Yeremia 23:16 - An Bibel Kernewek 20234 (Kernewek Kemmyn)

¹⁶ Yndellma y lever Arloedh an luyow: Na woslowewgh orth geryow an brofoesi a brofoes dhywgh; i a'gas gwra koeg: i a gews gwelesigeth aga holonn aga honan, a-der a-dhiworth ganow an Arloedh.

Yeremia 23:16 ပူးပေါင်းရင်းမြစ်များ

1 Myghternedh 22:11

Sedekia mab Kenaana a wrug dh'y honan kern a horn, hag ev a leveris, ‘Yndellma y lever an Arloedh: Gans an re ma ty a gorn Aram bys pan vydhons distruys.’

2 Myghternedh 17:15

I a asas y laghys, ha'y gevambos a wrug ev gans aga thasow, ha'n gwarnyansow a ros ev dhedha. I a siwyas idolys koeg hag eth ha bos koeg aga honan; i a siwyas an kenedhlow esa a-dro dhedha, hag a-dro dhedha an Arloedh re worhemmynnsa na dalvia dhedha gul yndella.

2 Kroniklys 18:5

Ena myghtern Ysrael a guntellas an brofoesi war-barth, peswar kans anedha hag a leveris dhedha, ‘A wren ni mos dhe vatalyas orth Ramoth-gilead, po a skonyav a wul yndella?’ I a worthybis, ‘Ke yn-bann; rag Duw a's re yn leuv an myghtern.’

Lavarow Koth 19:27

Mar astelydh, ow mab, goslowes orth dyskans, ena yth edh yn stray dhiworth geryow godhvos.

Yeremia 14:14

Ena an Arloedh a leveris dhymm: An brofoesi a brofoes gowyow y'm hanow vy: ny's dannvenis, na ny gorhemmynnis dhedha, na kewsel dhedha: i a brofoes dhywgh fals welesigeth ha koeg dhewinieth, ha toell aga holonn.

Yeremia 2:5

Yndellma y lever an Arloedh Pana dhrogober re gavas aga thasow ynnov, mayth ens gyllys pell ahanav, ha may kerdhsons war-lergh euveredh, ha devedhys ha bos euver vons?

Yeremia 23:21

Ny dhannvenis an brofoesi mes i a boenyas; ny gewsis dhedha mes i a brofoesas.

Yeremia 23:26

Pes termyn y fydh hemma yn kolonn an brofoesi a brofoes gowyow, hag a brofoes toell aga holonn aga honan?

Yeremia 29:23

drefenn i dhe wul bileni yn Ysrael ha gul avoutri gans gwragedh aga hentrevogyon, ha kewsel y'm hanow vy geryow gowek na worhemmynnis dhedha; my yw ev neb a woer hag a dheg dustuni, yn-medh an Arloedh.

Yeremia 29:8

Rag yndellma y lever Arloedh an luyow, Duw Ysrael: Na esewgh an brofoesi ha'n goelyogyon yn agas mysk dh'agas toella, ha na woslowewgh orth an hunrosow a hunrosons.

Yeremia 9:12

Piw yw an gour doeth, a yll konvedhes hemma, may kewsis ganow an Arloedh dhodho, ma'n disklerro? Prag yth yw an tir diswrys ha gwastys kepar ha gwylvos, ma na dremen denvyth?

Yeremia 9:20

Ytho klewewgh ger an Arloedh, hwi venynes, ha gwres agas skovarn degemmeres an ger a'y anow, ha dyskewgh kynvann dh'agas myrghes, ha peub dh'y hentrevek galargan:

Kynvannow 2:9

Hy yetys re sedhis y'n dor; ev re dhiswrug ha terri hy barrys; yma hy myghtern ha'y fennsevigyon yn mysk an kenedhlow; nyns usi an lagha namoy, nyns eus hwath dh'y frofoesi gwelesigeth dhiworth an Arloedh.

Ezekiel 13:16

profoesi Ysrael a brofoesas a-dro dhe Yerusalem hag a welas gwelesigeth a gres rygdhi, pan nag eus kres, yn-medh an Arloedh Duw.

Ezekiel 13:23

rakhenna ny welowgh gwelesigethow koeg na gul dewinieth na fella. My a saw ow fobel dhiworth agas leuv. Ena hwi a woer my dhe vos an Arloedh.

Ezekiel 13:3

Yndellma y lever an Arloedh Duw: Go-i an brofoesi foll usi ow kerdhes war-lergh aga spyrys aga honan, ha ny welsons travyth!

Ezekiel 13:6

I re welas fals welesigethow, ha'ga dewinieth yw gow. Yn-medhons, ‘An Arloedh a lever’, kyn na wrug an Arloedh aga dannvon, hag i a wayt aga ger dhe vos kollenwys.

Ezekiel 22:28

Hy frofoesi re wynngalghyas ragdha, ow kweles fals welesigethow hag ow kul dewinieth wowek, ow leverel, ‘Yndellma y lever an Arloedh Duw’, pan na gewsis an Arloedh.

Mika 2:11

Mar kertha gour a-dro ow kowleverel gans gwyns ha gowegneth, ‘My a brofoes dhis a win hag a gorev’, ev a via an profoes rag an bobel ma!

Matthew 7:15

‘Bedhewgh war a fals profoesi, neb a dheu dhywgh yn gwisk deves, mes war-ji yth yns i bleydhi ow ravna.

Romanyon 1:21

rag kynth aswonnens Duw ny'n gormolens na ny aswonnens grasow dhodho avel Duw, mes euver y teuthons ha bos yn aga thybyansow ha tewlhes veu aga holonn dalsogh.

1 Yowann 4:1

Hwi garadowyon, na grysewgh dhe bub spyrys, mes prevewgh an spyrysyon, mars esons i a Dhuw: rag gallas fals profoesi bals yn-mes dhe'n bys.