Yeremia 2:30 - An Bibel Kernewek 20234 (Kernewek Kemmyn)

³⁰ Yn euver my re weskis agas fleghes; ny dhegemmersons dyskybleth. Agas kledha agas honan re dhevoryas agas profoesi, avel lew ow tistrui.

Yeremia 2:30 ပူးပေါင်းရင်းမြစ်များ

1 Myghternedh 19:10

Ev a worthybis, ‘My re beu pur dhiwysyk rag an Arloedh, Duw an luyow, rag an Ysraelysi re eskasas dha gevambos, terri dha alteryow, ha ladha dha brofoesi gans an kledha. Nyns eus nagonan gesys marnas my, hag ymons ow hwilas ow bewnans, dh'y gemmeres dhe-ves.’

1 Myghternedh 19:14

Ev a worthybis, ‘My re beu pur dhiwysyk rag an Arloedh, Duw an luyow; rag an Ysraelysi re eskasas dha gevambos, terri dha alteryow, ha ladha dha brofoesi gans an kledha. Nyns eus nagonan gesys marnas my, hag ymons ow hwilas ow bewnans, dh'y gemmeres dhe-ves.’

2 Kroniklys 24:21

Mes i a vrasas er y bynn, ha der arghadow an myghtern i a'n labydhas gans meyn yn klos chi an Arloedh.

2 Kroniklys 28:22

Yn prys y ahwer ev eth ha bos hwath moy dislel dhe'n Arloedh – an keth myghtern Ahaz ma.

2 Kroniklys 36:16

mes i a wre ges a gannasow Duw, ow tispresya y eryow, hag ow skornya y brofoesi, bys pan o gyllys konnar an Arloedh orth y bobel mar vras, ma nag esa remedi.

Nehemia 9:26

‘Byttegyns diwostydh ens, hag i a rebellyas er dha bynn ha tewlel dha lagha a-dryv aga heyn ha ladha dha brofoesi, a wrussons aga gwarnya, dh'aga threylya dhis arta; hag i a wrug blasfemiow bras.

Ysay 1:5

Prag y fydhowgh gweskys hwath moy? Prag y pesyowgh yn rebellyans? An penn dien yw klav, oll an golonn yw klamderek.

Ysay 59:3

Rag agas diwleuv yw defolys gans goes, ha'gas bysies gans anewnder. Agas diwweus re gewsis gow, ha'gas taves re dhiskleryas sherewynsi.

Ysay 9:13

Mes ny dreylyas an bobel dhe neb a's gweskis, na ny hwilsons Arloedh an luyow.

Yeremia 31:18

Yn hwir my re glewas Efraym ow pledya: ‘Ty a'm kessydhyas, ha my a gemmeras an geredh, avel lodhen na veu dyskys dhe'n yew. Treyl dhymm, ha my a vydh treylys, rag ty yw an Arloedh ow Duw.

Yeremia 46:14

Diskleryewgh yn Ejyp, ha gwarnya yn Migdol; gwarnyewgh yn Nof hag yn Tahpanhes; leverewgh, ‘Kemmer dha savla, ha bydh parys, rag an kledha a dhevor an re a-dro dhis.’

Yeremia 5:3

A Arloedh, a nyns yw dha lagas war an gwirder? ty re's gweskis mes ny wodhevons payn; ty re's diswrug, mes i re naghas degemmeres dyskybleth: i re wrug aga fasow kalessa ages karrek; i re naghas dehweles.

Yeremia 7:28

Ty a lever dhedha, Homm yw an genedhel na veu gostydh dhe lev an Arloedh aga Duw, na ny dhegemmeras dyskybleth; gwirder res eth dhe goll, ha treghys yw a-dhiworth aga ganow.

Kynvannow 4:13

Y feu rag pegh hy frofoesi, drefenn kammwriansow hy oferysi hag a skoell goes an dus wiryon a-berth ynni.

Ezekiel 22:24

Mab den, lavar dhedhi, Ty yw dor ma na goedhas glaw warnodho, na kowasow y'n jydh a sorrvann.

Ezekiel 24:13

Y'th avlander yma fornikasyon. Drefenn my dhe assaya dha lanhe, mes ny vynnsys bos glanhes, ny vydhydh glanhes arta dhiworth dha avlander bys pan rov powes dhe'm sorr er dha bynn.

Daniel 9:13

Dell veu skrifys yn lagha Moyses, yma koedhys oll an droglamm ma warnan; mes ny dhiserrsyn tremmynn an Arloedh agan Duw, ow treylya dhiworth agan kammweyth hag ow konvedhes dha wiryonedh.

Sefania 3:2

Ny obayas hi lev vytholl; ny dhegemmeras dyskybleth; ny drestyas y'n Arloedh; ny nesas dh'y Duw.

Matthew 23:29

‘Go-hwi, skribys ha Fariseow, falswesyon, rag hwi a dhrehav bedhow an brofoesi ha tekhe meyn kov an re wiryon,

Oberow 7:52

Py re a'n brofoesi ny veu helghys gans agas tasow? Hag i a ladhas an re a dharganas an Den Gwiryon dhe dhos, hag anodho ev hwi lemmyn res eth ha bos traytours ha moldroryon,

1 Thessalonianys 2:15

a wrug ladha an Arloedh Yesu Krist ha'n brofoesi, ha'gan helghya yn-mes heb plegya dhe Dhuw, hag owth arvedh pub den oll,

Diskwedhyans 16:9

Ha tus a veu leskys dre doemmder bras, hag i a vlasfemyas hanow Duw neb a'n jeves galloes war an plaow ma, ha ny gemmersons edrek dhe ri gordhyans dhodho.