Yeremia 2:5 - An Bibel Kernewek 20234 (Kernewek Kemmyn)

⁵ Yndellma y lever an Arloedh Pana dhrogober re gavas aga thasow ynnov, mayth ens gyllys pell ahanav, ha may kerdhsons war-lergh euveredh, ha devedhys ha bos euver vons?

Yeremia 2:5 ပူးပေါင်းရင်းမြစ်များ

2 Myghternedh 17:15

I a asas y laghys, ha'y gevambos a wrug ev gans aga thasow, ha'n gwarnyansow a ros ev dhedha. I a siwyas idolys koeg hag eth ha bos koeg aga honan; i a siwyas an kenedhlow esa a-dro dhedha, hag a-dro dhedha an Arloedh re worhemmynnsa na dalvia dhedha gul yndella.

Salmow 115:8

An re a's gwra yw kehaval dhedha; hag ynwedh oll an re a drest ynna.

Ysay 29:13

An Arloedh a leveris: Drefenn an bobel ma dhe dhos nes dhymm gans aga ganow hag ow enora gans aga diwweus, mes aga holonn yw pell dhiworthiv, ha'ga own ahanav yw dyskys gans gorhemmynn tus,

Ysay 44:9

Oll myns a wra imajys yw mann, ha'n taklow may lowenhons ynna yw diles. Aga dustunioryon yw heb gweles ha heb godhvos, ytho i a berth meth.

Ysay 46:12

Goslowewgh orthiv, hwi hardh agas kolonn, hwi neb yw pell a ewnder:

Yeremia 10:8

Mes i yw ha gokki ha foll; dyskans idolys a brenn yw euveredh.

Yeremia 12:2

Ty re's plansas, hag i re wreydhyas: i a dyv ha doen frut: ogas os yn aga ganow, mes pell dhiworth aga diwloneth.

Yeremia 14:22

Eus yn mysk idolyow an kenedhlow nebonan a yll gwruthyl glaw? Po a yll an nevow aga honan ri kowasow? A nyns yw ty, A Arloedh agan Duw? Ytho yma agan govenek ynnos, rag ty re wrug oll an traow ma.

Yeremia 2:31

A henedh, gwelewgh ger an Arloedh. A veuv gwylvos dhe Ysrael, po tir a dewlder? Ytho prag y lever ow fobel, ‘Ni yw rydh dhe wandra; ny dheun dhis namoy’?

Yeremia 2:4

Klewewgh ger an Arloedh, A ji Yakob, hag oll teyluyow chi Ysrael:

Yeremia 8:19

Otta, lev kri myrgh ow fobel dre hys ha les an tir: ‘A nyns usi an Arloedh yn Sion? A nyns usi hy myghtern ynni?’ ‘Prag y hwrussons ow frovokya dhe sorr gans aga imajys gravys ha'ga idolys estren koeg?’

Ezekiel 11:15

Mab den, dha vreder, dha vreder, dha neskerens, hag oll chi Ysrael yn tien, i yw an re may leveris trigoryon Yerusalem dhedha, ‘Pell yns i dhiworth an Arloedh! An tir ma yw res dhyn yn perghennogeth.’

Ezekiel 14:5

rag may taskyffiv kolonnow chi Ysrael, rag i oll re dreylyas dhiworthiv der aga idolys.

Yona 2:8

An re a wra vri a idolys euver a forsak aga thregeredh aga honan.

Matthew 15:8

“An bobel ma a'm enor gans aga diwweus, mes pell yw aga holonn dhiworthiv;

Oberow 14:15

‘A wer, prag y hwrewgh hwi an taklow ma? Ni ynwedh yw gwer, a'n keth gnas avelowgh, ha ni a bregoth rag agas treylya dhiworth an taklow koeg ma dhe Dhuw bew, neb a wrug an nev ha'n nor ha'n mor ha pup-tra eus ynna.

Romanyon 1:21

rag kynth aswonnens Duw ny'n gormolens na ny aswonnens grasow dhodho avel Duw, mes euver y teuthons ha bos yn aga thybyansow ha tewlhes veu aga holonn dalsogh.

Dewteronomi 32:21

I a'm gwrug avius dre neppyth nag yw duw, i a'm sorras gans aga idolys koeg; rakhenna my a's gwra avius dre bobel dhistyr, my a wra aga serri dre genedhel gokki.

1 Samuel 12:21

ha na dreylyewgh a-denewen ow chasya war-lergh taklow na's teves prow, na yll gwaynya na delivra, rag heb prow yns.