Yeremia 19:8 - An Bibel Kernewek 20234 (Kernewek Kemmyn)

⁸ Ha my a wra an sita ma euth, ha hwibana; pubonan a's tremen a'n jeves marth ha gul ges drefenn oll hy flaow.

Yeremia 19:8 ပူးပေါင်းရင်းမြစ်များ

1 Myghternedh 9:8

An chi ma a vydh bern a vagoryow; peub a'n tremen a gemmer skruth ha hwibana; hag i a lever, “Prag y hwrug an Arloedh tra a'n par ma dhe'n tir ma ha dhe'n chi ma?”

Yeremia 18:16

ow kul aga thir tra euthyk, ha ges bys vykken. Pubonan neb a dremen a vydh skruthys, hag a shak y benn.

Yeremia 25:18

Yerusalem ha sitys Yuda ha'ga myghternedh ha'ga fennsevigyon, dh'aga gul magor, ynyalder, hwibana ha molleth, dell yns hedhyw;

Yeremia 49:13

Rag my re dos re'm honan, yn-medh an Arloedh, y fydh Bosra euth ha skorn ha difeyth ha molleth; ha'y sitys oll a vydh magoryow bys vykken.

Yeremia 50:13

Drefenn sorr an Arloedh ny vydh hi annedhys, mes y fydh ynyal kowal; pubonan usi ow mos ryb Babylon a gemmer skruth ha hwibana orth oll hy flaow.

Ezekiel 27:36

Gwikoryon an poblow a hwiban orthis; ty re dheuth dhe euth tromm ha ny vydhydh nevra namoy.’

Levitikus 26:32

Ha my a wra an tir dibobel, ha'gas eskerens usi trigys ynno a vydh sowdhenys.

Mika 6:16

Ordenansow Omri yw gwithys, hag oberow oll chi Ahab, ha hwi a gerdh herwydh aga husul. Rakhenna my a'th wra avel euth, ha'y thrigoryon a vydh hwibana, ha hwi a berth mewl ow fobel!

Sefania 2:15

Hemm yw an sita heudh a vewa gans diagha, a leveris yn hy holonn, ‘Ottavy, ha nyns eus denvyth marnas my.’ Ass yw hi gyllys yn difeyth, growedhva rag bestes! Pubonan a dremen dresti a hwiban ha shakya y leuv.

Dewteronomi 28:37

Ty a vydh an acheson a euth, ha parabolenn, ha ges yn oll an poblow may hwra an Arloedh dha ledya bys di.

Dewteronomi 29:22

Ena an diwettha henedh a'gas mebyon neb a sev war agas lergh, ha'n estren a dheu dhiworth pow pell, a wel plagys an tir na ha'n disesys a wrug an Arloedh aga dri warnodho.