Yeremia 2:13 - An Bibel Kernewek 20234 (Kernewek Kemmyn)

¹³ rag ow fobel re wrug dew dhrogedh; i re'm eskasas, an fenten a dhowrow bew, ha treghi yn-mes dowrarghow, dowrarghow terrys na yll synsi dowr.

Yeremia 2:13 ပူးပေါင်းရင်းမြစ်များ

2 Myghternedh 22:17

drefenn i dhe'm forsakya ha leski offrynnow dhe dhuwow erell, ow provokya ow sorr gans oll oberow aga diwla; rakhenna ow honnar a vydh enowys erbynn an tyller ma, ha ny vydh difeudhys.

Salmow 36:9

Rag genes jy yma fenten bewnans; y'th wolow jy y hwelyn ni golow.

Ekklesiastes 1:14

My re welas pup-tra yw gwrys yn-dann an howl: hag otta, yth yw oll hemma euveredh ha chasya war-lergh an gwyns.

Ekklesiastes 1:2

Euveredh a euveredh, yn-medh an Pregowther, euveredh a euveredh, pup-tra yw euver.

Ekklesiastes 12:8

Euveredh a euveredh, yn-medh an Pregowther, pup-tra yw euveredh.

Ekklesiastes 2:11

Ha my a viras orth pup-tra re wrug ow diwleuv, ha'n lavur a wrug vy dhe oberi, hag otta, pup-tra yw euveredh ha chasya war-lergh an gwyns, ha nyns eus gwayn yn-dann an howl.

Ekklesiastes 2:21

Rag den a yll gul y ober gans furneth ha gans godhvos ha gans sleyghneth, byttegyns res yw dhodho ri y rann dhe dhen na oberis ragdho. Hemma ynwedh yw euveredh ha drog euthyk bras.

Ekklesiastes 2:26

Rag dhe neb yw plegadow dhodho, Duw a re furneth ha godhvos ha plesour, mes dhe'n peghador ev a re an oberenn a guntell ha bernya rychys hag ena dhe ri an keth henna dhe biwpynag a vo plegadow dhe Dhuw. Hemma ynwedh yw euveredh ha chasya war-lergh an gwyns.

Ekklesiastes 4:4

Ha my a welas oll an trobel hag oll an sleyghneth yn lavur ow tos dhiworth avi den erbynn y gentrevek. Hemma ynwedh yw euveredh ha chasya war-lergh an gwyns.

Ysay 1:3

Ojyon a woer y berghennek hag asen presep y vester, mes Ysrael ny woer, ow fobel ny gonvedh.

Ysay 1:4

Go-i, kenedhel neb a begh, pobel yw poes gans anewnder, has drogoberoryon, mebyon legrys. I re asas an Arloedh, ha fia Sans Ysrael ow treylya war-dhelergh.

Ysay 12:3

Hwi a denn dowr gans lowena dhiworth an fentynyow a selwyans.

Ysay 5:13

Rakhenna ow fobel a yn divroedh rag fowt a skians; hy gwer nobyl a verow dre dhivoetter, ha'y routh dre syghes.

Ysay 55:2

Prag y spenowgh arghans rag an pyth nag yw bara? ha'gas lavur rag an pyth na yll lenwel? Goslowewgh orthiv dour, ha dybrewgh an pyth yw da, ha'th enev a lowenha gans boes rych.

Ysay 63:8

Ev a leveris, ‘Sur ow fobel yns i, mebyon na wra falsuri’; ytho ev a dheuth ha bos Selwador dhedha

Yeremia 1:16

Ha my a lever ow breusow er aga fynn drefenn aga sherewynsi; rag i re'm eskasas, ha re loskas offrynnow dhe dhuwow erell, ha gordhya oberow aga diwla aga honan.

Yeremia 14:3

Aga ugheloryon re dhannvonas aga gwesyon rag dowr: i a dheuth dhe'n dowrarghow, ny gavons dowr; i a dhehwelis gwag aga lestri; methek ens ha konfondys, hag a gudhas aga fenn.

Yeremia 15:6

Ty re'm denaghas, yn-medh an Arloedh, ty yw gyllys war-dhelergh: ytho my a ystynn ow leuv er dha bynn, ha'th tistrui; skwith ov ow koedha yn edrek.

Yeremia 17:13

A Arloedh, govenek Ysrael, peub a'th forsak a vydh methek, ha'n re a dreyl a-dhiworthiv a vydh skrifys y'n dor, drefenn i dhe forsakya fenten an dowrow bew, an Arloedh.

Yeremia 18:14

A wra ergh Lebanon gasa karrek an gwel? Po a wra dowrow an menydhyow pell desygha, an goverow yeyn ow resek?

