Yeremia 22:15 - An Bibel Kernewek 20234 (Kernewek Kemmyn)

¹⁵ A wre'ta reynya drefenn ty dhe dhrehevel gans keder moy es dell wra tus erell? A ny wrug dha das dybri hag eva, ha gul gwirvreus hag ewnder? Ena yth o da ganso.

Yeremia 22:15 ပူးပေါင်းရင်းမြစ်များ

2 Samuel 8:15

Davydh a reynyas war oll Ysrael; ha Davydh a wrug gwirvreus hag ewnder rag oll y bobel.

1 Myghternedh 10:9

Benniges re bo an Arloedh dha Dhuw a lowenhas ynnos ha'th worra war dron Ysrael! Drefenn an Arloedh dhe'th kara bys vykken, ev a'th wrug myghtern dhe wul gwirvreus hag ewnhynseth.’

2 Myghternedh 22:2

Ev a wrug an pyth o ewn yn golok an Arloedh, ha kerdhes yn fordh Davydh y das, ha ny dreylyas a-denewen dhe'n dyghow na dhe'n kledh.

2 Myghternedh 23:25

Kyns ev, nyns esa myghtern kepar hag ev, neb a dreylyas dhe'n Arloedh a leun golonn, ha gans oll y enev, ha gans oll y nerth, herwydh oll lagha Moyses; ha ny sevis onan kepar hag ev a'y wosa.

1 Kroniklys 3:15

Mebyon Yosia: Yohanan an kynsa-genys, Yehoyakim an nessa, Sedekia an tressa, Shallum an peswora.

2 Kroniklys 34:2

Ev a wrug an pyth o ewn yn golok an Arloedh, hag a gerdhas yn fordhow Davydh y das; ny dreylyas dhe denewen naneyl dhe'n dyghow na dhe'n kledh.

2 Kroniklys 35:22

Mes ny vynna Yosia treylya dhiworto, mes ev a doellwiskas y honan rag mayth omlattho er y bynn. Ny woslowas orth geryow Neko a anow Duw, mes ev a dheuth dhe vatalyas yn plen Megiddo.

2 Kroniklys 35:26

Gweythresow erell Yosia ha'y oberow lel herwydh an pyth yw skrifys yn lagha an Arloedh,

Lavarow Koth 20:28

Tregeredh ha gwirder a with an myghtern, ha'y dron yw mentenys gans tregeredh.

Lavarow Koth 21:3

Gul ewnder ha gwirvreus yw moy plegadow gans an Arloedh ages sakrifis.

Lavarow Koth 25:5

Yndella kemmer an debeles dhiworth lok an myghtern, ha'y dron a vydh fondys yn ewnhynseth.

Lavarow Koth 29:4

Dre wirvreus myghtern a re faster dhe'n vro, mes neb a wra gorholedhow poes a's distru.

Lavarow Koth 31:9

Igor dha anow, breus yn ewn, ha pled ken an edhommek ha'n boghosek.

Ekklesiastes 10:17

Gwynn dha vys, A dir, pan vo dha vyghtern mab tus vryntin ha'th pennternedh pan dhepprons y'n termyn gwiw, rag nerth a-der rag medhwynsi.

Ekklesiastes 2:24

Nyns eus travyth gwell rag den ages dybri hag eva, ha bos lowen yn y lavur. Ynwedh my re welas hemma dhe dhos dhiworth leuv Duw.

Ysay 3:10

Leverewgh dhe'n den gwiryon, y fydh da ragdho, rag i a dheber frut aga gwriansow.

Ysay 33:16

ev a vydh trigys y'n ughelderyow, dinasow an karregi a vydh y skovva; y vara a vydh res dhodho, ha ny fyll dowr dhodho.

Ysay 9:7

Dhe ynkressyans an arloettys ha dhe gres ny vydh finweth, rag tron Davydh ha rag y vyghterneth, dh'y fastya ha dh'y skoedhya gans gwirvreus hag ewnder alemma rag ha bys vykken. Gwres Arloedh an luyow a wra hemma.

Yeremia 21:12

A ji Davydh; yndellma y lever an Arloedh: Gwra gwirvreus pub myttin, ha livra a-dhiworth dorn an arwasker an den a veu robbys, ma na ello ow honnar yn-mes avel tan, ha leski, ha ny vydh denvyth dh'y difeudhi, rag drogedh agas gwriansow.

Yeremia 22:18

Ytho, yndellma y lever an Arloedh a-dro dhe Yehoyakim mab Yosia myghtern Yuda: Ny alarons ragdho, ow leverel, ‘Ogh ow broder!’ po ‘Ogh ow hwoer!’ Ny alarons ragdho, ow leverel, ‘Ogh arloedh!’ po, ‘Ogh y veuredh!’

Yeremia 22:3

Yndellma y lever an Arloedh: Gwrewgh gwirvreus hag ewnder, ha delivrewgh a-dhiworth dorn an arwasker an den a veu dalghennys. Ha na wrewgh kammhynseth na freudh dhe'n alyon, an omdhivas, na'n wedhwes, po skoellya goes gwiryon y'n tyller ma.

Yeremia 23:5

Otta, an dydhyow a dheu, yn-medh an Arloedh, pan dhrehavav dhe Davydh Skorrenn wiryon, ha myghtern a reyn ha sewena, hag a wra gwirvreus hag ewnder y'n tir.

Yeremia 42:6

Mars yw da po drog, ni a vydh gostydh dhe lev an Arloedh agan Duw dhe neb y'th tannvenyn may fo da genen pan vydhyn gostydh dhe lev an Arloedh agan Duw.’

Yeremia 7:5

Rag mar kwellhowgh yn hwir agas fordhow ha'gas gwriansow; mar kwrewgh breusi yn hwir yntra gour ha'y gentrevek;

Luk 11:41

Mes rewgh alusen a'n pyth usi war-ji, hag otta pup-tra a vydh glan dhywgh.

Oberow 2:46

Ha pub dydh oll ow pesya yn tiwysyk ha keskolonn y'n tempel, hag ow terri bara yn aga chiow, i a gevrenna boes, heudh ha sempel aga holonnow,

1 Korinthianys 10:31

Ytho, po dybri po eva a wrewgh, po pypynag a wrewgh, pup-tra dhe wordhyans Duw gwrewgh.

Dewteronomi 4:40

Ytho gwith y ordenansow ha'y worhemmynnow esov ow korhemmynna dhis hedhyw, may fo yn ta genes ha gans dha vebyon war dha lergh, mayth ystynni dha dhydhyow war an tir a wra an Arloedh dha Dhuw y ri dhis bys vykken.