Yeremia 2:20 - An Bibel Kernewek 20234 (Kernewek Kemmyn)

²⁰ Rag nans yw pell ty a dorras dha yew, ha tardha dha rawyow; ha ty a leveris, ‘Ny wrav vy servya’; rag war bub bre ughel hag yn-dann bub gwydhenn las ty a wandras, owth horya.

Yeremia 2:20 ပူးပေါင်းရင်းမြစ်များ

1 Myghternedh 12:32

Yeroboam a fondyas goel y'n pymthegves dydh a'n ethves mis kepar ha'n goel yn Yuda, hag ev a offrynnas sakrifisow war an alter; yndella ev a wrug ynwedh yn Bethel, ow sakrifia dhe'n leughi re wrussa. Hag ev a worras yn Bethel oferysi an tylleryow ughel re wrussa.

1 Myghternedh 14:23

Rag i a dhrehevis dh'aga honan ynwedh tylleryow ughel, peulveyn hag Asherim war bub bre ughel hag yn-dann bub gwydhenn las;

Salmow 107:14

Ev a's dros yn-mes a dewolgow ha skeus ankow, hag a dorras aga holmow dhe demmyn.

Salmow 2:3

‘Terryn ni aga rawyow dhe demmyn, ha tewlel aga herdyn dhiworthyn.’

Salmow 78:58

Rag i a'n sorras gans aga thylleryow ughel, hag a wrug dh'y avi sevel der aga imajys gravys.

Eksodus 19:8

Hag oll an bobel a worthybis war-barth ow leverel, ‘Oll re gewsis an Arloedh ni a'n gwra.’ Ha Moyses a dherivas geryow an bobel dhe'n Arloedh.

Eksodus 24:3

Moyses a dheuth ha leverel dhe'n bobel geryow oll an Arloedh hag oll an ordenansow; ha'n bobel oll a worthybis gans unn lev, ha leverel, ‘Oll an geryow re gewsis an Arloedh, ni a's gwra.’

Eksodus 3:8

ha my re dhiyskynnas dh'aga livra yn-mes a leuv an Ejyptianys ha dh'aga dri a'n tir na dhe dir mas ha ledan, dhe dir a dhinwa leth ha mel, dhe dyller an Kananysi, an Hittysi, an Amorysi, an Perizzysi, an Hivysi ha'n Yebusysi.

Ysay 1:21

Assa wrug an sita len dos ha bos hora! Hi neb a veu leun a wirvreus, ewnder a ostya ynni, mes lemmyn denledhysi.

Ysay 10:27

Y'n jydh na y vegh a vydh drehevys a-dhiwar dha skoedh, ha'y yew a-dhiwar dha gonna. Ev res eth yn-bann dhiworth Rimmon,

Ysay 14:25

dhe derri Assyria y'm tir, ha'y drettya yn-dann dreys war ow menydhyow; Y yew a vydh kemmerys dhiwarnedha, ha'y vegh a vydh kemmerys a-dhiwar aga skoedh.

Ysay 9:4

Rag ty re dorras yew y vegh, ha lorgh y dhiwskoedh, an welenn a wre y gonstryna, kepar hag yn dydh Midyan.

Yeremia 13:27

My re welas dha avoutri, ha'th kryghias, avlander dha horyans, dha daklow kasadow war an breow y'n gwel. Go-jy, A Yerusalem! Pes termyn kyns dha vos glan?

Yeremia 17:2

rag bos aga mebyon ow perthi kov a'ga alteryow ha'ga Asherim ryb an gwydh glas war an breow ughel,

Yeremia 2:31

A henedh, gwelewgh ger an Arloedh. A veuv gwylvos dhe Ysrael, po tir a dewlder? Ytho prag y lever ow fobel, ‘Ni yw rydh dhe wandra; ny dheun dhis namoy’?

Yeremia 3:13

Mes unnweyth aswonn dha dhrogober, may treuspassys erbynn an Arloedh dha Dhuw, ha may resys dha honan yn hel dhe estrenyon yn-dann bub gwydhenn las, ha ny woslewsowgh orth ow lev, yn-medh an Arloedh.

Yeremia 30:8

Rag y'n jydh na, yn-medh Arloedh an luyow, my a derr an yew a'th konna, ha my a dardh dha rawyow, ha ny wra estrenyon aga gul yn kethyon namoy.

Yeremia 5:5

My a wra mos dhe'n dus veur, ha kewsel orta; rag i re wodhva fordh an Arloedh, ha breus aga Duw.’ Mes i keffrys re dorras an yew, ha terri an rawyow.

Ezekiel 16:28

Ty a wrug fornikasyon gans mebyon Assyria ynwedh, rag ty dhe vos heb dha walgha; ty a wrug fornikasyon gansa ha hwath ny veus gwalghys.

Ezekiel 16:31

ow trehevel dha wrowedhva orth penn pub fordh, hag ow kul dha dyller ughel yn pub plen. Mes ny veus avel hora, rag ty a skonyas gober.

Ezekiel 16:41

I a lesk dha jiow gans tan, ha gul breusow er dha bynn a-wel dhe lies benyn. My a worr diwedh dhe'th fornikasyon, hag ynwedh ny redh gober arta.

Ezekiel 20:28

My a's dros dhe'n tiredh may trehevis vy ow leuv ragdho, ow ti dh'y ri dhedha; mes peskweyth may hwelsons menydh ughel pynag po gwydhenn dhelyek pynag, i a wrug aga sakrifisow ena, ha ri ena rohow dhe'm provokya dhe sorr, hag offrynna ena aga sawer plegadow, ha diveri ena aga offrynn diwes.

Ezekiel 23:5

Ohola o hora pan o hi dhymm, ha hi a hwansa hy herysi assyriek – kasoryon,

Hosea 1:2

Hemm yw dalleth ger an Arloedh dhe Hosea. An Arloedh a leveris dhe Hosea, ‘Ke, kemmer dhis dha honan gwreg a fornikasyon ha fleghes a fornikasyon, a-ban wrug an tir fornikasyon meur, ow tiberth dhiworth an Arloedh.’

Hosea 2:5

Aga mamm a wrug avoutri, hi neb a's omdhuk re oberis yn tivlas: rag hi a leveris, ‘My a hol ow haroryon, neb a re dhymm ow bara ha'm dowr, ow gwlan ha'm lin, ow oyl ha'm diwes.’

Hosea 3:3

Ena my a leveris dhedhi, ‘Meur a dhydhyow ty a wra triga genev; ny vydhydh hora, na bos gans gour, hag ynwedh my yw dhis.’

Hosea 4:13

War benn an menydhyow y sakrifions, ha war an bronnow y leskons offrynnow, yn-dann dherwenn, hag edhlenn wynn, ha terebinthenn, drefenn bos da aga skeus. Ytho agas myrghes a wra fornikasyon, ha'gas gohydhow a wra avoutri.

Hosea 9:1

Na lowenha, Ysrael, na heudh kepar ha'n kenedhlow, rag ty re beu dislen dhe'th Tuw; ty a garas gober hora war bub leur-drushya.

Levitikus 26:13

My yw an Arloedh agas Duw, a'gas dros yn-mes a bow Ejyp, ma na vewgh hwi aga hethyon; ha my re droghas barrys agas yew ha gul dhywgh kerdhes a'gas sav.

Nahum 1:13

Ha lemmyn my a dregh dhe-ves y yew dhiworthis, ha terri dhe-ves dha rawyow.

Dewteronomi 12:2

Distruewgh glan oll an tylleryow may hwrug an kenedhlow esowgh ow kemmeres aga eretons servya aga duwow ena, war an menydhyow ha war an brennow hag yn-dann bub gwydhenn las.

Dewteronomi 15:15

Kovha y feus keth yn pow Ejyp, ha'n Arloedh dha Dhuw a'th tasprenas. Rakhenna yth esov ow korhemmynna dhis an dra ma hedhyw.

Dewteronomi 26:17

Re dhisklersys hedhyw an Arloedh dhe vos dha Dhuw, ha ty dhe gerdhes yn y fordhow, ha gwitha y ordenansow ha'y worhemmynnow ha'y vreusow, ha goslowes orth y lev.

Dewteronomi 4:20

An Arloedh a'gas kemmeras ha'gas dros yn-mes a'n fornes-horn, yn-mes a Ejyp, dhe vos dhodho pobel y eretons, kepar hag y'n jydh hedhyw.

Dewteronomi 4:34

Po a assayas neb duw dhe dhos ha kemmeres dhodho kenedhel dhiworth kenedhel arall dre brovow, der toknys, ha der anethow, ha dre vresel, dre leuv grev ha bregh ystynnys, der euth bras kepar ha pup-tra a wrug dhywgh an Arloedh agas Duw yn Ejyp a-wel dhis?

Dewteronomi 5:27

Ty ke nes, ha klew oll a lever an Arloedh agan Duw, ha ty a lever dhyn pup-tra a gews an Arloedh agan Duw dhis, ha ni a'n klew ha'y wul.’

Yoshua 1:16

I a worthybis dhe Yoshua, ow leverel: ‘Pup-tra a worhemmynnsys dhyn, ni a'n gwra, hag yth en ni plepynag y'gan dannvenydh.

Yoshua 24:24

Yn-medh an bobel dhe Yoshua, ‘An Arloedh agan Duw a servyn, ha ni a woslow orth y lev.’

Yoshua 24:26

Ha Yoshua a skrifas an geryow ma yn lyver lagha Duw. Ena ev a gemmeras men bras ha'y settya yn-bann yn-dann an dherwenn yn sentri an Arloedh.

Diskwedhyans 17:1

Hag onan a'n seyth el gans an seyth fiol a dheuth dhe gewsel orthiv, ow leverel, ‘Deus, my a vynn diskwedhes dhis breus an hora veur yw esedhys war lies dowr,

Breusysi 10:6

Mebyon Ysrael a wrug arta an pyth o drog yn golok an Arloedh, ow kordhya an Baalim ha'n Ashtaroth, duwow Aram, duwow Sidon, duwow Moab, duwow an Ammonysi, ha duwow an Filistysi. Yndella i a asas an Arloedh, ha ny'n gordhyens.

Breusysi 2:11

Ena mebyon Ysrael a wrug drogober yn golok an Arloedh hag a servyas an Baalim.

Breusysi 2:13

I a forsakyas an Arloedh, hag a servyas an Baalim ha'n Ashtaroth.

1 Samuel 12:10

Ena i a armas dhe'n Arloedh, ha leverel, “Ni re beghas, drefenn ni dhe forsakya an Arloedh, ha servya an Baalim ha'n Ashtaroth; mes lemmyn delirv ni yn-mes a dhorn agan eskerens, ha ni a'th serv.”