Yeremia 21:7 - An Bibel Kernewek 20234 (Kernewek Kemmyn)

⁷ Hag a-wosa, y lever an Arloedh, my a re Sedekia myghtern Yuda, ha'y servysi, ha'n bobel, ha'n re yw hwath yn few y'n sita ma wosa an pla, an kledha ha'n divoetter, bys yn dorn Nebukadnessar myghtern Babylon, hag yn dorn aga eskerens, hag yn dorn an re a hwila aga bewnans. Ev a's gwysk gans min an kledha; ny wra eva aga sparya, na kemmeres truedh, na mersi.

Yeremia 21:7 ပူးပေါင်းရင်းမြစ်များ

Ysay 27:11

Pan yw sygh hy skorrow, yth yns terrys dhe-ves; benynes a dheu ha'ga enowi. Rag homm yw pobel heb konvedhes; rakhenna ny gemmer aga Kreador truedh anedha, ha ny dhiskwedh aga Gwrier favour dhedha.

Ysay 47:6

My a sorras orth ow fobel, my a dhisakras ow ertach; my a's ros y'th tiwdhorn, ny dhiskwedhsys truedh dhedha; war an re goth y hwrussys dha yew fest poes.

Yeremia 13:14

Ha my a's tewl an eyl erbynn y gila, hwath an tasow ha'n vebyon war-barth, yn-medh an Arloedh: ny sparyav, na kemmeres piteth, na truedh, mes aga distrui.

Yeremia 14:12

Pan wrons penys, ny glewav aga kri; ha pan offrons offrynn leskys hag offrynn greun, ny's degemmerav: mes my a's distru der an kledha, ha gans an divoetter, ha gans an pla.

Yeremia 15:5

Rag piw a gemmer truedh ahanas A Yerusalem? po piw a'th kyn? po piw a geskodhev genes dhe wovynn a-dro dhe'th yeghes?

Yeremia 15:9

Hi neb re dhineythis seyth a vydh ydhil: hi re dhyenas; hy howl yw sedhys pan yw hwath dydh; hi re borthas meth ha bismer; ha'n re yw gesys anedha my a dhannvon dhe'n kledha a-rag aga eskerens, yn-medh an Arloedh.

Yeremia 19:7

Ha my a wra euver kusul Yuda ha Yerusalem y'n tyller ma; ha my a wra dhedha koedha gans an kledha a-rag aga eskerens, ha gans leuv an re a hwila aga bewnans; ha my a re aga horfow marow dhe vos boes rag ydhyn an nev, ha rag bestes an nor.

Yeremia 20:4

Rag yndellma y lever an Arloedh: Otta, my a'th wra browagh dhis dha honan, ha dhe'th kowetha oll: hag i a goedh gans kledha aga eskerens, ha'th tewlagas a'n gwel: ha my a re Yuda oll yn leuv myghtern Babylon, hag ev a's deg yn divroedh yn Babylon, ha'ga ladha gans an kledha.

Yeremia 22:25

ha dha ri yn dorn an re a hwila dha vewnans, hag yn dorn an re a berthydh own anedha – yn dorn Nebukadnessar myghtern Babylon, hag yn dorn an Kaldeanys.

Yeremia 27:6

Ha lemmyn my re ros oll an tiryow ma yn leuv Nebukadnessar myghtern Babylon, ow gwas, ha my re ros ynwedh bestes an gwel dh'y servya.

Yeremia 32:4

ny dhiank Sedekia myghtern Yuda a-dhiworth leuv an Kaldeanys, mes delivrys vydh yn sur yn leuv myghtern Babylon, ha kewsel ganso ganow orth ganow, ha'y weles lagas orth lagas;

Yeremia 34:3

Ha ty dha honan, ny dhienkydh a'y leuv, mes dalghennys vydhydh yn sur ha delivrys yn y leuv; dha dhewlagas a welvydh myghtern Babylon, hag ev a gews genes ganow dhe anow; ha ty a dhe Babylon.

Yeremia 36:29

Hag a-dro dhe Yehoyakim myghtern Yuda ty a lever: Yndellma y lever an Arloedh, Ty re loskas an rol-skrifa ma, ow leverel, Prag y skrifsys ynni y teu myghtern Babylon yn sur ha distrui an tir ma ha gul dhe hedhi anodho den ha best?

Yeremia 37:17

Sedekia an myghtern a dhannvonas war y lergh, ha'y gemmeres yn-mes. Ha'n myghtern a wovynnas orto yn priva yn y ji, ha leverel, ‘Eus ger a-dhiworth an Arloedh?’ Ha Yeremia a leveris, ‘Eus!’ Ena yn-medh ev, ‘Ty a vydh delivrys yn leuv myghtern Babylon.’

Yeremia 50:17

Ysrael yw davas skattrys; lewyon re's fesyas. Yn kynsa, myghtern Assyria a's devoryas ha lemmyn y'n diwedh, Nebukadnessar myghtern Babylon re gnias hy eskern.

Kynvannow 2:20

Gwel, A Arloedh, ha mir. Piw a dhyghtsys yndella? A wra gwragedh dybri aga askorr, fleghes wynn heb namm? A ledhir oferyas ha profoes yn sentri an Arloedh?

Kynvannow 2:22

Ty a elwis seul a'm broweghi a'm kyrghynn kepar dell ve yn dy'goel; hag yn dydh sorr an Arloedh nyns esa denvyth a skapyas na diank; seul a wrug vy aga dineythi ha maga ow eskar re dhistruis.

Ezekiel 23:28

Rag yndellma y lever an Arloedh Duw: Awottavy orth dha ri yn leuv an re a gesydh, yn leuv an re may treylyas dha enev divlasys dhiworta.

Ezekiel 7:9

Ny gemmer ow lagas pita ahanas, na ny'th sparyav; my a attal dhis war-lergh dha fordhow, ha'th taklow kasadow usi a-berth ynnos. Ena hwi a woer my dhe vos an Arloedh, usi ow kweskel.

Ezekiel 8:18

Ytho my a ober yn sorr; ny gemmer ow lagas truedh na ny's sparyav. Kyn krions y'm diwskovarn gans lev ughel ny woslowav orta.’

Ezekiel 9:10

Ytho ow lagas ny gemmer truedh, ha ny gemmerav piteth, mes my a dhre aga fordh war aga fenn.’

Dewteronomi 28:50

kenedhel a fas fers, na wra enor dhe'n henavek ha na vydh grassyes dhe'n yowynk;