Yeremia 22:21 - An Bibel Kernewek 20234 (Kernewek Kemmyn)

²¹ My a gewsis er dha bynn y'th sewena, mes ty a leveris, ‘Ny woslowav.’ Hemma re beu dha fordh a'th yowynkneth, rag ny woslewsys orth ow lev.

Yeremia 22:21 ပူးပေါင်းရင်းမြစ်များ

2 Kroniklys 33:10

An Arloedh a gewsis dhe Manasse ha dh'y bobel, mes ny woslowsons.

Salmow 129:1

‘Lieskweyth y grevsons dhymm dhiworth ow yowynkneth’, gwres Ysrael lemmyn leverel.

Lavarow Koth 30:9

poken lenwys vydhav hag y'th naghav hag y lavarav, ‘Piw yw an Arloedh?’ Po y fydhav boghosek ha ladra, ha disakra hanow ow Duw.

Ysay 48:8

Naneyl ny glewsys, na ny wodhves, a'n termyn koth ny veu dha skovarn igerys; rag y hwodhyen ty dhe vos pur draytus, hag a'th enesigeth ty a veu henwys dislel.

Yeremia 13:10

An debel bobel ma, a nagh klewes ow geryow, hag a gerdh yn gorthter aga holonn, ha mos war-lergh duwow erell, ha'ga servya, ha'ga gordhya, a vydh avel an grogys ma, nag yw da rag travyth.

Yeremia 19:15

Yndellma y lever Arloedh an luyow, Duw Ysrael: Otta, my a dhre war an sita ma hag oll hy threvow oll an drogedh re gewsis er hy fynn, drefenn i dhe galeshe aga hilbenn ma na glewvens ow geryow.

Yeremia 2:25

Gwith dha droes rag bos dieskis, ha'th vryansenn rag syghes: mes ty a leveris, ‘Nyns eus govenek, rag my re garas estrenyon, ha war aga lergh yth av.’

Yeremia 2:31

A henedh, gwelewgh ger an Arloedh. A veuv gwylvos dhe Ysrael, po tir a dewlder? Ytho prag y lever ow fobel, ‘Ni yw rydh dhe wandra; ny dheun dhis namoy’?

Yeremia 25:3

A-dhia drydhegves blydhen Yosia mab Amon myghtern Yuda, bys y'n jydh ma, henn yw an tressa blydhen warn ugens, ger an Arloedh re dheuth dhymm, ha my re gewsis dhywgh yn tiwysyk, mes ny woslewsowgh.

Yeremia 25:4

Ha kyn tannvonas an Arloedh dhywgh oll y servysi an brofoesi, orth aga dannvon arta hag arta, ny woslewsowgh na ny blegsowgh agas skovarn dhe glewes.

Yeremia 25:7

Mes ny woslewsowgh orthiv, yn-medh an Arloedh, ma'm provoksowgh dhe sorr gans ober agas diwleuv, dh'agas pystik agas honan.

Yeremia 25:8

Rakhenna yndellma y lever Arloedh an luyow: Drefenn na woslewsowgh orth ow geryow,

Yeremia 3:24

‘Rag meth re dhevoryas lavur agan tasow a-dhia agan yowynkneth; aga flokkys ha'ga greow, aga mebyon ha'ga myrghes.

Yeremia 3:25

Ni a wrowedh yn agan meth, ha'gan despit a'gan kudh: rag ni re beghas erbynn an Arloedh agan Duw, ni ha'gan tasow, a-dhia agan yowynkneth ha hwath bys y'n jydh ma, ha ny obayson lev an Arloedh agan Duw.’

Yeremia 32:30

Rag ny wrug mebyon Ysrael ha mebyon Yuda marnas drogedh a-ragov a'ga yowynkneth; rag ny wrug mebyon Ysrael travyth marnas ow frovokya dhe sorr der ober aga diwleuv, yn-medh an Arloedh.

