Yeremia 22:13 - An Bibel Kernewek 20234 (Kernewek Kemmyn)

¹³ Go-ev a dhrehav y ji der anewnder, ha'y jambouryow dre gammhynseth; neb a wra dh'y gentrevek lavurya heb gober, heb ri travyth dhodho rag y lavur;

Yeremia 22:13 ပူးပေါင်းရင်းမြစ်များ

2 Kroniklys 36:4

Myghtern Ejyp a wrug y vroder Elyakim myghtern war Yuda ha war Yerusalem, hag a janjyas y hanow dhe Yehoyakim; mes Neko a gemmeras y vroder Yehoahaz hag a'n dug dhe Ejyp.

2 Kroniklys 36:5

Yehoyakim o pymp bloedh warn ugens pan dhallathas reynya, hag ev a reynyas unnek blydhen yn Yerusalem. Ev a wrug an pyth o drog yn golok an Arloedh y Dhuw.

Job 31:39

mar tybris y askorr heb talas, po terri spyrys y wonedhysi;

Ysay 5:8

Go-i a jun chi dhe ji, ha keworra park dhe bark, bys pan na vo tyller gesys, ha nyns eus gesys marnas hwi dhe driga yn kres an wlas.

Yeremia 17:11

Dell esedh an rugyar, heb gori; yndellma yw an re a wayn golusogneth, heb ewnder; yn hanter y dhydhyow hi a'n gas, hag yn y dhiwedh ev a vydh foll.

Yeremia 22:18

Ytho, yndellma y lever an Arloedh a-dro dhe Yehoyakim mab Yosia myghtern Yuda: Ny alarons ragdho, ow leverel, ‘Ogh ow broder!’ po ‘Ogh ow hwoer!’ Ny alarons ragdho, ow leverel, ‘Ogh arloedh!’ po, ‘Ogh y veuredh!’

Levitikus 19:13

Ny wre'ta arwaska dha gentrevek na'y robbya. Ny wra gober gwas arvethys gortos genes jy oll an nos bys y'n myttin.

Mika 3:10

neb a dhrehav Sion gans goes ha Yerusalem gans kammhynseth.

Habakkuk 2:12

Go-ev neb a dhrehav tre gans goes ha fondya sita war gammhynseth.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Dewteronomi 15:13

Ha pan y'n dannvenydh dhiworthis rydh, ny'n dannvenydh dhe-ves gwag y dhiwla.

Jamys 5:4

Otta, gobrow an wonisysi a vysas agas gwelyow hag a wrussowgh gwitha dhiworta yn fals, ymons ow karma; ha garmow an vysoryon re dhrehedhas diwskovarn Arloedh an luyow.