Yeremia 21:9 - An Bibel Kernewek 20234 (Kernewek Kemmyn)

⁹ Seul a vo trigys y'n sita ma a verow gans an kledha, ha gans an divoetter ha gans an pla: mes neb a yn-mes ha kilfia dhe'n Kaldeanys usi yn esedhva warnowgh, ev a vew hag y'n jeves y vewnans avel preydh.

Yeremia 21:9 ပူးပေါင်းရင်းမြစ်များ

Yeremia 14:12

Pan wrons penys, ny glewav aga kri; ha pan offrons offrynn leskys hag offrynn greun, ny's degemmerav: mes my a's distru der an kledha, ha gans an divoetter, ha gans an pla.

Yeremia 21:7

Hag a-wosa, y lever an Arloedh, my a re Sedekia myghtern Yuda, ha'y servysi, ha'n bobel, ha'n re yw hwath yn few y'n sita ma wosa an pla, an kledha ha'n divoetter, bys yn dorn Nebukadnessar myghtern Babylon, hag yn dorn aga eskerens, hag yn dorn an re a hwila aga bewnans. Ev a's gwysk gans min an kledha; ny wra eva aga sparya, na kemmeres truedh, na mersi.

Yeremia 24:10

Ha my a dhannvon an kledha, divoetter, ha'n pla yntredhon, bys pan vydhons distruys yn tien a'n tir a res dhedha ha dh'aga thasow.

Yeremia 27:11

Mes an kenedhlow a dhre aga honna yn-dann yew myghtern Babylon ha'y servya, an re na my a's gas yn aga thir aga honan, yn-medh an Arloedh, dh'y wonedha ha triga ynno.

Yeremia 27:12

My a gewsis ynwedh orth Sedekia myghtern Yuda war-lergh oll an geryow ma, ow leverel, Drewgh agas konna yn-dann yew myghtern Babylon, ha'y servya ev ha'y bobel, ha bewa.

Yeremia 27:13

Prag y ferwowgh, ty ha'th pobel gans an kledha, gans an divoetter, ha gans an pla, dell leveris an Arloedh a-dro dhe genedhel pynag na serv myghtern Babylon?

Yeremia 38:2

Yndellma y lever an Arloedh, Neb a worta y'n sita ma a verow gans an kledha, gans an divoetter ha gans an pla; mes neb a yn-mes dhe'n Kaldeanys a vew; rag ev a'n jevydh y vewnans avel preydh, hag ev a vew.

Yeremia 38:3

Yndellma y lever an Arloedh, An sita ma a vydh res yn leuv lu myghtern Babylon hag ev a's kemmer.

Yeremia 39:18

Rag my a'th telirv yn sur, ha ny goedhydh der an kledha, mes dha vewnans a vydh preydh dhis, drefenn ty dhe fydhya ynnov, yn-medh an Arloedh.

Yeremia 45:5

Ha ty, a hwilydh traow meur dhe'th honan? Na's hwila; rag my a dhre anfeusi war oll kneus, yn-medh an Arloedh; mes my a re dhis dha vewnans avel preydh yn pub tyller mayth ylli.’

Ezekiel 5:12

Tressa rann ahanowgh a verow dre bla po mos dhe goll dre dhivoetter a-berth ynnos; tressa rann a goedh der an kledha a-dro dhis; ha tressa rann a skattrav dhe oll an gwynsow ha tenna an kledha war aga lergh.