Yeremia 22:11 - An Bibel Kernewek 20234 (Kernewek Kemmyn)

¹¹ Rag yndellma y lever an Arloedh a-dro dhe Shallum mab Yosia myghtern Yuda a reynyas yn le Yosia, hag eth yn-mes a'n tyller ma; ny dhehwel omma arta,

Yeremia 22:11 ပူးပေါင်းရင်းမြစ်များ

2 Myghternedh 23:29

Yn y dhydhyow, Faro Neko myghtern Ejyp eth yn-bann dhe weres myghtern Assyria orth avon Ewfrates. Myghtern Yosia eth dhe vetya orto yn batel; mes pan vetyas Faro Neko orto yn Megiddo, ev a'n ladhas.

2 Myghternedh 23:30

Y wesyon a'n dug, marow, yn charett dhiworth Megiddo dhe Yerusalem, ha'y ynkleudhyas yn y vedh y honan. Pobel an tir a gemmeras Yehoahaz mab Yosia, ha'y untya ha'y wul myghtern yn le y das.

2 Myghternedh 23:31

Yehoahaz o tri bloedh warn ugens pan dhallathas reynya, hag ev a reynyas tri mis yn Yerusalem. Hanow y vamm o Hamutal myrgh Yeremia a Libna.

2 Myghternedh 23:34

Faro Neko a wrug dhe Elyakim mab Yosia bos myghtern yn le y das Yosia, ha chanjya y hanow dhe Yehoyakim. Mes ev a gemmeras Yehoahaz dhe-ves; ev a dheuth dhe Ejyp ha merwel ena.

1 Kroniklys 3:15

Mebyon Yosia: Yohanan an kynsa-genys, Yehoyakim an nessa, Sedekia an tressa, Shallum an peswora.

2 Kroniklys 28:12

Dres hemma neb pennow a'n Efraymysi, Azaria mab Yohanan, Berekia mab Meshillemoth, Hezekia mab Shallum, hag Amasa mab Hadlay, a sevis erbynn an re esa ow tehweles dhiworth an vresel,

2 Kroniklys 34:22

Ytho Hilkia ha'n re re bia dannvenys gans an myghtern eth dhe'n brofoeses Hulda, gwreg Shallum mab Tokkath mab Hasra, gwithyas an dhillasva, esa trigys yn Yerusalem y'n Nessa Kwartron, hag i a gewsis dhedhi yndella.

Yeremia 22:27

Mes ny dhehwelons dhe'n tir may yeunons dehweles dhodho.

Sefania 1:1

Ger an Arloedh a dheuth dhe Sefania, mab Kushi, mab Gedalia, mab Amaria, mab Hezekia, yn dydhyow Yosia mab Amon, myghtern Yuda: