Yeremia 2:27 - An Bibel Kernewek 20234 (Kernewek Kemmyn)

²⁷ neb a leverel dhe wydhenn, ‘Ty yw ow thas’; ha dhe ven, ‘Ty a'm dineythis.’ Rag i re dreylyas aga heyn dhymm, a-der aga fas: mes yn termyn aga ahwer i a lever, ‘Sev, ha saw ni.’

Yeremia 2:27 ပူးပေါင်းရင်းမြစ်များ

2 Kroniklys 29:6

Rag agan tasow re beu dislel hag i a wrug an pyth o drog yn golok an Arloedh. I a'n forsakyas, hag a dreylyas aga fas dhiworth trigva an Arloedh, ha treylya aga heyn.

Ysay 26:16

A Arloedh, yn ahwer i a'th hwilas; i a dhiveris pysadow pan veu dha hessydhyans warnedha.

Yeremia 10:8

Mes i yw ha gokki ha foll; dyskans idolys a brenn yw euveredh.

Yeremia 18:17

Avel gwyns an duryen my a's tewl a-les a-rag an eskar; my a dhiskwedh dhedha ow heyn, yn le ow fas, yn dydh aga therroes.

Yeremia 2:24

kasek-asen gwyls usys dhe'n gwylvos, ow frikhwytha an gwyns yn hy flesour: pan yw hi leusik, piw a's fronn? Ny omskwith myns a's hwila; yn hy mis i a's kyv.

Yeremia 22:23

A annedhyades Lebanon neythys y'n kederwydh, assa wre'ta kyni pan dheu gloesow warnas, poen avel gwreg yn gwelivos!

Yeremia 3:9

Hag y hwarva drefenn skavder hy horyans, hi dhe dhefola an tir, ha gul avoutri gans men ha gans prenn.

Yeremia 30:7

Eghan! rag meur yw an jydh na, ma nag eus onan haval dhodho: termyn ahwer yw rag Yakob; mes ev a vydh sawys anodho.

Yeremia 32:33

I re dreylyas dhymm aga heyn, a-der aga fasow; kyn y's dyskis heb lett, hwath ny woslowsons dhe gemmeres dyskybleth.

Yeremia 37:3

Ha Sedekia an myghtern a dhannvonas Yehukal mab Shelemia ha'n oferyas Sefania mab Maaseya dhe'n profoes Yeremia ow leverel, ‘Gwra pysi ragon dhe'n Arloedh agan Duw.’

Yeremia 42:2

ha leverel dhe Yeremia an profoes, ‘Gas, ni a'th pys, agan pledyans dhe vos degemmerys a-ragos, ha pys dhe'n Arloedh a'gan govis, rag oll an remenant ma (rag ni yw gesys marnas boghes a'n lies, dell wel dha dhewlagas)

Ezekiel 23:35

Rakhenna yndellma y lever an Arloedh Duw: Rag ty dhe'm ankevi ha'm tewlel a-dryv dha geyn, porth siwyansow dha avlander ha'th fornikasyon.

Ezekiel 8:16

Ena ev a'm dros dhe'n klos a-bervedh a ji an Arloedh; hag otta, orth daras tempel an Arloedh, ynter an yet ha'n alter, yth esa a-dro dhe bymp gour warn ugens, gans aga heynow troha tempel an Arloedh ha'ga fasow troha'n est, owth omblegya dhe'n howl y'n est.

Daniel 9:7

‘Dhiso jy, A Arloedh, yma ewnder, mes dhyn ni yma meth a'n fas, dell eus y'n jydh hedhyw, dhe dus Yuda, dhe annedhysi Yerusalem, ha dhe Ysrael oll, an re ogas ha'n re bell, yn keniver pow may mons fesys genes, drefenn an trayson re wrussons er dha bynn.

Hosea 4:12

Ow fobel a wovynn kusul a'ga frenn, ha'n gwelenn a's gorthyp. An spyrys a horyans a wra dhedha mos yn stray, hag i a wra horyans a-dhiworth aga Duw.

Hosea 5:15

My a wra mos ha dehweles dhe'm tyller, bys mayth aswonnons aga offens, ha hwilas ow fas; yn aga ahwer i a'm hwila dihwans.

Hosea 7:14

Ny garmsons dhymm yn aga holonn, hag i ow kyni war aga gweli. I a omhakkyas rag greun ha gwin nowydh, ha kildenna a-dhiworthiv vy.