Yeremia 2:12 - An Bibel Kernewek 20234 (Kernewek Kemmyn)

¹² Bedhes euth genowgh, hwi nevow, orth hemma; perthewgh own bras, bedhewgh pur dhyegrys, yn-medh an Arloedh,

Yeremia 2:12 ပူးပေါင်းရင်းမြစ်များ

Ysay 1:2

Klew a nev, ha goslow a norvys; rag an Arloedh re gewsis: My a vagas mebyon ha'ga meythrin, mes i a rebellyas er ow fynn.

Ysay 29:9

Bedhewgh dyegrys ha penndegys, omdhallhewgh ha bedhewgh dall; bedhewgh medhow, mes a-der gans gwin, trebuchyewgh, mes a-der gans korev.

Yeremia 18:13

Rakhenna yndellma y lever an Arloedh: Govynnewgh yn mysk an kenedhlow, Piw re glewas traow a'n par ma? An wyrghes Ysrael re wrug tra pur euthyk.

Yeremia 22:29

A dor, dor, dor, klew ger an Arloedh.

Yeremia 4:23

My a viras war an nor, hag, otta heb furv o, ha gwag; ha war an nevow ha ny's tevo golow.

Yeremia 6:19

Klew, A norvys: otta, my a dhre drogedh war an bobel ma, frut aga frederow, drefenn na woslowsons orth ow geryow, nag orth ow lagha, mes hy nagha.

Mika 6:2

Klewyewgh, hwi venydhyow, breus an Arloedh, ha hwi selyow krev an bys; rag an Arloedh a'n jeves ken erbynn y bobel ha strivya a wra gans Ysrael.

Matthew 27:45

Ha dhiworth an hweghves eur yth esa tewolgow war oll an nor bys y'n nawves eur.

Dewteronomi 32:1

Goslow nev, ha my a gews; klew, norvys, geryow ow ganow.