Yeremia 19:11 - An Bibel Kernewek 20234 (Kernewek Kemmyn)

¹¹ ha ty a lever dhedha: Yndellma y lever Arloedh an luyow: Yndellma my a derr an bobel ma ha'n sita ma, dell derrir lester an priweythor, ma na vo nevra ewnhes: hag i a's ynkleudh yn Tofeth bys pan na vydh tyller dhe ynkleudhyas.

Yeremia 19:11 ပူးပေါင်းရင်းမြစ်များ

Salmow 2:9

Ty a's terr gans gwelenn horn; ty a's brew dhe demmyn avel lester gweythor pri.’

Lavarow Koth 6:15

Ytho y derroes a dheu warnodho distowgh, a-ji dhe brysweyth ev a vydh brewys dres sawya.

Ysay 30:14

Hy thorrva a vydh avel torrva lester priweythor, brewys heb pita, rag na vo kevys yn y vrewyon darn dhe gemmeres tan dhiwar oeles po dhe dhri dowr yn-bann dhiworth dowrargh.

Yeremia 13:14

Ha my a's tewl an eyl erbynn y gila, hwath an tasow ha'n vebyon war-barth, yn-medh an Arloedh: ny sparyav, na kemmeres piteth, na truedh, mes aga distrui.

Yeremia 19:12

Yndella my a wra dhe'n tyller ma, yn-medh an Arloedh, ha dh'y annedhysi, ha gul an sita ma avel Tofeth:

Yeremia 19:6

Ytho, otta, an dydhyow a dheu, yn-medh an Arloedh, ma na vydh gelwys na fella an tyller ma Tofeth, na nans mab Hinnom, mes nans an Ladhva.

Yeremia 25:34

Oulyewgh, hwi vugeledh, ha kria; omrolyewgh yn lusu, hwi arlydhi an flokk; rag dydhyow agas ladhva ha'gas keskar yw devedhys, ha hwi a goedh avel lester teg.

Yeremia 48:38

War do pub chi yn Moab, hag yn hy stretow nyns eus marnas kynvann; rag my re dorras Moab avel lester nag eus hwans anodho, yn-medh an Arloedh.

Yeremia 51:63

Pan worfennydh lenna an rol-skrifa, kelm men orti, ha'y thewlel yn kres an Ewfrates,

Kynvannow 4:2

Mebyon dhrudh Sion, talvedhys kepar hag owr fin – Ass yns i akontys kepar ha sethow pri, ober diwla priweythor!

Oberow 21:11

hag ev a dheuth dhyn, hag ow kemmeres grogys Powl ev a omgolmas er an dreys ha'n dhiwla ha leverel, ‘Yndellma y lever an Spyrys Sans, “Y'n for' ma an Yedhewon yn Yerusalem a wra kelmi an gour a bew an grogys ma, hag i a wra y dhelivra yn leuv an Jentilys.” ’

Diskwedhyans 2:27

dh'aga rewlya gans gwelenn horn, kepar ha lestri pri, y fydhons i terrys dhe demmyn,