Yeremia 20:16 - An Bibel Kernewek 20234 (Kernewek Kemmyn)

¹⁶ Gas an gour na dhe vos avel an sitys a dhomhwelas an Arloedh, yn tibita; gas ev dhe glewes kri myttinweyth, ha garm yn hanter-dydh,

Yeremia 20:16 ပူးပေါင်းရင်းမြစ်များ

Yeremia 18:22

Re bo klewys kri a'ga chiow, pan dhredh bagas a soudoryon warnedha a-dhistowgh: rag i re balasas pytt dhe'm kachya, ha kudha maglennow rag ow threys.

Yeremia 18:8

mar treyl an genedhel na, a gewsis er hy fynn, a-dhiworth hy drogedh, my a gyv edrek a'n drogedh a vynnis y wul dhedhi.

Yeremia 23:14

Hag yn profoesi Yerusalem: my re welas tra skruthus: avoutri a wrons, ha kerdhes yn gowyow; i a grevha diwla an dhrogoberoryon, ma na dreyl nagonan a-dhiworth y dhrogedh; yth yns i oll avel Sodom dhymm, ha'y annedhysi avel Gomorra.

Yeremia 26:13

Ytho lemmyn gwellhewgh agas fordhow ha'gas gwriansow ha klewewgh lev an Arloedh agas Duw, ha'n Arloedh a dreyl y vrys a-dro dhe'n anfeusi re leveris er agas pynn.

Yeremia 4:19

Ow holodhyon, ow holodhyon! my a omwen yn payn, fosow ow holonn a lamm; ow holonn a wra tros ynnov; ny allav tewel; rag my re glewas son an hirgorn, ow enev re glewas an tros a vresel.

Kynvannow 4:6

Brassa yw kessydhyans myrgh ow fobel ages an kessydhyans rag pegh Sodom, a veu domhwelys yn unn lamm, kyn na veu leuv vyth gorrys warnedhi.

Ezekiel 21:22

Yn y leuv dhyghow y teu koelbrenn Yerusalem, dhe igeri an ganow rag an ladhva, dhe dhrehevel an lev y'n kri a vatel, dhe settya hor'bennow erbynn an yetys, dhe grugya gweythyow-esedhva.

Hosea 10:14

Tervans a dhrehav yn mysk dha bobel, hag oll dha gastylli a vydh distruys, kepar dell wrug Shalman distrui Beth-arbel yn dydh an gas, pan veu brewys an vamm gans hy fleghes.

Hosea 11:8

Fatell y'th hepkorrav, Efraym? Fatell y'th taskorrav, Ysrael? Fatell y'th wrav avel Adma? Fatell y'th hworrav avel Seboim? Ow holonn re dreylyas a-ji dhymm, oll ow thruedh re dhewis.

Hosea 13:14

My a's daspren dhiworth leuv ifarn; my a's delirv dhiworth ankow. Ple'mons dha blagys, A ankow? Ple'ma dha vros, A ifarn? Truedh a vydh kudhys dhiworth ow dewlagas.

Amos 1:14

Ytho my a worr tan yn fos Rabba, dhe dhevorya hy falesyow gans garm yn dydh an gas, gans annawel yn dydh an korwyns;

Amos 2:2

Ytho my a dhannvon tan war Moab dhe dhevorya palesyow Kerioth; ha Moab a verow yn mysk tervans, yn mysk garm ha son an korn;

Amos 4:11

My a dhomhwelis rann ahanowgh, dell wrug Duw domhwel Sodom ha Gomorra. Kepar hag yttew y fewgh, tennys mes a'n tan, byttegyns ny dhehwelsowgh dhymm, yn-medh an Arloedh.

Yona 3:4

Yona a dhallathas mos y'n sita, kerdh a unn jydh, hag ev a grias ha leverel, ‘Hwath dew-ugens dydh, ha Nineve a vydh domhwelys.’

Yona 4:2

Hag ev a bysis dhe'n Arloedh ow leverel, ‘My a'th pys, A Arloedh, a nyns yw henna an keth tra a leveris vy pan esen hwath y'm pow? Rakhenna my a fias y'n dalleth dhe Tarshish; rag my a wodhva ty dhe vos Duw grassyes ha truedhek, lent ow serri, ha leun a dregeredh, ow kemmeres edrek a'n drog.

Sefania 1:16

dydh hirgorn ha garm kas erbynn an sitys kerys hag erbynn an touryow ughel.

Sefania 2:9

Rakhenna ren ow bewnans, yn-medh Arloedh an luyow, Duw Ysrael, y fydh Moab kepar ha Sodom yn surredi, ha an Ammonysi kepar ha Gomorra, hwennek ha poll hoelan ha difeyth a bes vynitha: remenant ow fobel a's pyll, ha'n re gesys a'm kenedhel a erit aga thir.

Luk 17:29

y'n jydh mayth eth Lot yn-mes a Sodom, tan ha loskven a goedhas avel glaw dhiworth nev ha'ga distrui yn kettep penn.

Dewteronomi 29:22

Ena an diwettha henedh a'gas mebyon neb a sev war agas lergh, ha'n estren a dheu dhiworth pow pell, a wel plagys an tir na ha'n disesys a wrug an Arloedh aga dri warnodho.

Dewteronomi 29:23

Oll hy thir a vydh loskven ha hoelan, ynyal leskys; ny vydh has hesys, ha ny skyll travyth, ha ny dyv gwels vytholl ynno. Y fydh avel domhwelyans Sodom ha Gomorra, Adma ha Seboyim, a wrug an Arloedh aga domhwel yn y sorr hag yn y gonnar.

2 Peder 2:6

ha mar tampnyas sitys Sodom ha Gomorra dhe dhiswrians, orth aga leski dhe lusu yn ensampel dhe dus a vynno bewa ongrassyes;

Lyther Yud 1:7

kepar ha Sodom ha Gomorra ha'n sitys yn aga hyrghynn, a veu omres dhe'n keth dijastita hag ow mos war-lergh kig astranj, settys rag bysna yn aga hessydhyans gans tan heb diwedh.