Yeremia 23:10 - An Bibel Kernewek 20234 (Kernewek Kemmyn)

¹⁰ Rag an tir yw leun a avoutroryon; drefenn an molleth an tir a dhesygh, ha peurvaow an difeythtir yw krinys. Aga hyns yw drog, ha'ga nerth nyns yw ewn.

Yeremia 23:10 ပူးပေါင်းရင်းမြစ်များ

Ezra 10:18

Yn-mysk mebyon an oferysi, an re a siw re gemmersa gwragedh estren. A vebyon Yeshua mab Yosadak, ha'y vreder: Maaseya, Eliezer, Yarib, ha Gedalia.

Salmow 107:34

Ev a wra dhe dir leun a frut bos difeythtir, drefenn sherewneth an re usi trigys ynno.

Ysay 24:6

Rakhenna molleth a dhevor an nor, ha'y annedhysi a berth aga hessydhyans. Rakhenna lehes yw annedhysi an nor, ha nebes yw gesys.

Ysay 5:18

Go-i neb a denn anewnder dre lovonow euveredh, ha peghes avel dre lovonow kert,

Yeremia 12:11

I a'n gwrug ynyal; ynyal, y kalar orthiv an tir oll yw gwrys ynyal, mes denvyth ny'n kemmer dhe golonn.

Yeremia 14:2

Yuda a alar, divew yw hy yetow; esedhys yns war an dor yn galarwisk; ha kri Yerusalem res eth yn-bann.

Yeremia 6:13

Rag a'n lyha anedha bys y'n meurra pubonan yw hwansek dhe wayn anewn; hag a'n profoes bys y'n oferyas pubonan a wra falsuri.

Yeremia 7:9

A wrewgh hwi ladra, moldra, gul avoutri, ti yn fals, ha leski offrynnow dhe Baal, ha kerdhes war-lergh duwow na aswonnsowgh;

Yeremia 9:10

Rag an menydhyow my a dhalleth oela ha kyni, ha rag peurvaow an gwylvos y hwrav kynvann, rag leskys yns, ma na yll nagonan tremena; na ny yll tus klewes son an gwarthek; hag ydhyn an nev ha'n bestes re fias; gyllys yns.

Yeremia 9:12

Piw yw an gour doeth, a yll konvedhes hemma, may kewsis ganow an Arloedh dhodho, ma'n disklerro? Prag yth yw an tir diswrys ha gwastys kepar ha gwylvos, ma na dremen denvyth?

Yeremia 9:2

A pe dhymm harber an dremenysi y'n gwylvos may tiberthiv a'm pobel, ha mos anedha! Rag avoutroryon yns i oll, kuntelles a draytours.

Hosea 7:4

I oll yw avoutroryon, avel forn toemmhes gans peber, neb a astel dhe wul dhe'n tan difuna wosa ev dhe doesa toes, bys pan dhrehaffo.

Yoel 1:10

Gwastys yw an gwel, an tir a dhesygh; drefenn bos gwastys an ys; desyghys yw an gwin nowydh, an oyl a fyll.

Levitikus 5:1

Mar pegh den, ow klewes molleth poblek, hag ev dustunier neb a welas an mater po a glewas anodho, mar ny gews anodho, ev a dheg an blam a'y gammweyth.

Sefania 3:4

Direwl yw hy frofoesi, falswesyon; hy oferysi re dhefolas an sentri, i re shyndyas an lagha.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

1 Timothi 1:10

an re a wra fornikasyon gans horys po gwer, an re a lader tus, gowygyon ha gowlioryon, ha pypynag arall yw erbynn dyskas yagh

Ebrowyon 13:4

Bedhes priosoleth synsys yn enor gans peub, ha bedhes andhefolys gweli an demmedhyans; rag Duw a vreus an re dhijast ha'n avoutroryon.

Jamys 4:4

A avoutresow! A ny wodhowgh hwi kerensa an bys dhe vos eskarogeth erbynn Duw? Piwpynag a vynno bos koweth an bys a omwra eskar Duw.