Yeremia 21:4 - An Bibel Kernewek 20234 (Kernewek Kemmyn)

⁴ Yndellma y lever an Arloedh, Duw Ysrael: My a dreyl an arvow bresel usi yn agas diwdhorn, gansa mayth omledhewgh erbynn myghtern Babylon, hag erbynn an Kaldeanys, a wra esedhva warnowgh a-ves dhe'n fosow, ha my a's kuntell yn kres an sita ma.

Yeremia 21:4 ပူးပေါင်းရင်းမြစ်များ

Ysay 10:4

ma na blattyowgh yn mysk an brisnoryon, na koedha yn mysk an re ledhys? Yn despit dhe oll hemma ny dreylyas y sorr, ha'y leuv yw hwath ystynnys.

Ysay 13:4

Son routh y'n menydhyow, haval dhe bobel vras; son tervans gwlaskordhow, kenedhlow kuntellys war-barth: yma Arloedh an luyow ow kuntell lu rag bresel.

Ysay 5:5

Lemmyn my a dheriv dhywgh an pyth a wrav rag ow gwinlann: my a gemmer dhe-ves an ke ha hi a vydh peurva; my a wra aswa yn hy fos ha hi a vydh tir trettys.

Yeremia 20:4

Rag yndellma y lever an Arloedh: Otta, my a'th wra browagh dhis dha honan, ha dhe'th kowetha oll: hag i a goedh gans kledha aga eskerens, ha'th tewlagas a'n gwel: ha my a re Yuda oll yn leuv myghtern Babylon, hag ev a's deg yn divroedh yn Babylon, ha'ga ladha gans an kledha.

Yeremia 21:3

Ena Yeremia a leveris dhedha, Yndellma hwi a gews dhe Sedekia:

Yeremia 32:24

Otta, krugow an gweythyow-esedhva re dheuth dhe'n sita dh'y hemmeres; ha'n sita yw gorrys yn leuv an Kaldeanys a omladh er hy fynn, drefenn an kledha, ha drefenn an divoetter, ha drefenn an pla. Ha'n pyth re gewssys re hwarva; hag otta, ty a'n gwel.

Yeremia 32:3

le ma'n keas Sedekia myghtern Yuda, ow leverel, ‘Prag y profoesydh ha leverel: Yndellma y lever an Arloedh: My a re an sita ma yn leuv myghtern Babylon, hag ev a's kemmer;

Yeremia 32:5

hag ev a hembronk Sedekia dhe Babylon, hag ena ev a vydh bys pan dhov dhodho, yn-medh an Arloedh; kynth omledhowgh erbynn an Kaldeanys, ny sewenowgh?’

Yeremia 33:5

Yma an Kaldeanys ow tos dhe omladh ha dh'aga lenwel gans korfow marow an re a ledhis vy yn ow sorr hag yn ow honnar, rag my re gudhas ow fas a'n sita ma drefenn aga drogedh.

Yeremia 35:17

Ytho, yndellma y lever an Arloedh, Duw an luyow, Duw Ysrael: My a dhre war Yuda ha war oll annedhysi Yerusalem pub terroes re leveris er aga fynn; rag my re gewsis dhedha ha ny woslowsons, my re elwis dhedha mes ny worthybsons.’

Yeremia 39:3

Ena oll pennsevigyon myghtern Babylon a dheuth a-ji, hag esedha y'n yet kres, hwath Nergal-sareser, Samgar-nebo, Sarsekim an Rabsaris, Nergal-sareser an Rabmag, hag oll an bennsevigyon arall a vyghtern Babylon.

Yeremia 52:18

I a gemmeras dhe-ves an kalteryow, an reuvow, an gwelsigow-porv, an basonyow, an loyow-ledan, hag oll an lestri a vrons may hwrens menystra gansa.

Kynvannow 2:3

Ev re hakkyas yn gwres y sorr pub korn a Ysrael, ev re dennas y leuv dhyghow dhe-ves dhiworta a-rag an eskar; ev re loskas erbynn Yakob kepar ha tan ow flammya, ow kowlleski a bub tu.

Kynvannow 2:5

An Arloedh o kepar hag eskar, ev re gollonkas Ysrael; ev re gollonkas oll y lysyow, ev re dhistruis y dhinasow; ha palshe yn myrgh Yuda drem ha kynvann.

Kynvannow 2:7

An Arloedh re skonyas y alter, ha nagha y sentri; ev re ros yn leuv an eskar fosow hy lysyow; i a dhrehevis tros yn chi an Arloedh kepar dell ve yn dy'goel.

Ezekiel 39:3

My a wysk dha warak yn-mes a dha dhorn gledh, ha gul dhe'th sethow koedha yn-nans yn-mes a dha dhorn dhyghow.

Hosea 9:12

Kyn hwrellons meythrin aga fleghes, my a gemmer pubonan dhe-ves, ma na vo denvyth gesys. Go-i pan dreylyav anedha!

Zekaria 14:2

My a wra kuntell oll an kenedhlow erbynn Yerusalem rag kas; ha'n sita a vydh kemmerys, ha'n chiow pyllys, ha'n benynes defolys. Hanter an sita a dheu yn divroedh, mes an remenant ny vydh treghys dhe-ves dhiworth an sita.

Matthew 22:7

Ha'n myghtern a sorras hag a dhannvonas y luyow dhe dhiswul an dhenledhysi na hag a loskas aga sita.