Yeremia 2:15 - An Bibel Kernewek 20234 (Kernewek Kemmyn)

¹⁵ An lewyon yowynk a vedhyglas warnodho, hag usa: i re wastyas y dir: y sitys yw leskys, heb annedhyas.

Yeremia 2:15 ပူးပေါင်းရင်းမြစ်များ

Job 4:10

Usa an lew, lev an lew goedh, dyns an lewyon yowynk, yw terrys.

Salmow 57:4

Yma ow enev yn mysk lewyon; ha my a wrowedh yn mysk tus ow flammya gans sorr; aga dyns yw guwow ha sethow, ha'ga thaves yw kledha lymm.

Ysay 1:7

Agas tir yw ynyal, agas sitys leskys gans tan; yn agas lok estrenyon a dhevor agas tir, hag ynyal yw, kepar dell ve domhwelys gans estrenyon.

Ysay 24:1

Awotta'n Arloedh ow gwastya an norvys ha'y dhistrui, ha difasya y enep, ha skattra y drigoryon.

Ysay 5:29

Yma dhodho us kepar ha'n lew, ev a us avel lewyon yowynk; grommya a wra ha dalghenna preydh; ev a'n dre dhe-ves, ha nyns eus denvyth dh'y sawya.

Ysay 5:9

Arloedh an luyow re leveris y'm diwskovarn: Sur lies chi bras a vydh magor, chiow brav a vydh heb annedhyas.

Ysay 6:11

Ena my a leveris, ‘Pes termyn, A Arloedh?’ Hag ev a leveris, ‘Bys pan vydh sitys diswrys, heb annedhyas, ha chiow heb den, ha'n tir distruys ha difeyth;

Yeremia 10:22

Otta, son nowodhow ow tos: ha freudh meur yn-mes a dir an gogledh, dhe wul sitys Yuda ynyal, ha fow owrgeun.

Yeremia 25:30

Ty, ytho, profoes er aga fynn oll an geryow ma, ha leverel dhedha: An Arloedh a us a'n ughelder, hag a'y drigva sans ev a re y lev; ev a us yn krev erbynn y annedh, ha garma, avel an re a drett an grappys, erbynn oll annedhysi an nor.

Yeremia 25:9

otta, my a dhannvon ha kemmeres oll teyluyow an gogledh, yn-medh an Arloedh, ha Nebukadnessar myghtern Babylon, ow gwas, ha my a's dre erbynn an tir ma hag erbynn y annedhysi, hag erbynn oll an kenedhlow ma usi a-derdro, ha my a wra aga sakra dhe dhistruyans, ha gul dhedha bos euth, ha hwibana, ha magoryow bys vykken.

Yeremia 26:9

Prag y profoessys yn hanow an Arloedh, ow leverel, “An chi ma a vydh avel Shilo, ha'n sita ma a vydh ynyal, heb annedhyas”?’ Hag oll an bobel a omguntellas a-dro dhe Yeremia yn chi an Arloedh.

Yeremia 33:10

Yndellma y lever an Arloedh: Y'n tyller ma may leverowgh, ‘Ynyal yw heb den na best’, yn sitys Yuda hag yn stretow Yerusalem hag yw ynyal, heb den, ha heb annedhyas, ha heb best, y fydh klewys unnweyth arta

Yeremia 34:22

Otta, my a worhemmynn, yn-medh an Arloedh, ha gul dhedha dehweles dhe'n sita ma; hag i a omladh er hy fynn, ha'y leski gans tan. Trevow Yuda my a wra ynyal heb annedhyas.

Yeremia 4:7

An lew yw devedhys yn-bann a-dhiworth y brysk, hag yma distruer an kenedhlow war y fordh: ev yw gyllys yn-rag a-dhiworth y dyller dhe wul dha dir ynyal; ha dha sitys a vydh gwastys, heb annedhyas.

Yeremia 44:22

Ny ylli an Arloedh perthi na fella agas drog wriansow, ha'n taklow kasadow a wrussowgh; yndella agas tir a dheuth ha bos ynyal ha gwast ha molleth, heb annedhyas, kepar hag y'n jydh hedhyw.

