Yeremia 22:23 - An Bibel Kernewek 20234 (Kernewek Kemmyn)

²³ A annedhyades Lebanon neythys y'n kederwydh, assa wre'ta kyni pan dheu gloesow warnas, poen avel gwreg yn gwelivos!

Yeremia 22:23 ပူးပေါင်းရင်းမြစ်များ

Yeremia 21:13

Otta, yth esov er dha bynn, a annedhyas an nans, ha karrek an plen, y lever an Arloedh; hwi neb a lever, ‘Piw a yll dos yn-nans er agan pynn? ha piw a yll entra yn agan annedhow?’

Yeremia 22:6

Rag yndellma y lever an Arloedh a-dro dhe ji myghtern Yuda: Ty yw avel Gilead dhymm, avel penn Lebanon; byttegyns my a'th wra difeyth, sitys anannedhys.

Yeremia 3:21

Lev a veu klewys war an ugheldiryow moel, oelva ha pysadow mebyon Ysrael, rag i re gammdreylyas aga fordh, hag i re ankovas an Arloedh aga Duw:

Yeremia 48:28

Gesewgh an sitys, ha trigewgh y'n garrek, hwi annedhysi Moab! Bedhewgh avel an golomm a neyth yn amal ganow kownans.

Yeremia 49:16

An browagh gwrys genes ha goeth dha golonn re's toellas, ty usi trigys yn folsyow an garrek, neb a syns ughelder an vre. Kyn hwredh dha neyth mar ughel ages an er, alena my a'th tre dhe'n leur, yn-medh an Arloedh.

Yeremia 6:24

‘Ni re glewas son anodho: diweres yw agan diwleuv: angoes re'gan dalghennas, ha poen avel benyn yn gwelivesi.

Ezekiel 17:3

Lavar: Yndellma y lever an Arloedh Duw: Er bras gans eskelli bras ha pluvennow hir, leun a bluv liesliw, a dheuth dhe Lebanon ha kemmeres an ughella skorrenn a gederwydhenn;

Hosea 5:15

My a wra mos ha dehweles dhe'm tyller, bys mayth aswonnons aga offens, ha hwilas ow fas; yn aga ahwer i a'm hwila dihwans.

Hosea 7:14

Ny garmsons dhymm yn aga holonn, hag i ow kyni war aga gweli. I a omhakkyas rag greun ha gwin nowydh, ha kildenna a-dhiworthiv vy.

Amos 9:2

Kyn palons bys yn ifarn, ow dorn a's kemmer alena; kynth yskynnons dhe nev, my a's dre yn-nans alena.

Obadia 1:4

Kyn nijydh ughel kepar ha'n er, ha kyn settydh dha neyth yn mysk an ster, my a'th tre yn-nans alena, yn-medh an Arloedh.

Habakkuk 2:9

Go-ev neb a gemmer tebel brow rag y ji, ow settya y neyth a-vann may fo delivrys dhiworth an leuv a dhrogober.

Niverow 24:21

Hag ev a viras war an Kenyas, ha kemmeres yn-bann y gows, ha leverel, ‘Fast yw dha drigva, ha dha neyth yw settys y'n garrek;