Yeremia 22:10 - An Bibel Kernewek 20234 (Kernewek Kemmyn)

¹⁰ Na oelewgh rag an marow, na kyni ragdho; mes oelewgh ragdho ev neb a yn-mes, rag ny dhehwel namoy, na gweles tir y enesigeth.

Yeremia 22:10 ပူးပေါင်းရင်းမြစ်များ

2 Myghternedh 22:20

Otta, ytho, my a'th kuntell dhe'th tasow, ha ty a vydh kuntellys a-berth y'th vedh yn kres; ny wra dha dhewlagas gweles oll an drog a dhrov war an tyller ma.’ I a dhros an messaj dhe'n myghtern arta.

2 Myghternedh 23:29

Yn y dhydhyow, Faro Neko myghtern Ejyp eth yn-bann dhe weres myghtern Assyria orth avon Ewfrates. Myghtern Yosia eth dhe vetya orto yn batel; mes pan vetyas Faro Neko orto yn Megiddo, ev a'n ladhas.

2 Kroniklys 36:4

Myghtern Ejyp a wrug y vroder Elyakim myghtern war Yuda ha war Yerusalem, hag a janjyas y hanow dhe Yehoyakim; mes Neko a gemmeras y vroder Yehoahaz hag a'n dug dhe Ejyp.

Ekklesiastes 4:2

Ytho my a wormolas an re varow neb yw gyllys seulabrys dhe ankow moy ages an re neb yw hwath yn few.

Ysay 57:1

An den gwiryon a dhe goll, ha ny wra denvyth y settya war y golonn; gwer dregeredhus yw kemmerys dhe-ves, ha denvyth ny gonvedh. Rag an den gwiryon yw kemmerys dhe-ves dhiworth an terroes.

Yeremia 16:7

Ny wrons terri bara rag an kyner, dhe brofya keskalar rag an den marow; na ny wra denvyth ri dhedha an hanaf a gonfort dhe eva rag aga thas po rag aga mamm.

Yeremia 22:11

Rag yndellma y lever an Arloedh a-dro dhe Shallum mab Yosia myghtern Yuda a reynyas yn le Yosia, hag eth yn-mes a'n tyller ma; ny dhehwel omma arta,

Yeremia 22:18

Ytho, yndellma y lever an Arloedh a-dro dhe Yehoyakim mab Yosia myghtern Yuda: Ny alarons ragdho, ow leverel, ‘Ogh ow broder!’ po ‘Ogh ow hwoer!’ Ny alarons ragdho, ow leverel, ‘Ogh arloedh!’ po, ‘Ogh y veuredh!’

Yeremia 22:27

Mes ny dhehwelons dhe'n tir may yeunons dehweles dhodho.

Yeremia 25:27

Ena ty a lever dhedha, Yndellma y lever Arloedh an luyow, Duw Ysrael: Evewgh, bedhewgh medhow ha hwyja, ha koedhewgh ha na sevewgh namoy, drefenn an kledha a dhannvonav dhywgh.

Yeremia 28:4

Ha my a dhaskorr arta dhe'n tyller ma Yekonia mab Yehoyakim myghtern Yuda, hag oll an dhivresow a Yuda hag eth dhe Babylon, yn-medh an Arloedh, rag my a derr yew myghtern Babylon.’

Yeremia 42:18

‘Rag yndellma y lever Arloedh an luyow, Duw Ysrael: Par dell veu diverys ow sorr hag ow honnar war annedhysi Yerusalem, yndellma ow honnar a vydh diverys warnowgh pan ewgh dhe Ejyp. Hwi a vydh molleth, hag euth, ha milliga ha keredh. Ny welowgh an tyller ma namoy.

Yeremia 44:14

ny wra nagonan a remenant Yuda, yw gyllys dhe driga yn pow Ejyp, diank na skapya dhe dhehweles dhe bow Yuda dhe driga ena; kyn hwansons dehweles dhe driga ena, ny dhehwelons, marnas nebes fowesigyon.

Kynvannow 4:9

Gwynnvys an re yw ledhys gans an kledha drefenn fowt askorr an gwel.

Ezekiel 24:16

Mab den, awottavy ow kemmeres dhiworthis desir dha dhewlagas gans strekys; ny gynydh, na ny oelydh, na ny vydh dhis dagrow.

Luk 23:28

Mes Yesu a dreylyas dhedha ha leverel, ‘Myrghes Yerusalem, na oelewgh warnav vy; mes oelewgh warnowgh agas honan ha rag agas fleghes,