Yeremia 2:19 - An Bibel Kernewek 20234 (Kernewek Kemmyn)

¹⁹ Dha dhrogedh dha honan a'th keredh, ha'th weythresow dislel a'th chasti: godhvydh ytho ha gweles y vos drog ha hwerow, ty dhe eskasa an Arloedh dha Dhuw, ha ma nag eus ow own ynnos, yn-medh an Arloedh, Duw an luyow.

Yeremia 2:19 ပူးပေါင်းရင်းမြစ်များ

1 Myghternedh 18:18

Ev a worthybis, ‘Ny droblis Ysrael; mes ty ha chi dha das a'n gwrug, drefenn hwi dhe eskasa gorhemmynnow an Arloedh ha holya an Baalim.

2 Kroniklys 12:5

Ena an profoes Shemaia a dheuth dhe Rehoboam ha dhe bennsevigyon Yuda, o kuntellys yn Yerusalem drefenn Shishak, hag a leveris dhodho, ‘Yndellma y lever an Arloedh: Hwi a'm forsakyas, ytho my re'gas forsakyas dhe leuv Shishak.’

2 Kroniklys 21:10

Yndella Edom re beu yn rebellyans erbynn Yuda bys y'n jydh hedhyw. Y'n prys na Libna a sevis ynwedh erbynn y rewl, drefenn ev dhe forsakya an Arloedh, Duw y dasow.

2 Kroniklys 25:16

Mes hag ev ow kewsel an myghtern a leveris dhodho, ‘A'th wrussyn kusulyador ryel? Hedh! Prag y tegoedh ty dhe vos ledhys?’ An profoes a hedhis, mes y leveris, ‘My a woer Duw dhe ervira dha dhistrui, drefenn ty dhe wul hemma ha drefenn na woslewsys orth ow husul.’

Salmow 36:1

Kammweythres a gews dhe'n tebelwas a-bervedh yn y golonn nyns eus own Duw a-dherag y dhewlagas.

Eksodus 33:6

Ytho mebyon Ysrael a stryppyas dhe-ves aga thegennow, a venydh Horeb ha war-rag.

Lavarow Koth 1:31

ytho i a dheber froeth a'ga hyns, ha bos lenwys a'ga thowlow aga honan.

Lavarow Koth 1:32

Rag an re sempel yw ledhys gans aga dislelder, hag omfydhyans an fellyon a's distru;

Lavarow Koth 5:22

An tebelwas yw maglennys gans y gammweythresow y honan, hag ev a vydh synsys fast yn kerdyn y begh.

Ysay 3:9

Semlans aga fas a worthyp er aga fynn ha disklerya aga fegh avel Sodom; ny's kudhons. Go-i aga enevow! rag i re dhros drog warnedha aga honan.

Ysay 5:5

Lemmyn my a dheriv dhywgh an pyth a wrav rag ow gwinlann: my a gemmer dhe-ves an ke ha hi a vydh peurva; my a wra aswa yn hy fos ha hi a vydh tir trettys.

Ysay 50:1

Yndellma y lever an Arloedh: Ple'ma testenn torrva demmedhyans dha vamm, gensi ma's gorris dhe-ves? Po py a'm kresysoryon yw dhodho ma'th werthis vy? Otta, drefenn dha beghosow y feus gwerthys, ha rag dha dreuspassow y feu dha vamm gorrys dhe-ves.

Yeremia 1:16

Ha my a lever ow breusow er aga fynn drefenn aga sherewynsi; rag i re'm eskasas, ha re loskas offrynnow dhe dhuwow erell, ha gordhya oberow aga diwla aga honan.

Yeremia 13:22

Ha mar leverydh y'th kolonn, ‘Prag y teu an traow ma warnav?’ Rag meurder dha gammhynseth yw diskudhys dha lostennow, ha dha seudhelyow noeth.

Yeremia 2:17

A ny wrussys dri hemma warnas dha honan, rag ty dhe eskasa an Arloedh dha Dhuw, pan esa orth dha hembronk y'n fordh?

