Yeremia 23:17 - An Bibel Kernewek 20234 (Kernewek Kemmyn)

¹⁷ I a lever dhe'n re a dhispres ger an Arloedh, ‘Hwi a'gas bydh kres’, ha dhe bubonan a siw gorthter y golonn, ‘Ny dheu terroes warnowgh.’

Yeremia 23:17 ပူးပေါင်းရင်းမြစ်များ

2 Samuel 12:10

Rakhenna ny dreyl an kledha nevra dhiworth dha ji, rag ty re'm dispresyas, ha kemmeres gwreg Uria an Hittyas dhe vos dha wreg.

Ysay 30:10

neb a lever dhe'n welesydhyon, ‘Na welewgh’, ha dhe'n brofoesi, ‘Na brofoesewgh dhyn an gwir, kewsewgh orthyn taklow fekyl, profoesewgh husow;

Ysay 57:21

Nyns eus kres, yn-medh ow Duw, rag an debeles.

Yeremia 13:10

An debel bobel ma, a nagh klewes ow geryow, hag a gerdh yn gorthter aga holonn, ha mos war-lergh duwow erell, ha'ga servya, ha'ga gordhya, a vydh avel an grogys ma, nag yw da rag travyth.

Yeremia 18:12

Hag i a leveris, ‘Nyns eus govenek: ni a hol agan towlow agan honan, ha pub huni a wra herwydh gorthter y golonn dhrog.’

Yeremia 18:18

Ena i a leveris, ‘Dewgh, ha tewlel towlow erbynn Yeremia; rag ny vydh kellys an lagha dhiworth an oferyas, na kusul dhiworth an re fur, na'n ger dhiworth an profoes. Dewgh ha'y weskel gans an taves, ha na woslowyn dhe nagonan a'y eryow.’

Yeremia 3:17

Y'n termyn na i a elow Yerusalem Tron an Arloedh; hag oll an kenedhlow a vydh kuntellys dhedhi, dhe hanow an Arloedh yn Yerusalem: ha ny holyons yn hworth namoy aga thebel golonn.

Yeremia 4:10

Ena my a leveris, ‘Ogh A Arloedh Duw! Yn sur ty re doellas an bobel ma ha Yerusalem, ow leverel, “Kres a'gas bydh”; mes seulabrys an kledha a dhrehedh bys y'n enev.’

Yeremia 5:12

I re naghas an Arloedh, ha leverel, ‘Ny wra ev travyth; na ny wra drogedh dos warnan; ny welyn ni naneyl kledha na divoetter.’

Yeremia 6:14

I re sawyas goli myrgh ow fobel gans skavder, ow leverel, ‘Kres, kres’, pan nag eus kres.

Yeremia 7:24

Mes ny woslowsons, na ny blegsons aga skovarn, mes i a gerdhas war-lergh kusulyow ha gorthter aga holonn dhrog, ha mos war-dhelergh yn le war-rag.

Yeremia 8:11

Rag i re sawyas goli myrgh ow fobel gans skavder, ow leverel, ‘Kres, kres’, pan nag eus kres.

Yeremia 9:14

mes kerdhes war-lergh gorthter aga holonn aga honan, ha war-lergh an Baalim, hag a dhyskas aga thasow dhedha.

Kynvannow 2:14

Dha brofoesi re welas ragos falsuri ha toell; ny dhiskudhsons dha dhrogobereth rag treylya dha gethneth, mes ragos i re welas gwelesigethow fals ha frowsus.

Ezekiel 13:10

Drefenn i dhe ledya ow fobel yn sowdhan, ow leverel, ‘Kres’, pan nag eus kres; ha pan vo fos tanow drehevys, i a'n gwynngalgh:

Ezekiel 13:19

Hwi re'm dhefolas yn mysk ow fobel rag dornasow a heydh ha temmyn a vara, ow ladha enevow na dalsons merwel, hag ow sparya enevow na dalsons bewa, der agas gowleverel dhe'm pobel usi ow koslowes orth gow.

