Yeremia 22:22 - An Bibel Kernewek 20234 (Kernewek Kemmyn)

²² An gwyns a dheber oll dha vugeledh, ha dha garoryon a yn kethneth; ena ty a' fydh meth ha disenor drefenn dha dhrogedh.

Yeremia 22:22 ပူးပေါင်းရင်းမြစ်များ

Ysay 64:6

Ni oll yw avel tra avlan, hag avel kweth woesek yw oll agan gweythyow gwiryon; ni oll a wedher avel delenn, ha'gan kammweythresow a'gan deg dhe-ves avel gwyns.

Ysay 65:13

Rakhenna yndellma y lever an Arloedh Duw, Otta, ow servysi a dheber mes hwi a'gas bydh nown; otta, ow servysi a yv mes hwi a'gas bydh syghes; otta, ow servysi a lowenha mes hwi a gemmer meth.

Yeremia 10:21

Rag an vugeledh yw gokki, ha ny hwilsons an Arloedh; rakhenna ny sewenons hag oll aga flokkys a vydh skattrys.

Yeremia 12:10

Lies bugel re dhistruis ow gwinlann, i re drettyas ow rann yn-dann droes, i re wrug ow rann blegadow yn gwylvos ynyal.

Yeremia 2:36

Prag yth yw trufel y'th wolok chanjya dha fordh? Ty a' fydh meth a Ejyp ynwedh, dell y'th o meth a Assyria.

Yeremia 2:37

Ye, ty a wra mos yn-rag a-dhiworto, ha dha dhiwla war dha benn: rag an Arloedh re dhenaghas an re a drestydh ynna, ha ny sewenydh dredha.

Yeremia 2:8

Ny leveris an oferysi, ‘Ple ma an Arloedh?’ Ha ny'm aswonni an re a dhyght an lagha: an vugeledh ynwedh a dreuspassyas er ow fynn, ha'n brofoesi a brofoesas yn hanow Baal, ha kerdhes war-lergh taklow nag yw dhe les.

Yeremia 20:11

Mes yma an Arloedh genev avel kasor fell; ytho ow helghysi a drebuch, ha ny wrons fetha; i a's tevydh meth meur, rag ny sewenons: ny vydh ankevys aga disenor bys vykken.

Yeremia 30:14

Oll dha garoryon re'th ankovas; ny'th hwilons rag my re'th holyas gans goli eskar, gans keredh a dhen fell, drefenn bos meur dha anewnder, drefenn dha beghosow dhe ynkressya.

Yeremia 4:30

Ha ty, gwastys, pandr'a wredh, owth omwiska yn kogh, owth omdakla gans tegennow owrek, ow liwa dha dhewlagas gans antimoni, yn euver yth omwredh teg; dha garoryon a'th tispres, i a hwila dha vewnans.

Yeremia 5:13

An brofoesi a vydh avel gwyns; ha nyns usi an ger ynna; yndellma y fydh gwrys dhedha.

Yeremia 7:19

Yw my neb a brovoksons dhe sorr? yn-medh an Arloedh: a nyns yw i aga honan, dh'aga meth aga honan?

Hosea 12:1

Kowethya a wra Efraym gans an gwyns, ha helghya gwyns an howldrevel oll an jydh, ha kressya gowyow ha freudh. I a wra kevambos gans Assyria hag olew yw degys dhe Ejyp.

Hosea 13:15

Kyn hwra ev doen frut yn mysk y vreder, gwyns an Est a dheu, gwyns an Arloedh ow tos yn-bann dhiworth an difeyth. Y fenten a vydh desyghys, ha'y buth a hesk. Ev a byll pub lester drudh a'n dresorva.

Hosea 4:19

An gwyns a's maylyas yn hy eskelli, hag y fydhons methek a'ga sakrifisow.

Zekaria 11:17

Go-ev an koeg vugel, a forsak an flokk! Re wasko kledha y vregh ha'y lagas dyghow! Re gowlwetthro y vregh, ha re bo y lagas dyghow kowldhellys!

Zekaria 11:8

My a dhileas an tri bugel yn unn mis. My a gollas perthyans gansa, hag i a wrug ow dispresya.