Yeremia 23:11 - An Bibel Kernewek 20234 (Kernewek Kemmyn)

¹¹ Rag ha profoes hag oferyas yw ansans; hwath yn ow chi my re gavas aga drogedh, yn-medh an Arloedh.

Yeremia 23:11 ပူးပေါင်းရင်းမြစ်များ

2 Kroniklys 33:5

Ev a dhrehevis alteryow rag oll lu an nev yn dew glos chi an Arloedh.

2 Kroniklys 33:7

Ev a worras an imaj gravys re wrussa yn chi Duw, anodho may leveris Duw dhe Davydh ha dh'y vab Solomon, ‘Y'n chi ma, hag yn Yerusalem re dhewisis yn-mes a oll kordhow Ysrael, y hworrav ow hanow bys vykken.

2 Kroniklys 36:14

Ynwedh oll an pennoferysi ha'n bobel o fest dislel, owth holya oll taklow kasadow an kenedhlow; hag i a dhefolas chi an Arloedh re wrussa y sakra yn Yerusalem.

Ezra 10:18

Yn-mysk mebyon an oferysi, an re a siw re gemmersa gwragedh estren. A vebyon Yeshua mab Yosadak, ha'y vreder: Maaseya, Eliezer, Yarib, ha Gedalia.

Yeremia 11:15

Pyth yw gwir ow haradow yn ow chi, ha hi ow kul hy drog dowlow? A yll pysadow ha kig sans kemmeres dhe-ves dha debelwrians dhiworthis, po a yllydh diank der an taklow ma? Ena a yllydh bos lowen?

Yeremia 23:15

Ytho yndellma y lever Arloedh an luyow a-dro dhe'n brofoesi: ‘Otta, my a's boes gans fuelenn ha gul dhedha eva dowr gwenonek; rag a-dhiworth profoesi Yerusalem ansansoleth res eth yn oll an tir.’

Yeremia 32:34

Mes i a sett aga thaklow kasadow y'n chi yw henwys gans ow hanow vy dh'y dhefola.

Yeremia 5:31

An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?

Yeremia 50:6

Ow fobel re beu deves kellys; aga bugeledh re's ledyas yn stray, orth aga threylya dhe-ves war an menydhyow; i res eth a'n menydh dhe'n vre, i re ankovas aga horlann.

Yeremia 6:13

Rag a'n lyha anedha bys y'n meurra pubonan yw hwansek dhe wayn anewn; hag a'n profoes bys y'n oferyas pubonan a wra falsuri.

Yeremia 7:30

Rag mebyon Yuda re wrug drogedh y'm golok, yn-medh an Arloedh; i re settyas aga thaklow kasadow y'n chi may feu ow hanow gelwys warnodho, dh'y dhefola.

Yeremia 8:10

Ytho my a re aga gwragedh dhe re erell ha'ga farkow dhe'n re a's erit: rag pubonan a'n lyha dhe'n moyha yw kemmerys gans krefni; a'n profoes bys y'n oferyas pubonan a dhyght yn fals.

Kynvannow 2:20

Gwel, A Arloedh, ha mir. Piw a dhyghtsys yndella? A wra gwragedh dybri aga askorr, fleghes wynn heb namm? A ledhir oferyas ha profoes yn sentri an Arloedh?

Ezekiel 23:39

Wosa ladha aga mebyon rag aga idolys, i a dho an keth jydh na a-berth y'm sentri dh'y dhisakra. Yndella y hwre yn kres ow chi.

Ezekiel 44:10

Mes an Levysi, an re yw gyllys pell dhiworthiv, ow mos yn sowdhan dhiworthiv war-lergh aga idolys pan eth Ysrael yn sowdhan – i a berth aga hessydhyans.

Ezekiel 7:20

Goeth a's tevo yn tekter aga thegennow ha gansa i a wrug aga imajys kasadow, aga thaklow kasadow; rakhenna my a's gwra mostedhes ragdha.

Ezekiel 8:11

Hag yth esa deg ha tri-ugens gour dhiworth henavogyon chi Ysrael ow sevel a-ragdha, ha Yaazania mab Shafan ow sevel yn aga mysk. Ha peub a'n jeva y ynkyslester yn y leuv, hag ethenn kommolenn an ynkys a yskynnas.

Ezekiel 8:16

Ena ev a'm dros dhe'n klos a-bervedh a ji an Arloedh; hag otta, orth daras tempel an Arloedh, ynter an yet ha'n alter, yth esa a-dro dhe bymp gour warn ugens, gans aga heynow troha tempel an Arloedh ha'ga fasow troha'n est, owth omblegya dhe'n howl y'n est.

Sefania 3:3

Hy fennsevigyon a-berth ynni yw lewyon owth usa; hy breusysi yw bleydhi an gorthugher; ny asons an eskern bys y'n vorow.

Sefania 3:4

Direwl yw hy frofoesi, falswesyon; hy oferysi re dhefolas an sentri, i re shyndyas an lagha.