Yeremia 23:24 - An Bibel Kernewek 20234 (Kernewek Kemmyn)

²⁴ A yll gour omgudha yn tylleryow kudhys ma na'n gwelav? yn-medh an Arloedh. A ny wrav lenwel nev ha nor? yn-medh an Arloedh.

Yeremia 23:24 ပူးပေါင်းရင်းမြစ်များ

Jenesis 16:13

Ha hi a elwis hanow an Arloedh neb a gewsis gensi, ‘Ty yw Duw a'm gwel’, rag hi a leveris, ‘A wrugavy ynwedh gweles Duw ha bewa wosa y weles?’

1 Myghternedh 8:27

‘Mes a wra Duw triga yn hwir war an dor? Hwath ny yll nev ha nev an nevow dha synsi, myns le an chi ma re dhrehevis!

2 Kroniklys 2:6

Mes piw a yll drehevel chi ragdho, a-ban na yll an ughella nev y synsi? Piw ov vy bys may trehavav chi ragdho, marnas y vos avel tyller dhe leski offrynnow a-ragdho?

2 Kroniklys 6:18

‘Mes a yll Duw triga yn hwir gans mab-den war an dor? Ny yll nev, na'n ughella nev hogen, dha synsi, pygemmys le an chi ma re dhrehevis!

Job 34:21

‘Rag yma y dhewlagas war fordhow gour, hag ev a wel y gammow oll.

Job 34:22

Nyns eus tewolgow na tewlder down may hallo drogoberoryon omgudha.

Salmow 10:11

Ev a leveris yn y golonn, ‘Duw re ankovas, ev a gudh y fas, ha ny wel nevra.’

Salmow 139:7

Ple'th av dhiworth dha Spyrys, ha ple fiav dhiworth dha fas?

Salmow 139:8

Mars av vy yn-bann dhe nev yth esos ena; mar tarbarav ow gweli yn ifarn ottajy ena ynwedh.

Salmow 148:13

Gormelens hanow an Arloedh, rag unnsel y hanow ev yw ughelhes, hag yma y splannder a-ugh nev ha nor.

Salmow 90:8

Ty re worras agan kammweythresow a-dheragos, ha'gan peghosow kudh yn golow dha fas.

Lavarow Koth 15:3

Yma dewlagas an Arloedh yn pub le, ow koelyas war an debeles ha'n re dha.

Ysay 29:15

Go-i an re a gudh aga husul yn town dhiworth an Arloedh ha gul aga oberow y'n tewlder; yn-medhons, ‘Piw a'gan gwel? Piw a'gan aswonn?’

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 66:1

Yndellma y lever an Arloedh: Nev yw ow thron ha'n norvys yw ow skavell-droes; ple'ma'n chi a dhrehevowgh dhymm? ple fydh ow fowesva?

Yeremia 16:17

Rag yma ow dewlagas war oll aga fordhow: nyns yns kudhys a'm golok, na nyns yw aga hammhynseth kudhys a'm dewlagas.

Yeremia 32:19

meur yn kusul ha nerthek yn gweythres; rag dha lagasow yw igor dhe oll an fordhow a vab-den, dhe ri dhe beub war-lergh y fordhow, ha war-lergh frut y weythresow.

Yeremia 49:10

Mes my, my re dhestryppyas Esaw, my re dhiskudhas y dylleryow kudh, ha ny yll omgudha. Y has yw distruys, y neskerens ha'y gentrevogyon; nyns usi namoy.

Ezekiel 8:12

Ena yn-medh ev dhymm, ‘A welsys, A vab den, an pyth usi henavogyon chi Ysrael ow kul y'n tewlder, peub yn chambouryow y imajys? Rag yn-medhons, “An Arloedh ny'gan gwel, an Arloedh re forsakyas an tir.” ’

Ezekiel 9:9

Hag yn-medh ev dhymm, ‘Anewnder chi Ysrael ha Yuda yw pur, pur vras; an tir yw leun a woes, ha'n sita yw leun a gammder; rag yn-medhons, “An Arloedh re forsakyas an tir, ha ny wel an Arloedh.”

Daniel 2:22

Ev a dhiskudh taklow down ha kevrinek; ev a aswonn pyth eus y'n tewolgow, ha'n golow usi trigys ganso ev.

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Efesianys 1:23

yw y gorf, an leunder anodho ev neb a lenow oll yn oll.

Ebrowyon 4:13

Hag a-ragdho ev, nyns yw kudhys kreatur vyth, mes oll yw noeth hag igor dh'y dhewlagas ev, may tal dhyn gul akont dhodho.