Yeremia 35:15

My re dhannvonas dhywgh oll ow servysi an brofoesi, orth aga dannvon arta hag arta, ow leverel, “Treylyewgh lemmyn pub ahanowgh a'gas fordh dhrog, ha gwellhe agas gwriansow ha nag ewgh war-lergh duwow erell dh'aga servya, ha hwi a vydh trigys y'n tir a res dhywgh ha dh'agas tasow.” Mes ny ystynnsowgh agas skovarn na goslowes orthiv.

Yeremia 48:11

Moab re beu attes a'y yowynkneth, sedhys avel gwin war y wodhes; ny veu gwakhes a lester dhe lester, na nyns eth yn divroedh; ytho y vlas re wortas ynno, ha nyns yw y sawer chanjys.

Yeremia 6:16

Yndellma y lever an Arloedh, Sevewgh war an fordhow, ha mirewgh ha hwilewgh an hynsyow koth, le mayth yw da an fordh; ha kerdhes ynni ha hwi a gyv powes dh'agas enevow. Mes yn-medhons, ‘Ny vynnyn kerdhes ynni.’

Ezekiel 20:13

Byttegyns chi Ysrael a rebellyas er ow fynn y'n difeythtir. Ny gerdhsons war-lergh ow ordenansow, mes i a dhenaghas ow breusow, kyn fydh bew seul a's gwith; hag i a dhisakras ow sabotys yn feur. Ena yn-medhav, My a dhiver ow honnar warnedha y'n difeythtir, dh'aga howldhistrui.

Ezekiel 20:21

Mes an vebyon a rebellyas er ow fynn. Ny gerdhsons y'm ordenansow, na ny waytsons gul ow breusow, may hwra den bew dredha mara's gwra; i a dhisakras ow sabotys. Ena yn-medhav, My a dhiver ow honnar warnedha, ow kowlwul ow sorr er aga fynn y'n difeythtir.

Ezekiel 20:28

My a's dros dhe'n tiredh may trehevis vy ow leuv ragdho, ow ti dh'y ri dhedha; mes peskweyth may hwelsons menydh ughel pynag po gwydhenn dhelyek pynag, i a wrug aga sakrifisow ena, ha ri ena rohow dhe'm provokya dhe sorr, hag offrynna ena aga sawer plegadow, ha diveri ena aga offrynn diwes.

Ezekiel 20:8

Mes i a rebellyas er ow fynn ha ny vynnsons goslowes dhymm; ny wrug nagonan tewlel dhe-ves an taklow kasadow esa a-rag aga dewlagas, ha ny forsaksons idolys Ejyp. Ena yn-medhav, My a dhiver ow honnar warnedha, ow kowlwul ow sorr er aga fynn yn kres pow Ejyp.

Sefania 3:2

Ny obayas hi lev vytholl; ny dhegemmeras dyskybleth; ny drestyas y'n Arloedh; ny nesas dh'y Duw.

Zekaria 7:7

A nyns yw an re ma an geryow a armas an Arloedh dre'n profoesi a-henys, pan veu Yerusalem annedhys ha kosel, ha'n trevow yn hy hyrghynn ha'n Negeb ha'n Shefela annedhys ynwedh?

Dewteronomi 31:27

Rag my a woer fatell osta diwostydh ha kales dha gilbenn. Ha my hwath yn few genowgh hedhyw, hwi re beu diwostydh erbynn an Arloedh: pyseul dhe voy wosa ow mernans.

Dewteronomi 9:24

Hwi re beu ow rebellya erbynn an Arloedh a-dhia'n kynsa dydh ma'gas aswonnis.

Dewteronomi 9:7

Porth kov, na ankov, fatell serrsys an Arloedh dha Dhuw y'n gwylvos. A-dhia'n jydh may teuth yn-mes a bow Ejyp bys may teuthewgh bys y'n tyller ma, hwi re beu ow rebellya erbynn an Arloedh.