Yeremia 22:17 - An Bibel Kernewek 20234 (Kernewek Kemmyn)

¹⁷ Mes nyns yw dha dhewlagas ha'th kolonn marnas rag gwayn anewn, ha rag skoellya goes gwiryon, ha rag gul arwask ha freudh.

Yeremia 22:17 ပူးပေါင်းရင်းမြစ်များ

1 Myghternedh 21:19

Ty a lever dhodho, ‘Yndellma y lever an Arloedh: A ledhsys, hag ynwedh kemmeres perghennogeth?’ Ty a lever dhodho, ‘Yndellma y lever an Arloedh: Y'n tyller may lapyas an keun goes Naboth, keun a lap dha woes ynwedh.’

2 Myghternedh 23:37

Ev a wrug an pyth o drog yn golok an Arloedh, herwydh pup-tra a wrussa oll y dasow.

2 Myghternedh 24:4

ha drefenn an goes gwiryon re skoellsa; rag ev a lanwsa Yerusalem a woes gwiryon, ha ny vynna an Arloedh y ava.

2 Kroniklys 36:8

Gweythresow erell Yehoyakim, ha'n taklow kasadow a wrug, ha'n pyth a veu kevys er y bynn, skrifys yns yn Lyver Myghternedh Ysrael ha Yuda. Y vab Yehoyachim a reynyas yn y le.

Job 31:7

mar treylis ow hamm a-denewen dhiworth an fordh, mars eth ow holonn war-lergh ow dewlagas, po mar lenas namm dhe'm diwleuv;

Salmow 10:3

Rag an tebelwas a vost a vynnas y enev, ev a vennik an den yw kraf rag gwayn anewn, ha dispresya an Arloedh.

Eksodus 18:21

Dhe voy, dewis gwer abel yn-mes a'n bobel oll, neb a berth own Dhuw, gwer a yllir aga threstya ha kas gansa falswober; ha gorr gwer a'n par ma a-ugh an bobel avel rewloryon a vilyow, a gansow, a hanter-kansow hag a dhegow.

Lavarow Koth 24:2

Rag aga holonn a dhevis freudh, ha'ga diwweus a gews a dhregynn.

Ysay 56:11

Keun krev aga ewl yns i, nevra ny gevons lowr. I yw bugeledh na wodhons konvedhes; i oll re dreylyas dh'aga fordh aga honan, pubonan dh'y brow y honan, onan hag oll.

Yeremia 17:11

Dell esedh an rugyar, heb gori; yndellma yw an re a wayn golusogneth, heb ewnder; yn hanter y dhydhyow hi a'n gas, hag yn y dhiwedh ev a vydh foll.

Yeremia 19:4

Drefenn i dhe'm forsakya, ha defola an tyller ma, ha leski offrynnow ynno dhe dhuwow erell, na aswonnsons i na aga thasow, na myghternedh Yuda, ha lenwel an tyller ma a woes tus wiryon.

Yeremia 22:3

Yndellma y lever an Arloedh: Gwrewgh gwirvreus hag ewnder, ha delivrewgh a-dhiworth dorn an arwasker an den a veu dalghennys. Ha na wrewgh kammhynseth na freudh dhe'n alyon, an omdhivas, na'n wedhwes, po skoellya goes gwiryon y'n tyller ma.

Yeremia 6:13

Rag a'n lyha anedha bys y'n meurra pubonan yw hwansek dhe wayn anewn; hag a'n profoes bys y'n oferyas pubonan a wra falsuri.

Yeremia 6:6

Rag yndella re gewsis Arloedh an luyow: Terrewgh hy gwydh, ha krugyewgh gweyth-esedhva erbynn Yerusalem: Ogh, sita a falsuri! nyns eus marnas arwask ynni.

Yeremia 7:6

mar ny arweskowgh an alyon, an omdhivas, an wedhwes, ha mar ny skoellyowgh goes gwiryon y'n tyller ma, na kerdhes war-lergh duwow erell, dh'agas pystik agas honan,

Yeremia 8:10

Ytho my a re aga gwragedh dhe re erell ha'ga farkow dhe'n re a's erit: rag pubonan a'n lyha dhe'n moyha yw kemmerys gans krefni; a'n profoes bys y'n oferyas pubonan a dhyght yn fals.

Ezekiel 18:12

neb a arwask an boghosek ha'n edhommek, neb a byll, neb na dhaskorr gaja, neb a dhrehav y dhewlagas dhe idolys, ha gul tra gasadow,

Ezekiel 19:6

Yth esa ow mos a-dro yn mysk lewyon; ev a dheuth ha bos lew yowynk. Ev a dhyskas skwardya preydh ev a dhybris tus.

Ezekiel 19:7

Ev a dorras aga falesyow dhe'n dor ha gul aga threvow ynyal. An pow a skruthas ha pup-tra esa ynno gans son y usa.

Ezekiel 19:9

I a'n gorras yn bond-konna gans higow, ha'y dhri dhe vyghtern Babylon. I a'n gorras yn-dann with, ma na ve klewys y lev arta war venydhyow Ysrael.

Ezekiel 22:6

Otta ynnos re beu pennsevigyon Ysrael, pubonan herwydh y nerth ow skoellya goes.

Ezekiel 33:31

I a dheu dhis, kepar dell yw usadow an bobel dhe wul, hag i a esedh a-ragos, ha klewes dha eryow, mes ny wrons war aga lergh. Rag yma gowyow yn aga ganow, hag yma aga holonn ow mos war-lergh aga gwayn anewn.

Mika 2:2

I a hwans parkow, ha settya dalghenn ynna; ha chiow, ha'ga kemmeres dhe-ves; i a arwask gour ha'y ji, gour ha'y eretons.

Mika 3:10

neb a dhrehav Sion gans goes ha Yerusalem gans kammhynseth.

Sefania 3:3

Hy fennsevigyon a-berth ynni yw lewyon owth usa; hy breusysi yw bleydhi an gorthugher; ny asons an eskern bys y'n vorow.

Romanyon 1:29

Gorlenwys ens a bub kammhynseth, droktra, krefni, atti. Leun a avi, moldra, strif, toell, spit, hwystroryon yns,

1 Korinthianys 6:10

na ladron, na tus pith, na medhewon, na sklandroryon, na'n re graf, ny wrons i erita gwlaskor Duw.

Kolossianys 3:5

Ytho, gorrewgh dhe'n mernans an pyth ynnowgh usi a'n nor, fornikasyon, plosedhes, hwans dres eghenn, drog yeunes, ha krefni, yw gordhyans idolys,

Yoshua 7:21

pan welis y'n preydh mantell deg a Shinar, ha dew kans shekel a arghans, ha barr a owr deg ha dew-ugens shekel y boes, my a's hwansas ha'ga hemmeres. Kudhys yns y'n dor a-ji dhe'm tylda, gans an arghans a-woeles.’

2 Peder 2:14

Lenwys yw aga dewlagas a hwans dhe neb avoutres, ow hwilas pegha heb hedhi. I a dhyn enevow gwann, dyskys aga holonn yn krefni, fleghes emskemunys!

2 Peder 2:3

Ha dre grefni gans fals lavarow hwi a vydh gwrys marchondis gansa. Ragdha i seulabrys nyns yw lent an vreus, ha ny gosk an diswrians.

1 Samuel 8:3

Mes ny gerdhi y vebyon yn y fordhow, mes i a dreylya a-denewen rag gwayn disonest, ha kemmeres falswobrow ha kamma gwirvreus.