Arloedh, mes ty a wra an bobel ma dhe fydhya yn gow.

Yeremia 28:17

Ytho, Hanania an profoes a verwis y'n keth vlydhen y'n seythves mis.

Mika 2:11

Mar kertha gour a-dro ow kowleverel gans gwyns ha gowegneth, ‘My a brofoes dhis a win hag a gorev’, ev a via an profoes rag an bobel ma!

Dewteronomi 18:20

Byttegyns an profoes neb a lavas kewsel geryow y'm hanow na worhemmynnis dhodho aga hewsel, po neb a gews yn hanow duwow erell, an profoes na a verow.’