Yeremia 22:9 - An Bibel Kernewek 20234 (Kernewek Kemmyn)

⁹ Ena i a worthyp, Drefenn i dhe asa kevambos an Arloedh aga Duw ha gordhya duwow erell, ha'ga servya.

Yeremia 22:9 ပူးပေါင်းရင်းမြစ်များ

1 Myghternedh 9:8

An chi ma a vydh bern a vagoryow; peub a'n tremen a gemmer skruth ha hwibana; hag i a lever, “Prag y hwrug an Arloedh tra a'n par ma dhe'n tir ma ha dhe'n chi ma?”

2 Myghternedh 22:17

drefenn i dhe'm forsakya ha leski offrynnow dhe dhuwow erell, ow provokya ow sorr gans oll oberow aga diwla; rakhenna ow honnar a vydh enowys erbynn an tyller ma, ha ny vydh difeudhys.

2 Kroniklys 34:25

Drefenn i dhe'm gasa ha leski offrynnow dhe dhuwow erell, bys ma'm sorrsons gans oll oberow aga diwdhorn, ow honnar a vydh diverys war an tyller ma, ha ny vydh difeudhys.

Yeremia 11:10

I re dreylyas war-dhelergh dhe dhrogober aga hendasow, a naghas klewes ow geryow; hag i eth war-lergh duwow erell dh'aga servya; chi Ysrael ha chi Yuda re dorras ow hevambos hag a wrug vy gans aga thasow.

Yeremia 11:3

Lavar dhedha: Yndellma y lever an Arloedh, Duw Ysrael; Milliges re bo an gour nag yw gostydh dhe eryow an kevambos ma,

Yeremia 16:11

ena ty a lever dhedha: Drefenn agas tasow dhe'm forsakya, yn-medh an Arloedh, ha kerdhes gans duwow erell, ha'ga servya i, ha'ga gordhya i, ha'm forsakya, ha ny withsons ow lagha;

Yeremia 50:7

Peub a's kavas re's devoryas, ha'ga eskerens re leveris, ‘Nyns on kablus, drefenn i dhe begha erbynn an Arloedh, an gwir beurva, ha govenek aga thasow, an Arloedh.’

Yeremia 9:13

Hag yn-medh an Arloedh: Rag i re forsakyas ow lagha a settis a-ragdha, ha ny vons gostydh dhe'm lev, na kerdhes ynni,

Ezekiel 12:16

Mes my a spar dhiworta nebes anedha dhiworth an kledha, dhiworth divoetter, ha dhiworth pla, rag may teriffons aga thaklow kasadow y'n kenedhlow a dhons di. Ena i a woer my dhe vos an Arloedh.

Ezekiel 14:23

I a'gas konfort pan welowgh aga fordh ha'ga gwriansow; ha hwi a woer, na wrug vy yn euver pup-tra a wrug vy ynni, yn-medh an Arloedh Duw.

Ezekiel 39:23

Ha'n kenedhlow a woer, chi Ysrael dhe vos yn kethneth drefenn aga drogobereth, rag i dhe vos dislel dhymm. Ytho my a gudhas ow fas dhiworta, ha'ga ri yn leuv aga eskerens, hag i oll a goedhas der an kledha.

Ezekiel 5:15

Ty a vydh skorn, ha tont, ha bysna hag euth dhe'n kenedhlow a-dro dhis, pan wrav breusow er dha bynn yn sorr hag yn konnar hag yn keredhyow konneryek. My, an Arloedh, re gewsis.

Dewteronomi 29:24

Oll an kenedhlow a lever, ‘Prag y hwrug an Arloedh yndella dhe'n tir ma? Pandr'a styr poethter an sorr bras ma?’