Yeremia 22:28 - An Bibel Kernewek 20234 (Kernewek Kemmyn)

²⁸ Yw an gour ma, Konia, pott pri terrys, lester ma nag eus plesour ynno? Prag yth yns tewlys yn-mes, ev ha'y has, ha tewlys yn tir na aswonnons?

Yeremia 22:28 ပူးပေါင်းရင်းမြစ်များ

2 Samuel 5:21

I a asas aga idolys ena, ha Davydh ha'y wer a's dug dhe-ves.

2 Kroniklys 21:20

Ev a veu pymthek bloedh warn ugens pan dhallathas reynya; ev a reynyas eth blydhen yn Yerusalem. Ev a dremenas ha ny'n jevo nagonan edrek a'y dremena. I a'n ynkleudhyas yn sita Davydh, a-der yn bedhow an myghternedh.

Salmow 31:12

Ankevys ov vy kepar ha den marow gyllys mes a gov; yth ov vy avel lester trogh.

Yeremia 14:18

Mars av yn-rag dhe'n mes, otta an re ledhys gans an kledha! Ha mars av a-ji dhe'n sita, otta an re yw klav gans divoetter. Rag an profoes ha'n oferyas re wandras dhe dir na wodhons.

Yeremia 15:1

Ena an Arloedh a leveris dhymm: Mar saffa Moyses ha Samuel a-ragov, hwath ny allsa ow holonn treylya war-tu an bobel ma; gwra aga dannvon mes a'm golok, ha'ga gasa dhe vones.

Yeremia 16:12

ha hwi re omdhug gweth ages agas tasow; rag otta, hwi a gerdh peub herwydh gorthter y golonn dhrog, ow nagha goslowes orthiv.

Yeremia 17:4

Ha ty a lews dha leuv dhiworth dha eretons a res dhis; ha my a'th wra dhe servya dha eskerens y'n tir na aswonnydh: rag an tan re enowsowgh y'm sorr, a lesk bys vykken.

Yeremia 22:27

Mes ny dhehwelons dhe'n tir may yeunons dehweles dhodho.

Yeremia 22:30

Yndellma y lever an Arloedh, Skrifewgh an gour ma avel anvap, gour na sewen yn y dhydhyow; rag ny sewen nagonan a'y has, dhe esedha war dron Davydh, na rewlya arta yn Yuda.

Yeremia 24:1

An Arloedh a dhiskwedhas dhymm, hag otta, dew ganstell a figys a veu gorrys a-rag tempel an Arloedh wosa Nebukadnessar myghtern Babylon dhe dhoen yn divroedh Yekonia mab Yehoyakim myghtern Yuda, ha pennsevigyon Yuda, gans an seri prenn ha'n wovyon, a-dhiworth Yerusalem, ha'ga dri dhe Babylon.

Yeremia 27:20

na wrug Nebukadnessar myghtern Babylon aga hemmeres pan dhug yn divroedh Yekonia mab Yekoyakim myghtern Yuda a-dhiworth Yerusalem dhe Babylon, hag oll ugheloryon Yuda ha Yerusalem,

Yeremia 37:1

Ha myghtern Sedekia mab Yosia a reynyas yn le Konia mab Yehoyakim a veu gwrys myghtern yn pow Yuda gans Nebukadnessar myghtern Babylon.

Yeremia 48:38

War do pub chi yn Moab, hag yn hy stretow nyns eus marnas kynvann; rag my re dorras Moab avel lester nag eus hwans anodho, yn-medh an Arloedh.

Hosea 13:15

Kyn hwra ev doen frut yn mysk y vreder, gwyns an Est a dheu, gwyns an Arloedh ow tos yn-bann dhiworth an difeyth. Y fenten a vydh desyghys, ha'y buth a hesk. Ev a byll pub lester drudh a'n dresorva.

Hosea 8:8

Ysrael yw kollenkys; lemmyn yth yns i yn mysk an kenedhlow kepar ha lester diles.