Yeremia 18:18 - An Bibel Kernewek 20234 (Kernewek Kemmyn)

¹⁸ Ena i a leveris, ‘Dewgh, ha tewlel towlow erbynn Yeremia; rag ny vydh kellys an lagha dhiworth an oferyas, na kusul dhiworth an re fur, na'n ger dhiworth an profoes. Dewgh ha'y weskel gans an taves, ha na woslowyn dhe nagonan a'y eryow.’

Yeremia 18:18 ပူးပေါင်းရင်းမြစ်များ

2 Samuel 15:31

Lemmyn y feu derivys dhe Davydh bos Ahithofel yn mysk an vrasoryon gans Absalom. Ytho Davydh a leveris, ‘A Arloedh, my a'th pys, treyl kusul Ahithofel dhe follneth.’

2 Samuel 17:14

Hag Absalom hag oll gwer Ysrael a leveris, ‘Kusul Hushay an Arkyas yw gwell ages kusul Ahithofel.’ Rag an Arloedh re worhemmynnsa dhe lesta kusul dha Ahithofel, may halla an Arloedh dri drog war Absalom.

1 Myghternedh 22:24

Ena Sedekia mab Kenaana a dheuth nes dhe Mikaya ha'y stiwenna war an vogh, ha leverel, ‘Fatell dremenas spyrys an Arloedh ahanav dhe gewsel dhis?’

2 Kroniklys 24:21

Mes i a vrasas er y bynn, ha der arghadow an myghtern i a'n labydhas gans meyn yn klos chi an Arloedh.

Job 5:13

Ev a vagel an dus fur yn aga felder, ha towlennow an dus sleygh yw dres dhe worfenn yn skon.

Salmow 21:11

Rag i a vynnas drog er dha bynn; i a dewlis dregynn, mes ny allsons y wul.

Salmow 52:2

Dha daves a breder terroes, yth yw avel altenn lymm, ow kul falsuri.

Salmow 57:4

Yma ow enev yn mysk lewyon; ha my a wrowedh yn mysk tus ow flammya gans sorr; aga dyns yw guwow ha sethow, ha'ga thaves yw kledha lymm.

Salmow 64:3

neb a lymmas aga thaves avel kledha, hag a dewlis lavarow hwerow avel sethow;

Lavarow Koth 18:21

Yma mernans ha bewnans yn galloes an taves, ha keniver a'n karro a dheber y froeth.

Ysay 32:7

Sherewynsi an sherewa yw drog; ev a dewl towlow dhe dhiswul an voghosogyon gans lavarow gowek, hwath pan vo klem an edhommek gwir.

Yeremia 1:19

1 Hag i a wra omladh er dha bynn; mes ny wrons fetha; rag my a vydh genes, yn-medh an Arloedh, dhe'th telivra.

Yeremia 11:19

Mes my o haval dhe oen dov yw dres dhe'n ladhva; mes ny wodhyen y feu er ow fynn may tevissens towlow, ow leverel, ‘Gwren distrui an wydhenn gans hy frut, ha gwren y dreghi a-dhiworth tir an re vew, ma na vydh kovhes y hanow namoy.’

Yeremia 18:11

Ha lemmyn ytho, kews orth gwer Yuda, hag orth annedhysi Yerusalem, ow leverel: Yndellma y lever an Arloedh: Otta, my a furv drogedh er agas pynn ha devisya towl er agas pynn: dehwelewgh peub a'y fordh dhrog ha gul dh'agas fordhow ha'gas gwriansow bos da.

Yeremia 18:19

Goslow orthiv, A Arloedh, ha klew lev ow erbynnoryon.

Yeremia 2:8

Ny leveris an oferysi, ‘Ple ma an Arloedh?’ Ha ny'm aswonni an re a dhyght an lagha: an vugeledh ynwedh a dreuspassyas er ow fynn, ha'n brofoesi a brofoesas yn hanow Baal, ha kerdhes war-lergh taklow nag yw dhe les.

Yeremia 20:10

Rag my a glewas kabel lies huni: ‘Euth a bub tu! Kuhudh e, gwren y guhudha.’ Yth esa oll ow neskerens ow kwaytya my dhe drebuchya, ow leverel, ‘Martesen ev a vydh dynys, ha ni a wra y fetha, ha tyli agan dial warnodho.’

Yeremia 26:11

Ena an oferysi ha'n brofoesi a gewsis dhe'n bennsevigyon ha dhe oll an bobel, ow leverel, ‘An gour ma a dhervynn an mernans drefenn ev dhe brofoesa erbynn an sita ma, dell glewsowgh gans agas skovornow agas honan.’

Yeremia 37:13

Ha pan esa ev orth Yet Benyamin, yth esa goelyador ena, henwys Yriya mab Shelemia mab Hanania, hag ev a dhalghennas Yeremia an profoes ow leverel, ‘Yth esos ow kilfia dhe'n Kaldeanys.’

Yeremia 43:2

Azaria mab Hoshaia ha Yohanan mab Kareagh hag oll an wer valgh a leveris dhe Yeremia, ‘Ty a wowlever. Ny'th tannvonas an Arloedh agan Duw dhe leverel, “Nag ewgh dhe Ejyp dhe driga ena”;

Yeremia 44:16

‘A-dro dhe'n ger a gewssys dhyn yn hanow an Arloedh, ny woslowyn orthis.

Yeremia 44:17

Yn le henna, ni a wra pup-tra re ambossyn, dhe leski ofrrynnow dhe vyghternes nev ha dinewi offrynnow diwes dhedhi, par dell wrussyn, ni ha'gan tasow, agan myghternedh, ha'gan pennsevigyon yn trevow Yuda hag yn stretow Yerusalem. Rag ena ni a'gan bo palster a voes, ha seweni heb gweles anfeus.

Yeremia 8:8

Fatell yllowgh leverel, ‘Fur on, hag yma lagha an Arloedh genen’? Otta, hi re beu treylys yn gow gans pluvenn wowek an skribys.

Kynvannow 3:62

diwweus ow eskerens, ha'ga krodhvolyow warnav oll an jydh.

Ezekiel 7:26

Anfeusi war anfeusi a dheu, hag y fydh hwedhel war hwedhel. I a hwila gwelesigeth dhiworth profoes; dyskans a'n lagha gans an oferyas a vydh kellys, ha kusul dhiworth an henavogyon.

Levitikus 10:11

ha dhe dhyski dhe vebyon Ysrael oll an ordenansow a leveris an Arloedh dhedha dre leuv Moyses.’

Mika 3:6

Rakhenna, y fydh nos dhywgh, heb gwelesigeth, ha tewlder dhywgh, heb dewinieth. An howl a wra sedhi war an brofoesi, ha'n jydh a vydh du a-ughta;

Mika 3:7

an dhargenysi a vydh diskrassyes, ha'n goelyogyon shamys; i oll a wra kudha aga diwweus, rag nyns eus gorthyp a Dhuw.

Malaki 2:7

Rag y koedh dhe dhiwweus an oferyas gwitha skians, hag y tal dhe dus hwilas dyskans a'y anow, drefenn y vos kannas Arloedh an luyow.

Luk 11:45

Onan a'n laghysi a worthybis ha leverel dhodho, ‘Mester, pan leverydh henna ty a'gan keredh ni maga ta.’

Yowann 9:40

Ha re a'n Fariseow neb esa ganso a glewas hemma, ha leverel dhodho, ‘On ni ynwedh dall?’