Yeremia 19:7 - An Bibel Kernewek 20234 (Kernewek Kemmyn)

⁷ Ha my a wra euver kusul Yuda ha Yerusalem y'n tyller ma; ha my a wra dhedha koedha gans an kledha a-rag aga eskerens, ha gans leuv an re a hwila aga bewnans; ha my a re aga horfow marow dhe vos boes rag ydhyn an nev, ha rag bestes an nor.

Yeremia 19:7 ပူးပေါင်းရင်းမြစ်များ

2 Myghternedh 21:14

My a forsak remenant ow ertach, ha'ga gorra yn leuv aga eskerens; i a wra mos ha bos preydh ha pyth ravnys gans aga eskerens oll,

Lavarow Koth 21:30

Nyns eus na furneth, na konvedhes na kusul a yll sevel erbynn an Arloedh.

Ysay 29:14

rakhenna, awotta, my a wra marthusyon arta gans an bobel ma, marthus hag aneth. Furneth aga thus fur a vydh ow mos dhe goll, ha skians aga thus dhoeth a vydh kudhys.

Ysay 8:10

Omgusulyewgh war-barth, ha'n gusul a vydh lestys; leverewgh ger, ha ny sev, rag bos Duw genen.

Yeremia 15:2

Hag y hwyrvydh, mar leverons dhis, ‘Ple'th en alemma?’ Ena ty a lever dhedha: Yndellma y lever an Arloedh: Seul yw rag mernans, dhe'n mernans; ha seul yw rag an kledha, dhe'n kledha; ha seul yw rag an divoetter, dhe'n divoetter; ha seul yw rag an gethneth, dhe'n gethneth.

Yeremia 15:9

Hi neb re dhineythis seyth a vydh ydhil: hi re dhyenas; hy howl yw sedhys pan yw hwath dydh; hi re borthas meth ha bismer; ha'n re yw gesys anedha my a dhannvon dhe'n kledha a-rag aga eskerens, yn-medh an Arloedh.

Yeremia 16:4

I a verow a glevesow marwel; ny vydh kynvann ragdha, na ny vydhons ynkleudhys; mes i a vydh avel teyl war enep an dor. Hag i a vydh distruys gans an kledha, ha gans divoetter; ha'ga horfow a vydh karyn rag ydhyn an nev ha bestes an nor.

Yeremia 18:21

Ytho ro aga fleghes dhe'n divoetter, ha'ga delivra dhe nerth an kledha; ha re wrello aga gwragedh kelli aga fleghes, ha'ga gwer bos gorrys dhe'n mernans; ha'ga gwer yowynk ledhys gans an kledha yn batel.

Yeremia 21:7

Hag a-wosa, y lever an Arloedh, my a re Sedekia myghtern Yuda, ha'y servysi, ha'n bobel, ha'n re yw hwath yn few y'n sita ma wosa an pla, an kledha ha'n divoetter, bys yn dorn Nebukadnessar myghtern Babylon, hag yn dorn aga eskerens, hag yn dorn an re a hwila aga bewnans. Ev a's gwysk gans min an kledha; ny wra eva aga sparya, na kemmeres truedh, na mersi.

Yeremia 22:19

Ev a vydh ynkleudhys gans ynkleudhyans asen, draylys yn-rag ha tewlys a-ves dhe yetow Yerusalem.

Yeremia 22:25

ha dha ri yn dorn an re a hwila dha vewnans, hag yn dorn an re a berthydh own anedha – yn dorn Nebukadnessar myghtern Babylon, hag yn dorn an Kaldeanys.

Yeremia 32:28

Ytho yndellma y lever an Arloedh: My a vynn ri an sita ma yn leuv an Kaldeanys hag yn leuv Nebukadnessar myghtern Babylon, hag ev a's kemmer.

Yeremia 34:20

my a's re yn leuv aga eskerens hag yn leuv a re a hwila aga bewnans. Aga horfow marow a vydh boes dhe ydhyn an nev hag enyvales gwyls an nor.

Yeremia 46:26

My a's liver yn leuv an re a hwila aga bewnans, dhe Nebukadnessar myghtern Babylon ha'y wesyon. A-wosa Ejyp a vydh annedhys avel y'n dydhyow koth, yn-medh an Arloedh.

Yeremia 7:33

Korfow an bobel ma a vydh karyn dhe ydhyn an nev, ha rag bestes an nor; ha ny wra nagonan dh'aga chasya dhe-ves.

Yeremia 8:2

hag i a's les a-rag an howl ha'n loer, hag oll lu an nevow, re wrussons aga hara ha'ga servya, ha kerdhes war aga lergh, ha'ga hwilas ha'ga gordhya; ny vydhons kuntellys, nag ynkleudhys; i a vydh avel teyl war enep an nor.

Yeremia 8:8

Fatell yllowgh leverel, ‘Fur on, hag yma lagha an Arloedh genen’? Otta, hi re beu treylys yn gow gans pluvenn wowek an skribys.

Yeremia 8:9

Yma meth dhe'n dus fur, dyegrys yns ha kechys: otta, i re naghas ger an Arloedh, ha pana furneth eus dhedha?

Kynvannow 3:37

Piw a yll gorhemmynn hag y fydh gwrys, mar ny'n ordenas an Arloedh?

Levitikus 26:17

Ha my a sett ow fas er agas pynn, ha hwi a vydh gweskys dherag agas eskerens. An re a'gas kas a rewl warnowgh, ha hwi a fi pan na'gas siw denvyth.

Levitikus 26:25

Ha my a dhre kledha warnowgh dhe dhiella an kevambos; ha pan owgh hwi kuntellys war-barth a-berth yn agas sitys, my a dhannvon an pla yn agas mysk, ha hwi a vydh res a-ji dhe dhorn an eskar.

Romanyon 3:31

A dhomhwelyn an lagha gans fydh? Kammenn vyth! Yn konter, ni a venten an lagha.

Romanyon 4:14

Rag mara pydh an re a hol an lagha heryon, fydh yw gwag ha'n ambos re beu distruys.

1 Samuel 17:46

Y'n jydh hedhyw an Arloedh a wra dha dhelivra y'm leuv, ha my a'th wysk dhe'n leur ha treghi dhe-ves dha benn; ha my a re korfow marow lu an Filistysi y'n jydh hedhyw dhe ydhyn an ayr ha dhe vestes an dor, may hwodhvo oll an norvys bos Duw yn Ysrael,