Yeremia 2:21 - An Bibel Kernewek 20234 (Kernewek Kemmyn)

²¹ My a'th plansas avel gwinbrenn bryntin, yn tien a hasenn bur: fatell osta ytho treylys dhymm yn plans legrys, gwinbrenn estren?

Yeremia 2:21 ပူးပေါင်းရင်းမြစ်များ

Jenesis 18:19

Rag my re'n dewisas, may hwrella worhemmynna dh'y fleghes ha'y vayni war y lergh, hag i a wra gwitha fordh an Arloedh, dhe wul ewnder ha gwirvreus, may trollo an Arloedh war Abraham an pyth re leveris dhodho.’

Jenesis 32:28

Hag yn-medh ev, ‘Ny vydh dha hanow gelwys Yakob namoy mes Ysrael, rag ty re strivyas gans Duw ha gans mab-den ha fetha.’

Salmow 105:6

A has Abraham y was, hwi vebyon Yakob a dhewisas.

Salmow 44:2

Gans dha leuv ty a fesyas an kenedhlow, mes ty a's plansas yn aga le; ty a dhistruis an poblow, mes gul dhedha triga yn aga le.

Salmow 80:8

Ty a dhros gwinbrenn yn-mes a Ejyp; ty a dewlis dhe-ves an kenedhlow, ha'y blansa ev.

Salmow 80:9

Ty a bareusis an dor ragdho, hag ev a wreydhyas yn town ha lenwel an tir.

Eksodus 15:17

Ty a wra aga dri a-ji, ha'ga flansa war venydh dha ertach, an tyller, A Arloedh, re wrussys rag dha drigva, an sentri, A Arloedh, re fastyas dha dhiwleuv.

Ysay 1:21

Assa wrug an sita len dos ha bos hora! Hi neb a veu leun a wirvreus, ewnder a ostya ynni, mes lemmyn denledhysi.

Ysay 27:2

Y'n jydh na: Gwinlann desiradow, kenewgh a-dro dhedhi.

Ysay 41:8

Mes ty, Ysrael, ow gwas, Yakob, neb re dhewisis, askorr Abraham, ow howeth;

Ysay 5:4

Pandr'a allsen gul moy rag ow gwinlann na wrug vy rygdhi? Pan waytis hi dhe wul grappys, prag y hwrug grappys trenk?

Ysay 60:21

Oll dha bobel a vydh gwiryon hag i a erit an tir bys vykken. I yw skyllenn a blensis, ober ow diwla, dhe dhiskwedhes ow glori.

Ysay 61:3

dhe brovia rag an re a gyn yn Sion ha dhe ri dhedha tulyfant teg yn le lusu, oyl lowena yn le kynvann, ha mantell gormola yn le spyrys digolonnek; may fons gelwys derow gwiryonedh, plansva an Arloedh, may fo y glori diskwedhys.

Yeremia 11:16

An Arloedh a elwis dha hanow ‘Olewbrenn glas, teg gans frut da’; mes gans tros annawel veur ev a worr tan ynni, ha'y skorr a vydh diles.

Yeremia 11:17

Rag Arloedh an luyow, neb a'th plansas, re gewsis drogedh er dha bynn, rag an drogedh a wrug chi Ysrael ha chi Yuda, orth ow brovokya dhe sorr dre leski offrynnow dhe Baal.

Yeremia 5:10

Kewgh yn-bann dre rewyow hy gwinbrennyer, ha distrui; mes na wra diwedh leun: tennewgh dhe-ves hy barrennow: rag nyns yns i dhe'n Arloedh.

Kynvannow 4:1

Ass yw an owr tewlhes, ass yw treylys an owr pur! Meyn an sentri yw skattrys orth penn pub stret.

Ezekiel 15:2

Mab den, fatell yw prenn an gwinbrenn bythwell ages pub prenn arall, skorrenn an gwinbrenn usi yn mysk gwydh an goeswik?

Matthew 21:33

‘Klewewgh parabolenn arall. Yth esa unn den, perghennek tir, neb a blansas gwinlann ha gorra ke a-dro dhedhi ha palas gwinwask ynni, ha drehevel tour, ha'y settya dhe diogyon, hag ena vyajya yn-kerdh.

Mark 12:1

Hag ev a dhallathas kewsel orta dre barabolennow: ‘Unn den a blansas gwinlann, ha gorra ke a-dro dhedhi, ha palas pytt dhe'n winwask ha drehevel tour, ha'y settya dhe diogyon, hag ena vyajya yn-kerdh.

Luk 20:9

Hag ev a dhallathas derivas an barabolenn ma dhe'n bobel: ‘Unn den a blansas gwinlann ha'y settya dhe diogyon, hag ena vyajya yn-kerdh, termyn hir.

Yowann 15:1

‘My yw an gwir winbrenn ha'm Tas yw an tiek.

Dewteronomi 32:32

Aga gwinbrenn yw dhiworth gwinbrenn Sodom, ha dhiworth gwinlannow Gomorra. Aga grappys yw grappys gwenon, yma dhedha bagasow a rappys hwerow.

Dewteronomi 4:37

Drefenn ev dhe gara dha dasow, ev a dhewisas aga has war aga lergh, hag ev y honan a'th tros mes a Ejyp ha der y alloes bras,

Yoshua 24:31

Ysrael a servyas an Arloedh oll dydhyow Yoshua, hag oll dydhyow an henavogyon a vewas pella es Yoshua ha re wodhva oll an ober a wrug an Arloedh rag Ysrael.