Yeremia 5:6

Rakhenna lew yn-mes a'n goeswik a's ladh, ha bleydh a'n gwylvos a's diswra, lewpard a wra goelyas war aga sitys: pubonan neb a wra mos yn-mes alena a vydh skwardys dhe demmyn: drefenn aga threuspassow yw lies, ha'ga hildroyow yw moghhes.

Yeremia 50:17

Ysrael yw davas skattrys; lewyon re's fesyas. Yn kynsa, myghtern Assyria a's devoryas ha lemmyn y'n diwedh, Nebukadnessar myghtern Babylon re gnias hy eskern.

Yeremia 51:38

Avel lewyon yowynk i a us war-barth; i a romm avel kelyn lewyon.

Yeremia 6:8

Bedhes dyskys, A Yerusalem, ma na dreyllyo ow enev divlasys ahanas; ma na'th wrav ynyal, tir anannedhys.

Yeremia 9:10

Rag an menydhyow my a dhalleth oela ha kyni, ha rag peurvaow an gwylvos y hwrav kynvann, rag leskys yns, ma na yll nagonan tremena; na ny yll tus klewes son an gwarthek; hag ydhyn an nev ha'n bestes re fias; gyllys yns.

Yeremia 9:11

Ha my a wra dhe Yerusalem bos kalsow meyn, ha fow owrgeun; ha my a wra dhe sitys Yuda bos ynyal, heb annedhyas.

Ezekiel 36:3

rakhenna, profoes ha lavar, Yndellma y lever an Arloedh Duw: Drefenn i dh'agas gul ynyal ha'gas helghya a bub tu, rag may fowgh eretons dhe remenant an kenedhlow, ha hwi re beu skornys gans tavosow, ha despitys gans an bobel;

Ezekiel 5:14

Ha my a'th wrav dhe vos tyller a vagoryow ha skorn yn mysk an kenedhlow usi a-dro dhis, yn golok oll an dremenysi

Hosea 11:10

I a gerdh war-lergh an Arloedh; Ev a wra usa avel lew. Pan wra ev usa, fleghes an howlsedhes a gren.

Hosea 5:14

My a vydh avel lew dhe Efraym, hag avel lew yowynk dhe ji Yuda. My, my a wra skwardya ha mones; my a wra kemmeres, ha nagonan ny dhelirv.

Amos 3:12

Yndellma y lever an Arloedh: Dell dhelirv an bugel mes a anow an lew diw arr po tamm skovarn, yn kettella delivrys vydh mebyon Ysrael eus trigys yn Samaria, gans tamm a weli ha gans gweli-dydh a dhamask.

Amos 3:4

A wra lew usa y'n koes, pan nag eus preydh vyth ganso? A wra lew yowynk kria dhiworth y fow mar ny gemmeras ev travyth?

Amos 3:8

An lew re usas: piw ny'n jevydh own? An Arloedh Duw re gewsis: piw ny brofoes?

Nahum 2:11

Ple'ma fow an lewyon, ha tyller dybri an lewyon yowynk, le may hwre an lew, an lewes, kerdhes, ha'n lewik, heb denvyth dhe worra own ynna?

Sefania 1:18

Naneyl aga arghans na'ga owr a yll aga delivra yn dydh sorr an Arloedh; ha gans tan y avi an norvys oll a vydh devorys: rag ev a wra diwedh leun, yn sur neppyth euthyk, a beub eus trigys y'n norvys.

Sefania 2:5

Go-i trigoryon an arvor, kenedhel an Kerethysi! Ger an Arloedh yw er agas pynn: A Kanan, bro an Filistysi, my a'th tistru ma na vydh triger gesys.

Sefania 3:6

My re droghas an kenedhlow yn-mes: forsakys yw aga thouryow; my a dhifeythyas aga stretow ma na dremen denvyth: distruys yw aga sitys, heb denvyth, heb annedhyas.

Zekaria 11:3

Yma son oulyans an vugeledh, a-ban veu shyndys aga splannder. Yma son bedhygla an lewyon yowynk, rag bos shyndys meuredh an Yordan.

Breusysi 14:5

Ena Samson eth yn-nans gans y das ha'y vamm dhe Timna. Pan dheuth dhe winlannow Timna distowgh lew yowynk a usas orto.