Yeremia 20:8 - An Bibel Kernewek 20234 (Kernewek Kemmyn)

⁸ Rag peskweyth may kowsav, my a gri, my a arm ‘Freudh ha distruyans!’ Rag ger an Arloedh a dheuth ha bos keredh dhymm, ha skorn pub dydh.

Yeremia 20:8 ပူးပေါင်းရင်းမြစ်များ

2 Myghternedh 2:23

Ev eth yn-bann alena dhe Bethel. Hag ev ow mos war an fordh, y teuth mebyon vyghan yn-mes a'n sita ha'y skornya, ha leverel dhodho, ‘Ke yn-bann, ty benn-blogh! Ke yn-bann, ty benn-blogh!’

2 Kroniklys 36:16

mes i a wre ges a gannasow Duw, ow tispresya y eryow, hag ow skornya y brofoesi, bys pan o gyllys konnar an Arloedh orth y bobel mar vras, ma nag esa remedi.

Ysay 57:4

Piw y hwredh ges anodho? Piw yth igerydh dha vin er y bynn ha gorra dha daves mes? A nyns owgh hwi fleghes a gammweythres, has a wowegneth?

Yeremia 15:10

Go-vy, ow mamm, ma'm omdhuges, gour a strif ha gour a gedrynn dhe oll an nor! Ny res vy prestenn, na ny brestis tus dhymmo vy: mes hwath peub anedha a'm millik.

Yeremia 15:15

A Arloedh, ty a woer: porth kov ahanav, ha'm visitya, ha'm diella war ow helghysi; na'm deg vy dhe-ves y'th hirwodhevyans; godhvydh a'th wovis jy my dhe wodhevel keredh.

Yeremia 17:27

Mes mar ny woslewowgh orthiv, dhe sanshe dydh an sabot, ha ma na degowgh begh owth entra dhe yetow Yerusalem ganso yn dydh an sabot, ena my a enow tan yn hy yetow hag y hwra distrui palesyow Yerusalem, ha ny vydh difeudhys.

Yeremia 20:7

A Arloedh, ty re'm dynyas, ha my a veu dynys: ty a'm gwaskas yn krev, ha ty re fethas: skornys ov pub dydh, pubonan a wra ges ahanav.

Yeremia 28:8

An brofoesi hag a dheuth kyns my ha kyns ty a'n termyn koth a brofoesas erbynn lies pow, hag erbynn gwlaskordhow meur, a vresel, divoetter, a drogedh hag a bla.

Yeremia 5:1

Gwandrewgh a-dro dre stretow Yerusalem, gwelewgh lemmyn, ha godhvydhewgh, ha hwilewgh yn hy flenys, mar kyllowgh kavoes gour, mars eus nebonan a wra breus, a hwila gwirder; ha my a's gav.

Yeremia 5:6

Rakhenna lew yn-mes a'n goeswik a's ladh, ha bleydh a'n gwylvos a's diswra, lewpard a wra goelyas war aga sitys: pubonan neb a wra mos yn-mes alena a vydh skwardys dhe demmyn: drefenn aga threuspassow yw lies, ha'ga hildroyow yw moghhes.

Yeremia 6:10

Piw y kowsav dhodho, ha ri gwarnyans, may klewvons? Otta, aga skovarn yw antrodreghys, ha ny's teves goslowes; otta, ger an Arloedh yw keredh dhedha; ny's teves lowender ynno.

Yeremia 7:9

A wrewgh hwi ladra, moldra, gul avoutri, ti yn fals, ha leski offrynnow dhe Baal, ha kerdhes war-lergh duwow na aswonnsowgh;

Habakkuk 1:3

Prag y tiskwedhydh dhymm droktra, ha gul dhymm mires orth ahwer? Rag yma terroes ha freudh a-dheragov; yma strif, ha kedrynna a sev.

Luk 11:45

Onan a'n laghysi a worthybis ha leverel dhodho, ‘Mester, pan leverydh henna ty a'gan keredh ni maga ta.’

Ebrowyon 11:26

Ev a dybi godhevel tebel dhyghtyans rag an Krist kevoeth moy ages tresoryow Ejyp, rag y fira yn-rag orth an gober.

Ebrowyon 13:13

Ytho deun yn-rag dhodho yn-mes a'n kamp ha doen y vismer ev ganso.

1 Peder 4:14

Mars owgh hwi despitys yn hanow Krist, gwynn agas bys rag an Spyrys a splannder hag a Dhuw a wra powes warnowgh.