Yeremia 2:34 - An Bibel Kernewek 20234 (Kernewek Kemmyn)

³⁴ Ynwedh y'th lostennow y fydh kevys goes-bewnans an voghosogyon ankablus: ny's kevsys ow terri yn chiow. Mes yn spit dhe henna oll

Yeremia 2:34 ပူးပေါင်းရင်းမြစ်များ

2 Myghternedh 21:16

Hag ynwedh Manasse a skoellyas meur a woes gwiryon, bys pan lenwis ev Yerusalem a'n eyl penn dh'y gila, war-barth gans an pegh may hwrug ev dhe Yuda y begha, ow kul an pyth o drog yn golok an Arloedh.

2 Myghternedh 24:4

ha drefenn an goes gwiryon re skoellsa; rag ev a lanwsa Yerusalem a woes gwiryon, ha ny vynna an Arloedh y ava.

Eksodus 22:1

Gour mar lader ojyon po davas, ha'y ladha po y wertha, ev a wra tyli pymp ojyon rag ojyon ha peder davas rag davas.

Eksodus 22:2

Mars yw kevys lader ow terri yn chiow, hag yw gweskys may ferow, ny vydh kabel-goes ragdho.

Ysay 57:5

Hwi a lesk gans lust yn mysk an derow, yn-dann bub gwydhenn las; ow ladha an fleghes y'n nansow, yn-dann savnow an karregi.

Ysay 59:3

Rag agas diwleuv yw defolys gans goes, ha'gas bysies gans anewnder. Agas diwweus re gewsis gow, ha'gas taves re dhiskleryas sherewynsi.

Ysay 59:7

Aga threys a boen dhe dhrog, hag i a fysk dhe dhinewi goes ankablus. Aga frederow yw frederow a anewnder; yma freudh ha kollva yn aga fordhow.

Yeremia 19:4

Drefenn i dhe'm forsakya, ha defola an tyller ma, ha leski offrynnow ynno dhe dhuwow erell, na aswonnsons i na aga thasow, na myghternedh Yuda, ha lenwel an tyller ma a woes tus wiryon.

Yeremia 2:33

Fatell bareussys dha fordh yn ta dhe hwilas kerensa! Dhe venynes dhrog hogen ty re dhyskas dha fordhow.

Yeremia 6:15

Esa meth dhedha pan wrussons pyth kasadow? Na, ny's teva meth vytholl, na ny's teva rudha: rakhenna i a wra koedha yn mysk an re a goedh: y'n termyn ma's kessydhyav i a vydh domhwelys, yn-medh an Arloedh.

Yeremia 7:31

Hag i re dhrehevis an tylleryow ughel a Tofeth, usi yn nans mab Hinnom, dhe leski aga mebyon ha'ga myrghes y'n tan; tra na worhemmynnis, na ny dheuth y'm kolonn.

Yeremia 7:6

mar ny arweskowgh an alyon, an omdhivas, an wedhwes, ha mar ny skoellyowgh goes gwiryon y'n tyller ma, na kerdhes war-lergh duwow erell, dh'agas pystik agas honan,

Yeremia 8:12

Esa meth dhedha pan wrussons pyth kasadow? Na, ny's tevo meth vytholl, na ny's tevo rudha. Ytho i a wra koedha yn mysk an re a goedh: yn termyn aga hessydhyans i a vydh domhwelys, yn-medh an Arloedh.

Kynvannow 1:9

Yth esa hy avlander yn hy lostennow, ny ombrederi a'y thenkys; rakhenna marthys veu hy therroes, nyns esa dhedhi konforter vyth. ‘Gwel, A Arloedh, ow anken, rag an eskar re dryghis!’

Kynvannow 4:14

I a wandras dall y'n stretys, mostys vons gans goes bys ma na allas denvyth tochya aga dillas.

Ezekiel 20:31

Pan offrynnowgh agas rohow, ha gul dh'agas mebyon mos dre dan, hwi a dhefol agas honan gans oll agas idolys bys y'n jydh hedhyw. A vynnav hwi dhe hwilas kusul ahanowgh, chi Ysrael? Dell vewav, yn-medh an Arloedh Duw, ny vynnav hwi dhe hwilas kusul ahanowgh.

Ezekiel 22:25

Hy fennsevigyon yn hy kres yw kepar ha lew owth usa, ow terri preydh; i re dhybris enevow; i re gemmeras tresor ha taklow drudh; i re wrug gwedhwesow pals a-berth ynno.

Ezekiel 23:45

Mes gwer wiryon a's breus kepar hag a vreusir avoutresow ha'n re a skoell goes; rag avoutresow yns, hag yma goes war aga diwla.

Ezekiel 24:7

Rag yma an goes a skoellyas a-berth ynni; hi a'n dinewis war garrek lomm; ny'n diveris war an dor dh'y gudha gans doust.

Ezekiel 9:9

Hag yn-medh ev dhymm, ‘Anewnder chi Ysrael ha Yuda yw pur, pur vras; an tir yw leun a woes, ha'n sita yw leun a gammder; rag yn-medhons, “An Arloedh re forsakyas an tir, ha ny wel an Arloedh.”