Yeremia 23:22 - An Bibel Kernewek 20234 (Kernewek Kemmyn)

²² Mes mar saffens y'm kusul, ha gul dhe'n bobel klewes ow geryow, ena i a'n dreylsa dhiworth aga drog fordh, hag a dhrogedh aga gwriansow.

Yeremia 23:22 ပူးပေါင်းရင်းမြစ်များ

Yeremia 23:14

Hag yn profoesi Yerusalem: my re welas tra skruthus: avoutri a wrons, ha kerdhes yn gowyow; i a grevha diwla an dhrogoberoryon, ma na dreyl nagonan a-dhiworth y dhrogedh; yth yns i oll avel Sodom dhymm, ha'y annedhysi avel Gomorra.

Yeremia 23:18

Rag piw re sevis yn konsel an Arloedh, ha gweles ha klewes y er? Piw re woslowas orth y er ha'y glewes?

Yeremia 25:5

I a leveris, ‘Treylyewgh lemmyn pubonan a'y fordh dhrog hag a dhrogedh agas gwriansow, ha trigewgh y'n tir a ros an Arloedh dhywgh ha dh'agas tasow bys vykken ha bynnari;

Yeremia 35:15

My re dhannvonas dhywgh oll ow servysi an brofoesi, orth aga dannvon arta hag arta, ow leverel, “Treylyewgh lemmyn pub ahanowgh a'gas fordh dhrog, ha gwellhe agas gwriansow ha nag ewgh war-lergh duwow erell dh'aga servya, ha hwi a vydh trigys y'n tir a res dhywgh ha dh'agas tasow.” Mes ny ystynnsowgh agas skovarn na goslowes orthiv.

Yeremia 36:3

Y hyll bos pan glewvo chi Yuda a oll an drog a vynnav gul dhedha, i oll dhe dreylya a'ga drog fordhow, may hylliv gava aga hammweyth ha'ga fegh.

Yeremia 9:12

Piw yw an gour doeth, a yll konvedhes hemma, may kewsis ganow an Arloedh dhodho, ma'n disklerro? Prag yth yw an tir diswrys ha gwastys kepar ha gwylvos, ma na dremen denvyth?

Ezekiel 13:22

Rag hwi re baynyas kolonn an den gwiryon dre wowyow, pan na'n paynis vy, ha nertha diwla tebelwas ma na dreyllyo dhiworth y dhrog fordh dhe sawya y vewnans;

Ezekiel 13:5

Ny yskynnsowgh bys y'n aswaow, na ny dhrehevsowgh fos rag chi Ysrael, may saffo y'n gas yn dydh an Arloedh.

Ezekiel 18:30

Rakhenna my a'gas breus pubonan war-lergh y fordhow, a ji Ysrael, yn-medh an Arloedh Duw. Koedhewgh yn edrek ha treylyewgh agas honan dhiworth oll agas kammweythresow; ena ny vydh drogober dhywgh ken a drebuchya.

Ezekiel 2:7

Kows ow geryow orta, mar koslowons po mar skonyons; rag chi diwostydh yns i.

Ezekiel 3:17

Mab den, my re'th wrug goelyador rag chi Ysrael; peskweyth may klewydh ger dhiworth ow ganow, ty a re dhedha gwarnyans dhiworthiv.

Amos 3:7

Yredi ny wra an Arloedh Duw travyth heb diskudha y dowl kudh dh'y servysi an brofoesi.

Zekaria 1:4

Na vedhewgh haval dh'agas tasow, a grias an brofoesi dhedha a-henys, ow leverel, ‘Yndellma y lever an Arloedh: Treylyewgh a'gas tebel fordhow ha'gas tebel oberow.’ Mes ny woslowsons na'm attendya, yn-medh an Arloedh.

Malaki 2:6

Lagha a wirder esa yn y anow, ha kammhynseth ny veu kevys war y dhiwweus. Ev a gerdhas genev yn kres hag ewnhynseth, ha treylya lies dhiworth pegh.

Oberow 20:27

rag ny omwithis vy rag derivas dhywgh oll an gusul a Dhuw.

1 Thessalonianys 5:6

Ytho, na goskyn kepar ha'n re erell, mes gwren goelyas ha bedhen divedhow.