Yeremia 23:19 - An Bibel Kernewek 20234 (Kernewek Kemmyn)

¹⁹ Otta, korwyns an Arloedh! konnar res eth yn-mes, hag annawel ow troyllya: troyllya a wra war benn an debeles.

Yeremia 23:19 ပူးပေါင်းရင်းမြစ်များ

Salmow 58:9

Kyns agas kalteryow dhe synsi toemmder an spern, gwres ev aga hemmeres dhe-ves hwath yn few, dell ve gans korwyns.

Lavarow Koth 1:27

pan dheu skruth warnowgh avel tewedh, ha'gas terroes a dheffo avel korwyns, pan dheffo fienasow hag angoes warnowgh.

Lavarow Koth 10:25

Pan dremen an annawel nyns usi an tebelwas na fella, mes an den gwiryon yw fondys bys vykken.

Ysay 21:1

Profoesans a-dro dhe wylvos an mor. Kepar dell dremen hwaffys awelyow y'n Negeb, ev a dheu dhiworth an gwylvos, dhiworth tir euthyk.

Ysay 40:24

Skant nyns yns i plynsys, skant nyns yns i hesys, skant ny wra aga ben gwreydhya y'n dor, kyns ev dhe hwytha warnedha hag y hwedhrons, ha'n korwyns a's dre dhe-ves avel kulyn.

Yeremia 25:31

Tros a dheu bys yn penn an bys, rag an Arloedh a'n jeves ken erbynn an kenedhlow; ev a enter yn vreus erbynn kig oll; hag ev a worr an debeles dhe'n kledha, yn-medh an Arloedh.

Yeremia 25:32

Yndellma y lever Arloedh an luyow: Otta, drogedh a yn-rag a genedhel dhe genedhel, ha korwyns meur a vydh difunys a bella rannow an nor.

Yeremia 30:23

Otta, korwyns an Arloedh! konnar ow mos yn-mes, korwyns ow rosella: troyllya a wra war benn an debeles.

Yeremia 30:24

Ny dreyl konnar fers an Arloedh dhe-ves bys pan gollanwo ha kowlwul towlow y golonn. Y'n dydhyow diwettha hwi a gonvedh hemma.

Yeremia 4:11

Y'n termyn na y fydh leverys dhe'n bobel ma ha dhe Yerusalem: Gwyns toemm a'n ugheldiryow moel y'n gwylvos war-tu ha myrgh ow fobel, mes ny vydh dhe groedra, na dhe lanhe;

Yeremia 51:1

Yndellma y lever an Arloedh: Otta, my a wra dhe dhifuna erbynn Babylon hag erbynn annedhysi Kaldea an spyrys a dhistruer;

Ezekiel 1:4

My a viras, hag otta annawel ow tos dhiworth an gogledh, kommolenn vras, ha tan ow lughesi gans golow splann a-dro dhedhi, hag ow tos yn-mes anedhi neppyth kepar hag amber, dhiworth kres an tan.

Ezekiel 13:13

Rakhenna yndellma y lever an Arloedh Duw: My a wra dhe annawel hy folsa y'm sorr, ha glaw a liv yn-nans y'm konnar, hag y fydh keserennow yn sorrvann dh'y distrui.

Amos 1:14

Ytho my a worr tan yn fos Rabba, dhe dhevorya hy falesyow gans garm yn dydh an gas, gans annawel yn dydh an korwyns;

Zekaria 7:14

My a wrug aga skattra gans korwyns yn mysk oll an kenedhlow na's aswonnsons. An tir a veu ynyal war aga lergh, ma na wrug denvyth tremena dredho na dehweles. Y hwrussons an tir hweg dhe vos ynyal.

Zekaria 9:14

Ena an Arloedh a omdhiskwedh a-ughta; y seth a yn-mes avel lughes. An Arloedh Duw a hwyth an hirgorn, ha mos yn-rag yn korwynsow an dyghow,