Yeremia 2:28 - An Bibel Kernewek 20234 (Kernewek Kemmyn)

²⁸ Mes ple'ma dha dhuwow a wrussys dhe'th honan? Gas dhedha sevel, mar kyllons dha selwel yn termyn dha ahwer: rag war-lergh niver dha sitys yw dha dhuwow, A Yuda.

Yeremia 2:28 ပူးပေါင်းရင်းမြစ်များ

2 Myghternedh 3:13

Elisha a leveris dhe vyghtern Ysrael, ‘Pyth eus yntredhon ni? Ke dhe brofoesi dha das ha dhe brofoesi dha vamm.’ Mes myghtern Ysrael a leveris dhodho, ‘Na, rag y feu an Arloedh neb a elwis an tri myghtern ma dh'aga delivra yn leuv Moab.’

Ysay 45:20

Omguntellewgh ha dewgh, dewgh nes war-barth, hwi fowesigyon a'n kenedhlow! Ny's teves godhvos vyth, an re a dheg aga imajys a brenn, hag i a bys dhe dhuw na'n jeves selwel.

Ysay 46:2

I a warrgromm, i a ombleg war-barth. Ny yllons sawya an begh, mes i aga honan a yn kethneth.

Ysay 46:7

I a'n drehav war aga diwskoedh, i a'n gorr yn y le, hag ev a sev ena; ny yll ev gwaya dhiworth y dyller. Mar kri nebonan dhodho, ny worthyp, na ny wra y sawya a alar.

Ysay 57:13

Pan griydh rag gweres, gwres dha guntellow a idolys dha sawya! An gwyns a's dheg i oll dhe-ves, hag anall a's hwyth dhe-ves. Mes neb a hwila skovva ynnov vy a bew an tir, hag erita ow menydh sans.

Yeremia 1:16

Ha my a lever ow breusow er aga fynn drefenn aga sherewynsi; rag i re'm eskasas, ha re loskas offrynnow dhe dhuwow erell, ha gordhya oberow aga diwla aga honan.

Yeremia 11:12

Ena sitys Yuda hag annedhysi Yerusalem a wra mos, ha kria war an duwow may sakrifions dhedha: mes ny's sawyons vytholl yn termyn aga foenvos.

Yeremia 11:13

Rag dha dhuwow re dheuth ha bos kemmys ha'th sitys, A Yuda; ha kemmys ha stretow Yerusalem yw an alteryow re dhrehevsowgh dhe'n imaj methus, alteryow rag leski offrynnow dhe Baal.

Yeremia 30:7

Eghan! rag meur yw an jydh na, ma nag eus onan haval dhodho: termyn ahwer yw rag Yakob; mes ev a vydh sawys anodho.

Yeremia 37:19

Ple'ma agas profoesi a brofoesas dhis, ow leverel, “Ny dheu myghtern Babylon er agas pynn hag erbynn an tir ma”?

Hosea 10:1

Ysrael yw gwinbrenn lies-skorrek, a dheg frut pals. Dhe voy y frut, dhe voy y kressyas an alteryow; dhe voy dader y dir, dhe voy y hwrussons peulveyn teg.

Habakkuk 2:18

Py les eus dhe imaj gravys pan y'n gravyas y furvyer – imaj teudh ha dyskador gowyow? An furvyer a drest y wrians y honan, ow kul idolys avlavar!

Habakkuk 2:19

Go-ev neb a lever dhe brenn, ‘Difun’, dhe ven avlavar, ‘Yn-sol!’ Dyskador ywa? Otta, gorlownys yw gans owr hag arghans, mes nyns eus spyrys vyth a-berth ynno.

Dewteronomi 32:37

Ena y lever, Ple'ma aga duwow, an garrek may hwilsons skovva ynni,

Breusysi 10:14

Kewgh ha kriewgh dhe'n duwow re dhewissowgh; gwrens i agas delivra yn termyn agas ahwer.’