Ezekiel 13:22

Rag hwi re baynyas kolonn an den gwiryon dre wowyow, pan na'n paynis vy, ha nertha diwla tebelwas ma na dreyllyo dhiworth y dhrog fordh dhe sawya y vewnans;

Amos 9:10

Oll peghadoryon ow fobel a verow gans an kledha, neb a lever, ‘Drog ny dheu nes dhyn, na ny dhrehedh dhyn.’

Mika 2:11

Mar kertha gour a-dro ow kowleverel gans gwyns ha gowegneth, ‘My a brofoes dhis a win hag a gorev’, ev a via an profoes rag an bobel ma!

Mika 3:11

Hy fennow a re breus rag falswober, hy oferysi a dhysk rag arveth, hy frofoesi a dhargan rag arghans; hag i ow poesa war an Arloedh, ow leverel, ‘A nyns usi an Arloedh yn agan mysk? Ny wra drog vyth dos warnan.’

Mika 3:5

Yndella yn-medh an Arloedh a-dro dhe'n brofoesi neb a hembronk ow fobel yn sowdhan, neb a gri ‘Kres’ pan y's teves neppyth dhe dhybri, mes i a wra gwerrya orth seul na worr travyth yn aga ganow.

Sefania 1:12

Hag y hwyrvydh y'n termyn na y hwithrav Yerusalem gans lugern, ha kessydhya an dus neb yw attes, kowlys avel gwin gesys war an godhes: neb a lever yn aga holonn, ‘Ny wra an Arloedh dader, na ny wra drog.’

Zekaria 10:2

An imajys re gewsis flows, ha'n goelyogyon re welas gwelesigethow gowek; i a dheriv fals hunrosow, i a re konfort euver. Ytho an dus a wander avel deves, yn ahwer, rag nyns eus bugel.

Malaki 1:6

Mab a enor y das, ha gwas y vester. Ytho mars ov vy tas, ple'ma ow enor? Mars ov vy mester, ple'ma ow revrons? yn-medh Arloedh an luyow dhywgh, an oferysi, a dhispres ow hanow. Mes hwi a lever, ‘Fatell wrussyn dispresya dha hanow?’

Niverow 11:20

mes mis kowal, bys pan dheu yn-mes a'gas frigow hag a dheu ha bos kasadow dhywgh, rag hwi dhe nagha an Arloedh usi yn agas mysk, hag oela a-ragdho, ow leverel, “Prag y teuthen yn-mes a Ejyp?” ’

Luk 10:16

‘Neb a'gas klew a'm klew vy, ha neb a'gas skon a'm skon vy; ha neb a'm skon vy a'n skon ev neb a'm dannvonas vy.’

Dewteronomi 29:18

Bedhewgh war ma na fo ynnowgh hwi gour na benyn na kordh na loeth may treyl y golonn hedhyw dhiworth an Arloedh agan Duw dhe gerdhes ha servya duwow an kenedhlow ma; ma na vo ynnowgh hwi gwreydhenn ow toen kegis ha fuelenn.

Dewteronomi 29:19

Pan glew nebonan geryow an volleth ma, hag omvenniga yn y golonn, ow leverel, ‘Kres a vydh dhymm, kyn kerdhav yn gorthter ow holonn’, yndella ow tiswul an tir dowrhes war-barth gans an tir sygh,

1 Thessalonianys 4:8

Rakhenna, neb a skon, ny wra skonya mab-den mes Duw a re y Spyrys Sans dhywgh ynwedh.

1 Samuel 2:30

Rakhenna an Arloedh, Duw Ysrael a dhiskler: “My a leveris yn hwir dha ji ha chi dha das dhe gerdhes a-dheragov bys vykken”; mes lemmyn an Arloedh a dhiskler: “Pell bedhes dhiworthiv; rag an re neb a'm enor my a enor, ha'n re neb a'm dispres a vydh dyghtys gans bismer.