Yeremia 3:22

Dehwelewgh, hwi vebyon dhislen, ha my a yaghha agas dislelder. ‘Otta, ni a dheu dhis: rag ty yw an Arloedh agan Duw.

Yeremia 4:18

Dha fordh ha'th wriansow re dhros an traow ma warnas: hemm yw dha dhrogedh, ass yw hwerow! re dhrehedhas bys y'th kolonn.’

Yeremia 5:22

A ny berthowgh own ahanav? yn-medh an Arloedh: a ny grenowgh a-ragov? My re worras an tewes avel or dhe'n mor, ordenans bys vykken, ma na yll y dremena: an tonnow a sev yn trosek, mes ny's teves an galloes; kyn tarennons, ny yllons tremena dresto.

Yeremia 5:24

Ny leverons yn aga holonn, ‘Gwren ni perthi own a'n Arloedh agan Duw, neb a re an glaw, ha'n kynsa ha'n diwettha, yn y dermyn: ev a with ragon seythunyow ordenys an drevas.’

Yeremia 5:6

Rakhenna lew yn-mes a'n goeswik a's ladh, ha bleydh a'n gwylvos a's diswra, lewpard a wra goelyas war aga sitys: pubonan neb a wra mos yn-mes alena a vydh skwardys dhe demmyn: drefenn aga threuspassow yw lies, ha'ga hildroyow yw moghhes.

Yeremia 7:19

Yw my neb a brovoksons dhe sorr? yn-medh an Arloedh: a nyns yw i aga honan, dh'aga meth aga honan?

Yeremia 8:5

Ytho prag y hwrug an bobel ma, Yerusalem, treylya yn kildennans pup-prys? I a syns fast dhe doell, i a nagh dehweles.

Ezekiel 23:30

My a dhre an taklow ma warnas drefenn dha fornikasyon war-lergh an kenedhlow, hag omdhefola gans aga idolys.

Ezekiel 39:24

My a's dyghtyas herwydh aga avlander ha herwydh aga hammweythresow, ha my a gudhas ow fas dhiworta.

Hosea 11:7

Ow fobel yw ervirys dhe dreylya ahanav vy. I a elow war-vann, mes ny wra ev aga ughelhe.

Hosea 13:9

A Ysrael, my a'th tistru: piw a vydh dha wereser?

Hosea 14:1

Dehwel, Ysrael, dhe'n Arloedh dha Dhuw; rag ty re drebuchyas yn dha gammhynseth.

Hosea 4:16

Ytho Ysrael yw gorth avel lejek penn-kales. Lemmyn an Arloedh a's bugel avel oen yn pras efan.

Hosea 5:5

Goeth Ysrael a dhest er y bynn; Ysrael hag Efraym a drebuch yn aga hammhynseth; Yuda ynwedh a drebuch gansa.

Hosea 7:2

Ny brederons yn aga holonn my dhe govhe oll aga droktra. Lemmyn yma aga oberow oll a-dro dhedha; ymons dherag ow fas.

Hosea 9:1

Na lowenha, Ysrael, na heudh kepar ha'n kenedhlow, rag ty re beu dislen dhe'th Tuw; ty a garas gober hora war bub leur-drushya.

Amos 8:10

Treylya a wrav agas goelyow yn kynvann, ha'gas kanow oll yn oelva; my a worr yskar war an dhiwglun oll, ha bloghter war bub penn; my a's gwrav dhe gyni kepar dell ve war-lergh aga unn vab, ha'n gorfenn anodho a vydh kepar ha dydh hwerow.

Mika 1:5

Yth yw hemma oll drefenn treuspassow Yakob ha drefenn peghadow chi Ysrael. Pyth yw treuspass Yakob? A nyns ywa Samaria? Ha pyth yw tylleryow ughel Yuda? A nyns yns i Yerusalem?

Zekaria 7:11

Mes i a skonyas a woslowes; i a dreylyas aga skoedh yn hworth ha stoppya aga skovornow a glewes.

Romanyon 3:18

Nyns eus own a Dhuw a-rag aga dewlagas.’

Breusysi 10:13

Byttegyns hwi re'm gasas ha re servyas duwow erell, ytho ny'gas delivrav na fella.