Yeremia 23:1 - An Bibel Kernewek 20234 (Kernewek Kemmyn)

¹ Go-i an vugeledh a dhistru ha skattra deves ow feurva! yn-medh an Arloedh.

Yeremia 23:1 ပူးပေါင်းရင်းမြစ်များ

Yeremia 10:21

Rag an vugeledh yw gokki, ha ny hwilsons an Arloedh; rakhenna ny sewenons hag oll aga flokkys a vydh skattrys.

Yeremia 12:10

Lies bugel re dhistruis ow gwinlann, i re drettyas ow rann yn-dann droes, i re wrug ow rann blegadow yn gwylvos ynyal.

Yeremia 13:17

Mes mar ny vynnowgh y glewes, ow enev a wra oela yn tylleryow kevrinek drefenn agas balghder; ha'm lagas a wra oela yn hwerow, ha resek gans dagrow, drefenn flokk an Arloedh dhe vos kemmerys avel kethyon.

Yeremia 2:26

Dell vydh meth dhe'n ladher pan vydh kevys, yndellma y fydh meth dhe ji Ysrael: i, aga ruwyon, aga fennsevigyon, ha'ga oferysi, ha'ga frofoesi;

Yeremia 2:8

Ny leveris an oferysi, ‘Ple ma an Arloedh?’ Ha ny'm aswonni an re a dhyght an lagha: an vugeledh ynwedh a dreuspassyas er ow fynn, ha'n brofoesi a brofoesas yn hanow Baal, ha kerdhes war-lergh taklow nag yw dhe les.

Yeremia 22:22

An gwyns a dheber oll dha vugeledh, ha dha garoryon a yn kethneth; ena ty a' fydh meth ha disenor drefenn dha dhrogedh.

Yeremia 23:2

Rakhenna yndellma y lever an Arloedh, Duw Ysrael, erbynn an vugeledh a vugel ow fobel: Hwi re skattras ow deves ha'ga fesya, ha ny woelsowgh warnedha. Ytho my a visit warnowgh drogedh agas gwriansow, yn-medh an Arloedh.

Yeremia 50:6

Ow fobel re beu deves kellys; aga bugeledh re's ledyas yn stray, orth aga threylya dhe-ves war an menydhyow; i res eth a'n menydh dhe'n vre, i re ankovas aga horlann.

Ezekiel 13:3

Yndellma y lever an Arloedh Duw: Go-i an brofoesi foll usi ow kerdhes war-lergh aga spyrys aga honan, ha ny welsons travyth!

Ezekiel 34:1

Ger an Arloedh a dheuth dhymm, ow leverel,

Ezekiel 34:21

Rag hwi dhe herdhya gans tenewen ha skoedh, ha kornya gans agas kern oll an re gwann, bys pan wrussowgh aga skattra dhe-ves,

Ezekiel 34:31

Hwi yw ow deves, deves ow feurva; my yw agas Duw, yn-medh an Arloedh Duw.

Ezekiel 36:38

Kepar ha flokk rag offrynnow, kepar ha flokk Yerusalem yn hy goelyow apoyntys, yndella y fydh an sitys ynyal lenwys a flokkys a dus. Ena i a woer my dhe vos an Arloedh.

Zekaria 10:3

Ow sorr a lesk erbynn an vugeledh, my a wra kessydhya an ledyoryon; rag an Arloedh a with y flokk, chi Yuda, hag ev a's gwra avel y vargh splann yn batel.

Matthew 15:14

Gesewgh i dhe vos; hembrenkysi dhall yns i a dus dhall. Mar kwra den dall hembronk den dall, i aga dew a goedh yn kleudh.’

Matthew 9:36

Hag ev, ow mires orth an routhow, a gemmeras truedh anedha, drefenn aga bos troblys ha diweres kepar ha deves heb bugel.

Yowann 10:10

Ny dheu lader saw dhe ladra, ha ladha, ha distrui; my yw devedhys rag may fo dhedha bewnans, ha may fo dhedha palster anodho.

Yowann 10:12

Mes an goberwas, neb nag yw an bugel, ha ma nag yw an deves dhodho y honan, ev a wel an bleydh ow tos hag ev a as an deves ha fia, ha'n bleydh a wra aga hachya ha'ga skattra.

Yowann 10:8

An re oll a dheuth kyns yw ladron ha robbyoryon, mes ny wrug an deves goslowes orta.