Yeremia 19:4

Drefenn i dhe'm forsakya, ha defola an tyller ma, ha leski offrynnow ynno dhe dhuwow erell, na aswonnsons i na aga thasow, na myghternedh Yuda, ha lenwel an tyller ma a woes tus wiryon.

Yeremia 2:11

A janjyas kenedhel hy duwow, kyn na vons duwow? Mes ow fobel re janjyas hy golewder rag an pyth nag yw dhe les.

Yeremia 2:17

A ny wrussys dri hemma warnas dha honan, rag ty dhe eskasa an Arloedh dha Dhuw, pan esa orth dha hembronk y'n fordh?

Yeremia 2:26

Dell vydh meth dhe'n ladher pan vydh kevys, yndellma y fydh meth dhe ji Ysrael: i, aga ruwyon, aga fennsevigyon, ha'ga oferysi, ha'ga frofoesi;

Yeremia 4:22

‘Rag ow fobel yw foll, ny'm aswonnsons; fleghes wokki yns, ny's teves konvedhes: konnyk yns dhe wul drogober, mes dhe wul da ny's teves skentoleth.’

Yeremia 5:26

Rag kevys yw tebeles yn mysk ow fobel : i a gontrewayt ow skolkya kepar hag edhnoryon, i a sett antell, i a dhalghenn gwer.

Yeremia 5:31

An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?

Ezekiel 14:5

rag may taskyffiv kolonnow chi Ysrael, rag i oll re dreylyas dhiworthiv der aga idolys.

Ezekiel 47:1

Ena ev a'm dros arta dhe entrans an tempel; hag otta, yth esa dowr ow resek a-dhann dreudhow an tempel troha'n est (rag yth esa an tempel ow mires troha'n est); hag yth esa an dowr ow resek a-dhann denewen soth an tempel, a'n soth dhe'n alter.

Mika 2:8

Mes hwi a sev avel eskar erbynn ow fobel; hwi a dhiwisk an vantell keffrys ha'n gwisk a'n re a dremen yn sawder kepar ha tus ow tehweles dhiworth an gas.

Mika 6:3

‘Ow fobel vy, pandr'a wrug evy orthis? Ha fatell y'th skwithis? Gorthyp dhymm!

Zekaria 13:1

Y'n jydh na y fydh fenten igerys dhe ji Davydh ha dhe drigoryon Yerusalem rag pegh ha mostedhes.

Yowann 4:10

Yesu a worthybis ha leverel dhedhi, ‘Mar kodhves ro Duw, ha piw yw neb a lever dhis, “Ro dhymm dhe eva”, ty a wrusses y bysi, hag ev a rossa dhis dowr bew.’

Yowann 4:11

Yn-medh an venyn dhodho, ‘Syrra, nyns eus genes na hwath kelorn, ha'n puth yw down; ytho a-ble kevydh an dowr bew na?

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

Yowann 7:37

Y'n jydh diwettha, dydh meur an goel, Yesu a sevis ha kria, ow leverel, ‘Den mara'n jeves syghes, des ev dhymmo vy, hag eva.

Dewteronomi 31:16

Ha'n Arloedh a leveris dhe Moyses, ‘Otta, ty a gosk gans dha dasow, ha'n bobel ma a dhrehav ha horya war-lergh duwow astranj an tir mayth ons dhi yn aga mysk. I a'm forsak ha terri ow hevambos a wrugavy gansa.

2 Peder 2:17

An re ma yw fentynyow heb dowr, ha niwlow herdhys yn-rag dre hager-awel; ha tewolgow tewlder re beu gwithys ragdha i.

Diskwedhyans 21:6

Hag ev a leveris dhymm, ‘Gwrys yw. Alfa hag Omega ov vy, an dalleth ha'n diwedh. My a re dhe neb a'n jeves syghes a fenten an dowr a vewnans heb kost.

Diskwedhyans 22:1

Hag ev a dhiskwedhas dhymm avon a dhowr bewnans, kler avel gwrys, ow tos yn-mes a dron Duw hag a'n Oen.

Diskwedhyans 22:17

Hag yn-medh an Spyrys ha'n venyn bries, ‘Deus’, ha leveres neb a glewvo, ‘Deus’, ha des neb a'n jeffo syghes; neb a vynno, kemmeres ev a'n dowr a vewnans heb kost.

Breusysi 10:13

Byttegyns hwi re'm gasas ha re servyas duwow erell, ytho ny'gas delivrav na fella.

1 Samuel 12:10

Ena i a armas dhe'n Arloedh, ha leverel, “Ni re beghas, drefenn ni dhe forsakya an Arloedh, ha servya an Baalim ha'n Ashtaroth; mes lemmyn delirv ni yn-mes a dhorn agan eskerens, ha ni a'th serv.”