Yeremia 20:18 - An Bibel Kernewek 20234 (Kernewek Kemmyn)

¹⁸ Prag y teuth vy yn-mes a'n dorr dhe weles lavur hag ahwer, ha spena ow dydhyow yn meth?

Yeremia 20:18 ပူးပေါင်းရင်းမြစ်များ

1 Myghternedh 19:4

Mes ev y honan eth y'n gwylvos, vyaj unn jydh, ha dos hag esedha yn-dann brenn banadhel. Ev a bysis may farwa: ‘Lowr yw; lemmyn, A Arloedh, kemmer ow bewnans, rag nyns ov gwell ages ow thasow.’

Job 14:1

‘Mab-den, genys a venyn, yw kott y dhydhyow, ha leun a anken.

Job 14:13

Unnweyth a kwrelles ow kudha yn ifarn, ow heles erna vo dha sorr tremenys, apoyntya termyn ragov ha perthi kov ahanav!

Job 3:20

‘Prag yth yw golow res dhe'n den truan, ha bewnans dhe'n dus hwerow aga enev,

Job 5:7

mes dineythys yw den dhe drobel dell wra gwryghon nija war-vann.

Salmow 102:3

Rag ow dydhyow a dremen avel mog, ha'm eskern yw leskys avel yttew.

Salmow 69:19

Ty a aswonn ow mewl, ha'm meth, ha'm despit; yma oll ow eskerens a-dheragos.

Ysay 1:6

A wodhen an troes bys an penn, nyns eus yeghes ynno, mes brewyon, kreythennow, ha goliow podrek; ny vons glanhes na lystennys na medhelhes gans oyl.

Ysay 51:7

Goslowewgh orthiv, hwi hag a woer ewnder, hwi bobel a's teves ow dyskans yn agas kolonn; na berthewgh own a'n geredh a dus, ha na bedhewgh digolonnek drefenn aga despit.

Yeremia 15:10

Go-vy, ow mamm, ma'm omdhuges, gour a strif ha gour a gedrynn dhe oll an nor! Ny res vy prestenn, na ny brestis tus dhymmo vy: mes hwath peub anedha a'm millik.

Yeremia 15:18

Prag yth yw ow dolor heb diwedh, ha'm goli yw mar dhrog ma na yll bos yaghhes? A vydhydh dhymm yn tien avel gover gowek, hag avel dowrow a fyll?

Yeremia 3:25

Ni a wrowedh yn agan meth, ha'gan despit a'gan kudh: rag ni re beghas erbynn an Arloedh agan Duw, ni ha'gan tasow, a-dhia agan yowynkneth ha hwath bys y'n jydh ma, ha ny obayson lev an Arloedh agan Duw.’

Yeremia 8:18

Nyns eus eli rag ow anken; ow holonn yw klav.

Kynvannow 1:12

A ny vern travyth, oll hwi a dremen? Mirewgh, ha gweles mars eus ahwer kepar ha'm ahwer vy, a veu gorrys warnav, ma'm grevyas an Arloedh ganso yn dydh y sorr fers.

Kynvannow 3:1

My yw an gour re welas galar yn-dann vagel y sorr;

Habakkuk 1:3

Prag y tiskwedhydh dhymm droktra, ha gul dhymm mires orth ahwer? Rag yma terroes ha freudh a-dheragov; yma strif, ha kedrynna a sev.

Yowann 16:20

Yn hwir, yn hwir y lavarav dhywgh, hwi dhe oela ha dhe gyni, mes an bys a lowenha. Mes hwi a vydh trist, mes agas tristyns a dreyl dhe lowena.

Oberow 5:41

Rakhenna, i eth yn-mes dhiworth an konsel ow lowenhe, drefenn aga bos reknys gwiw dhe berthi disenor a-barth an hanow.

2 Timothi 1:12

Rakhenna y hwodhavav an taklow ma; mes ny borthav meth, rag my a woer neb re grysis ynno ha sur ov vy ev dhe alloes gwitha an pyth re beu gorrys y'm charj, bys y'n jydh na.

Ebrowyon 10:36

Rag hwi a'gas beus edhomm a berthyans, may hwryllowgh bodh Duw ha kavoes an pyth yw ambosys.

Ebrowyon 11:36

Re erell a wodhevis skorn ha skorjya, ha hwath kadonyow ha prisonyans.

Ebrowyon 12:2

ow mires war-tu ha Yesu, awtour ha perfydhder agan fydh, rag an lowender settys a-ragdho ev neb a borthas an grows, ow tispresya an meth, ha neb re esedhas orth leuv dhyghow tron Duw.

Ebrowyon 13:13

Ytho deun yn-rag dhodho yn-mes a'n kamp ha doen y vismer ev ganso.