Yeremia 19:13 - An Bibel Kernewek 20234 (Kernewek Kemmyn)

¹³ ha chiow Yerusalem, ha chiow myghternedh Yuda, a vydh defolys kepar ha tyller Tofeth, oll an chiow may losksons offrynnow war aga thohow dhe oll lu nev, ha dinewi offrynnow diwes dhe dhuwow erell.

Yeremia 19:13 ပူးပေါင်းရင်းမြစ်များ

2 Myghternedh 17:16

I a asas oll gorhemmynnow an Arloedh aga Duw, ha gul ragdha aga honan imajys teudhys a dhew leugh, ha gul Ashera, ha gordhya oll lu an nevow, ha servya Baal.

2 Myghternedh 23:10

Ev a dhefolas Tofeth usi yn nans Ben-hinnom, ma na wrella denvyth dhe vab po dhe vyrgh tremena dre dan avel offrynn dhe Molek.

2 Myghternedh 23:12

An myghtern a dorras dhe'n dor an alteryow war an to ryb chambour gwarthav Ahaz gwrys gans myghternedh Yuda, ha'n alteryow gwrys gans Manasse yn dew glos chi an Arloedh; ev a's tennas dhe'n leur ha'ga brewi dhe dhoust ha tewlel aga doust yn nans Kidron.

2 Myghternedh 23:14

Ev a vrewis an peulveyn, ha treghi dhe'n dowr an Asherim, ha lenwel aga thylleryow a eskern denel.

Salmow 74:7

I re worras tan y'th sentri; bys y'n dor i re dhefolas trigva dha hanow.

Salmow 79:1

A Dhuw, an kenedhlow re dheuth y'th ertach; i re dhefolas dha dempel sans, ha gorra Yerusalem yn bern a vagoryow.

Ysay 22:1

An profoesans a-dro dhe nans an welesigeth. Pandr'yw dhis, ty dhe yskynna dhe'n tohow, pub huni,

Yeremia 19:12

Yndella my a wra dhe'n tyller ma, yn-medh an Arloedh, ha dh'y annedhysi, ha gul an sita ma avel Tofeth:

Yeremia 32:29

An Kaldeanys neb a omladh erbynn an sita ma a dheu ha gorra tan ynni ha'y leski, war-barth gans an chiow may feu offrynnys ynkys dhe Baal war aga thohow hag offrynnow diwes dinewys dhe dhuwow erell dhe'm provokya dhe sorr.

Yeremia 44:18

Mes a-ban hedhsyn leski offrynnow dhe vyghternes nev, ha dinewi offrynnow diwes dhedhi, ny'gan bo pup-tra ha ni re beu diswrys gans an kledha ha gans an divoetter.’

Yeremia 52:13

Ev a loskas chi an Arloedh, ha chi an myghtern, hag oll chiow Yerusalem; pub chi meur ev a loskas gans tan.

Yeremia 7:18

An fleghes a guntell prenn, ha'n tasow a enow an tan, ha'n benynes a does an toes, dhe wul tesennow dhe vyghternes nev; hag i a dhinwa offrynnow diwes dhe dhuwow erell, ma'm provoksons dhe sorr.

Yeremia 8:2

hag i a's les a-rag an howl ha'n loer, hag oll lu an nevow, re wrussons aga hara ha'ga servya, ha kerdhes war aga lergh, ha'ga hwilas ha'ga gordhya; ny vydhons kuntellys, nag ynkleudhys; i a vydh avel teyl war enep an nor.

Ezekiel 20:28

My a's dros dhe'n tiredh may trehevis vy ow leuv ragdho, ow ti dh'y ri dhedha; mes peskweyth may hwelsons menydh ughel pynag po gwydhenn dhelyek pynag, i a wrug aga sakrifisow ena, ha ri ena rohow dhe'm provokya dhe sorr, hag offrynna ena aga sawer plegadow, ha diveri ena aga offrynn diwes.

Sefania 1:5

ha'n re a ombleg war an tohow dhe lu an nevow; ha'n re a ombleg war an tohow ha ti re'n Arloedh ha ti ynwedh re Milkom;

Oberow 10:9

Ternos, hag i ow vyajya hag ow nesa dhe'n sita, Peder a yskynnas dhe'n to rag pysi, a-dro dhe'n hweghves eur.

Oberow 7:42

Mes Duw a dreylyas ha'ga daskorr dhe wordhya lu nev, par dell yw skrifys yn lyver an brofoesi: “A dhresowgh hwi dhymm offrynnow ledhys ha sakrifisow dew-ugens blydhen y'n gwylvos, A ji Ysrael?

Dewteronomi 4:19

Ha pan dhrehevydh dha dhewlagas war-tu ha'n ebron ha gweles an howl, ha'n loer, ha'n ster, oll lu an nevow, na vedhewgh kammledys dh'aga gordhya na'ga servya – taklow a wrug an Arloedh dha Dhuw kevrenna dhe oll an poblow yn-dann an ebron dhien.